ଭୁବନେଶ୍ବର, ୨୬/୦୩: କଂଗ୍ରେସ ବିଧାୟକଙ୍କୁ ଗୃହରୁ ନିଲମ୍ଵନ ଘଟଣାକୁ ନେଇ ଦୃଢ ନିନ୍ଦା କରିଛନ୍ତି ବରିଷ୍ଠ କଂଗ୍ରେସ ନେତା ନରସିଂହ ମିଶ୍ର ଓ ପ୍ରସାଦ ହରିଚନ୍ଦନ । ନରସିଂହ ମିଶ୍ର କହିଛନ୍ତି ଯେ, ରାଜ୍ୟ ସରକାର ବିରୋଧୀଙ୍କ କଣ୍ଠରୋଧ କରିବାକୁ ଚେଷ୍ଟା କରୁଛନ୍ତି। ଧାରଣରତ କଂଗ୍ରେସ ବିଧାୟକଙ୍କୁ ମାଷ୍ଟର କ୍ୟାଣ୍ଟିନରେ ଛାଡି ଦେଲେ। ସରକାରଙ୍କ ଚାପରେ କଂଗ୍ରେସ ଚାପିବ ନାହିଁ। ବିରୋଧ ଓ ପ୍ରତିବାଦକୁ ଆହୁରି ସାଣିତ କରାଯିବ। ଆସନ୍ତାକାଲି ବିଧାନସଭା ଘେରାଉ କରାଯିବା ସହ ମହିଳାଙ୍କ ପ୍ରତି ହେଉଥିବା ଅତ୍ୟାଚାର ବିରୋଧରେ କଂଗ୍ରେସ ଦୃଢ଼ ପ୍ରତିବାଦ କରିବ ।
ଏହା ମଧ୍ୟ ପଢନ୍ତୁ- ବିଧାୟକଙ୍କୁ ଗୃହରୁ ନିଲମ୍ଵନ ଘଟଣା ନିନ୍ଦନୀୟ, ୨୭ରେ ଜବାବ ଦେବ କଂଗ୍ରେସ : ଜୟଦେବ ଜେନା
ସେହିପରି ଅନ୍ୟପଟେ ଏନେଇ ପ୍ରସାଦ ହରିଚନ୍ଦନ କହିଛନ୍ତି, କୁରୁସଭାରେ ଦ୍ରୌପଦୀର ବସ୍ଥହରଣ କଲା ଭଳି କଂଗ୍ରେସ ବିଧାୟକଙ୍କୁ ନିଲମ୍ବିତ କରାଗଲା। କୁହାଯାଉଛି କର୍ଣ୍ଣାଟକ ଘଟଣାର ଏହା ଜବାବ। ମୋଟେ ଏହା ନୁହଁ। ଉଦାହରଣ ଅଛି, ୧୯୯୫ରେ ସ୍ୱତନ୍ତ୍ର ବିଚାରଳୟ ବିଧେୟକ ନେଇ ରାତି ତମାମ ବିରୋଧୀ ଦଳ ବିଧାନସଭାରେ ରହିଥିଲେ। ହେଲେ ତତ୍କାଳୀନ କଂଗ୍ରେସ ସରକାର କାହାକୁ ନିଲମ୍ବନ କରିନଥିଲା। ପରେ ବିଜେଡି ସରକାର ଥିବା ବେଳେ ୨୦୧୨ରେ ଗୁରୁତ୍ୱପୂର୍ଣ ଆଲୋଚନା ବେଳେ ୨ ମିନିଟରେ ବିଧାନସଭାକୁ ବନ୍ଦ କରାଯାଇଥିଲା। ଆମର ପ୍ରତୀକ ବିଧାନସଭା ଚାଲିଥିଲା। ଯାହା ଖବର ମଧ୍ୟ ପ୍ରକାଶ ପାଇଥିଲା।
