ନୂଆଦିଲ୍ଲୀ,୦୪/୦୪: ବିରୋଧୀଙ୍କ ବିରୋଧ ଭିତରେ ସଂସଦରେ ଗୃହୀତ ହୋଇଛି ବହୁ ଚର୍ଚ୍ଚିତ ୱାକଫ୍ ସଂଶୋଧନ ବିଲ୍ । ରାଜ୍ୟସଭାରେ ପାସ୍ ହୋଇଛି ୱାକଫ୍ ବିଲ୍ । ଲୋକସଭାରେ ପାସ୍ ହେବାପରେ ଗୁରୁବାର ବିଳମ୍ବିତ ରାତିରେ ରାଜ୍ୟସଭାରେ ପାରିତ ହୋଇଛି । ବିଲ୍ରେ ରାଜ୍ୟସଭାରେ ୧୨୮ ଭୋଟ ସପକ୍ଷରେ ପଡ଼ିଥିଲା । ୯୫ ଭୋଟ୍ ବିପକ୍ଷରେ ପଡ଼ିଥିଲା । ଆଇନରେ ପରିଣତ ହେବାକୁ ଗୋଟିଏ ପାଦ ଦୂରରେ ଅଛି ବିଲ୍ ।
ୱାକଫ ସଂଶୋଧନ ବିଲ୍ ଉଭୟ ଗୃହରେ ଗୃହୀତ ହୋଇଛି । ଗୁରୁବାର ବିଲ୍ ଲୋକସଭାରେ ପାସ୍ ହୋଇଥିଲା ବେଳେ ଆଜି ରାଜ୍ୟସଭାର ସ୍ୱୀକୃତି ମିଳିଛି । ବିଲ୍ ଉପରେ ରାଜ୍ୟସଭାରେ ୧୨ ଘଣ୍ଟାରୁ ଅଧିକ ସମୟ ଚର୍ଚ୍ଚା ହୋଇଥିଲା । ବିରୋଧୀ ସଦସ୍ୟମାନେ ଆଣିଥିବା ସମସ୍ତ ସଂଶୋଧନ ପ୍ରସ୍ତାବ କାଟ୍ ଖାଇବା ପରେ ବିଳମ୍ବିତ ରାତିରେ ଭୋଟିଂ ହୋଇଥିଲା । ବିଲ୍ ସପକ୍ଷରେ ୧୨୮ ଓ ବିପକ୍ଷରେ ୯୫ ଭୋଟ ପଡିଥିଲା । ଆଇନରେ ପରିଣତ ହେବାକୁ ଏବେ ମାତ୍ର ଗୋଟିଏ ପାଦ ଦୂରରେ ରହିଛି ବିଲ୍ । ରାଷ୍ଟ୍ରପତିଙ୍କ ମଞ୍ଜୁରି ମିଳିବା ପରେ ଏହି ବିଲ୍ ଆଇନରେ ପରିଣତ ହେବ ।
ୱାକଫ୍ ବୋର୍ଡ କଣ ?
'ୱାକଫ୍' ଆରବୀ ଭାଷାର 'ୱାକୁଫା' ଶଦ୍ଦରୁ ଆସିଛି । ଏହାର ଅର୍ଥ ଅଟକିଥିବା ବା ସ୍ଥିର ହୋଇଯିବା । ଇସ୍ଲାମରେ ଏହା ଦାନ ଦେବାର ଏକ ପ୍ରକ୍ରିୟା । ଏପରି ସମ୍ପତ୍ତି ଯାହା କି ସାମାଜିକ କାମ ପାଇଁ ଦାନ କରି ଦିଆଯାଇଥାଏ । ତାହାକୁ 'ୱାକଫ୍ ସମ୍ପତ୍ତି' କୁହାଯାଏ । ଦାନ କରିଥିବା ବ୍ୟକ୍ତି ସ୍ଥିର କରିଥାନ୍ତି ତାଙ୍କ ସମ୍ପତ୍ତି କେଉଁ କାମରେ ଲାଗିବ ।
କିପରି ପରିଚାଳନା ହୁଏ ? ଭାରତ ସରକାର ୱାକଫ୍ ସମ୍ପତ୍ତିର ପରିଚାଳନା ଏବଂ ତଦାରଖ ପାଇଁ ୱାକଫ୍ ବୋର୍ଡ଼ ଏବଂ ସେଣ୍ଟ୍ରାଲ ୱାକଫ୍ କାଉନ୍ସିଲ ବ୍ୟବସ୍ଥା ଆଣିଛନ୍ତି । ଏହି ୱାକଫ୍ ସଂଶୋଧନ ବିଲ୍ ପୂର୍ବରୁ ୱାକଫ୍ ସମ୍ପତ୍ତିର ସୁରକ୍ଷା ପାଇଁ ୧୯୯୫ରେ ୱାକଫ୍ ଆକ୍ଟ ଏବଂ ୨୦୧୩ରେ ୱାକଫ୍ ସଂଶୋଧନ ସୁରକ୍ଷା ଲାଗି କେନ୍ଦ୍ର ସ୍ତରରେ ଏକ ସ୍ବୟଂଚାଳିତ ସଂସ୍ଥା ରହିଛି । ଯାହାକୁ ସେଣ୍ଟ୍ରାଲ ୱାକଫ୍ କାଉନ୍ସିଲ କୁହାଯାଏ । ଏହାବାଦ୍ ରାଜ୍ୟ ସ୍ତରରେ ସମ୍ପତ୍ତିର ପରିଚାଳନା ପାଇଁ ୱାକଫ୍ ବୋର୍ଡ ରହିଛି । ଦେଶରେ ମୋଟ ୩୨ଟି ୱାକଫ୍ ବୋର୍ଡ଼ ରହିଛି ।
ଅଧିକ ପଢ଼ନ୍ତୁ...Waqf Amendment Bill: ୱାକଫ୍ ପାଖରେ କେଉଁଠି ଏବଂ କେତେ ସମ୍ପତ୍ତି ଅଛି ?
ୱାକଫ୍ ପାଖରେ କେତେ ସମ୍ପତ୍ତି ଅଛି ? ସଂଖ୍ୟାଲଘୁ ମନ୍ତ୍ରଣାଳୟ ସୂଚନା ଅନୁସାରେ, ୱାକଫ୍ ବୋର୍ଡ଼ ପାଖରେ ଭାରତରେ ପ୍ରାୟ ୮.୭୩ ଲକ୍ଷ ସମ୍ପତ୍ତି ରହିଛି । ଯାହା କି ପ୍ରାୟ ୯.୪ ଲକ୍ଷ ଏକର ଜମିରେ ପରିବ୍ୟାପ୍ତ । ଏହାର ମୂଲ୍ୟ ୧.୨ ଲକ୍ଷ କୋଟି ଟଙ୍କାରୁ ଅଧିକ । ଦୁନିଆରେ ସର୍ବାଧିକ ୱାକଫ୍ ସମ୍ପତ୍ତି ରହିଛି । ଭାରତରେ ସେନା ଏବଂ ରେଲୱେଠାରୁ ମଧ୍ୟ ୱାକଫ୍ ସମ୍ପତ୍ତି ଅଧିକ । ବର୍ଷକୁ ୱାକଫର ରେଭିନ୍ୟୁ ୨୦୦ କୋଟି ଟଙ୍କା ।
