ମିରଟ : ମିରଟର ଲୋମଟାଙ୍କୁରା ହତ୍ୟାକାଣ୍ଡ ଘଟଣା। ପତ୍ନୀ ମୁସ୍କାନ ପ୍ରେମିକ ସାହିଲକୁ ସ୍ୱାମୀ ସୌରଭଙ୍କ ବିଷୟରେ ଅନେକ ମିଛ କହି ତାଙ୍କର ହତ୍ୟାକାଣ୍ଡ ପାଇଁ ପ୍ରସ୍ତୁତ କରି ଥିଲା। ମୁସ୍କାନ, ସାହିଲକୁ କହିଥିଲା ଯେ,ସୌରଭ ମଦ୍ୟ ପାନ କଲା ପରେ ଖୁବ୍ ନିର୍ଦ୍ଦୟ ବ୍ୟବହାର କରୁଛି। ତାକୁ ବେଲ୍ଟରେ ପିଟୁଛି। ସୌରଭ ବିଷୟରେ ଅନେକ ମିଛ କଥା ପ୍ରେମିକ ସାହିଲକୁ ଶୁଣାଇ ଥିଲା। ମୁସ୍କାନ ନଭେମ୍ୱରରୁ ସୌରଭଙ୍କର ହତ୍ୟାକାଣ୍ଡର ନିଜର ଷଡ଼ଯନ୍ତ୍ର ଉପରେ କାମ ଆରମ୍ଭ କରି ଦେଇ ଥିଲା। ଇଣ୍ଟରନେଟ୍ରେ ହତ୍ୟା କରିବା ଓ ମୃତଦେହକୁ ଲୁଚାଇବାକୁ ଅନେକ ପ୍ରକାରର ଉପାୟ ଖୋଜି ଥିଲା। ଡ୍ରମ୍ ବ୍ୟତୀତ ବଡ ସୁଟକେସ୍ ମଧ୍ୟ କିଣା ଯାଇଥିଲା। ଏହି ସୁଟକେସ୍ ମଧ୍ୟ ନୀଳ କଲରର ଥିଲା। ପୁଲିସ ସୁଟକେସ୍କୁ ମଧ୍ୟ କବଜାରେ ନେଇଛି। ଏହାର ମଧ୍ୟ ଫୋରେନ୍ସିକ୍ ଯାଞ୍ଚ ହେଉଛି। ପ୍ରଥମେ ଏଥିରେ ପୂରାଇ ମୃତଦେହକୁ ଫିଙ୍ଗିବାର ପ୍ଲାନିଂ ଥିଲା। ପରେ ପ୍ଲାନ ବଦଳାଇ ଦିଆଯାଇ ଥିଲା। ପୁଲିସ ଲଗାତାର ମୁସ୍କାନର ବିରୋଧରେ ପ୍ରମାଣ ସଂଗ୍ରହ କରୁଛି। ଖୁବ୍ ଶୀଘ୍ର କୋର୍ଟରେ ଚାର୍ଜସିଟ୍ ଦାଖଲ କରିବ।
ଉଲ୍ଲେଖନୀୟ ଯେ, ବ୍ରହ୍ନପୁରୀର ଇନ୍ଦିରାନଗର ନିବାସୀ ସୌରଭଙ୍କୁ ୩ ମାର୍ଚ୍ଚ ୨୦୨୫ ରାତିରେ ପତ୍ନୀ ମୁସ୍କାନ ପ୍ରେମିକ ସାହିଲ ସହ ମିଶି ହତ୍ୟା କରି ଥିଲା। ଦୁହେଁ ସୌରଭଙ୍କ ଛାତିରେ ଅନେକ ଥର ଛୁରା ମାଡ଼ କରି ଥିଲେ ଏବଂ ମୃତଦେହକୁ ଖଣ୍ଡ ଖଣ୍ଡ କରି ଦେଇ ଥିଲେ। ମୁଣ୍ଡକୁ କାଟି ଅଲଗା କରି ଦେଇ ଥିଲେ ଏବଂ ଉଭୟ ହାତକୁ ରିଷ୍ଟରୁ କାଟି ଦେଇ ଥିଲେ। ଏମିତି ବିଭତ୍ସ ଭାବେ ହତ୍ୟା କରିବା ପରେ ଅଭିଯୁକ୍ତମାନେ ଖଣ୍ଡ ବିଖଣ୍ଡିତ ମୃତେଦହକୁ ଲୁଚାଇବା ପାଇଁ ନୀଳ ଡ୍ରମ୍ରେ ଛୁରୀ ସହ ଭର୍ତ୍ତି କରି ସିମେଣ୍ଟର ଲେପ ଦେଇ ଥିଲେ।
ଏହାପରେ ୪ ମାର୍ଚ୍ଚରେ ସାହିଲ-ମୁସ୍କାନ ଶିମଲା , ମନାଲୀ ଓ କସୌଲ ଚାଲି ଗଲେ। ୧୧ ମାର୍ଚ୍ଚରେ ମୁସ୍କାନ ମନାଲୀରେ ସାହିଲର ଜନ୍ମଦିନ ପାଳିଲା। ଉଭୟ ୧୭ ମାର୍ଚ୍ଚର ବିଳମ୍ୱିତ ରାତିରେ ପୁଣି ମିରଟ ଫେରି ଥିଲେ ଏବଂ ୧୮ ମାର୍ଚ୍ଚରେ ସୌରଭଙ୍କର ହତ୍ୟାକାଣ୍ଡର ଖୁଲାସା ହେଲା। ପୁଲିସ ମୃତଦେହ ଜବତ କରି ସାହିଲ ଓ ମୁସ୍କାନର ଗିରଫ କରି ଥିଲା। ୧୯ ମାର୍ଚ୍ଚରେ ସାହିଲ ମୁସ୍କାନକୁ ପୁଲିସ କୋର୍ଟରେ ହାଜର କଲା, ଯେଉଁଠାରୁ କୋର୍ଟ ୧୪ ଦିନର ନ୍ୟାୟିକ ହେପାଜତରେ ଜେଲ ପଠାଗଲା। ବୁଧବାର ସାହିଲ-ମୁସ୍କାନକୁ ମିରଟ ଜିଲ୍ଲା ଜେଲ୍ରୁ ଭିଡ଼ିଓ କନଫରେନ୍ସିରେ ସିଜେଏମ୍ କୋର୍ଟରେ ହାଜର କରାଗଲା ଏବଂ ନ୍ୟାୟିକ ହେପାଜତ ଓ ୧୪ଦିନ ପାଇଁ ବଢାଇ ଦିଆଯାଇଛି।
ପୁଲିସ ପଚରାପଚରି ଓ ସାକ୍ଷ୍ୟ ସଙ୍କଳନରେ ବଡ଼ ଖୁଲାସା ହୋଇଛି। ଏସପି ସିଟି କହିଛନ୍ତି, ମୁସ୍କାନ ହିଁ ପୂରା ହତ୍ୟାକାଣ୍ଡର ମାଷ୍ଟରମାଇଣ୍ଡ। ମୁସ୍କାନ, ସୌରଭଙ୍କ ଠାରୁ ପିଛା ଛଡ଼େଇବାକୁ ଚାହୁଁ ଥିଲା। ସେ ସାହିଲକୁ ମିଛ କହିଥିଲା କି, ସେ ମଦ ପିଇ ଅନେକ ନିର୍ଯାତନା ଦେଉଛି। ଏହିପରି ସାହିଲକୁ , ସୌରଭର ହତ୍ୟା ପାଇଁ ପ୍ରସ୍ତୁତ କଲା।
