ଭୁବନେଶ୍ୱର ୨୫/୦୨: ରାଜଧାନୀରେ ମୋ ବସ ଆତଙ୍କ। ମାଷ୍ଟର କ୍ୟାଣ୍ଟନି ଛକରେ ଅଟୋକୁ ଅପେକ୍ଷା କରୁଥିବା ବେଳେ ଦୁଇ ଜଣକୁ ପିଟିଲା ମୋ ବସ। ଦୁର୍ଘଟଣାରେ ଯୁବକ ରଞ୍ଜିତ ବେହେରା ଏବଂ ହୃଦାନନ୍ଦ ମହାନ୍ତି ଆହତ ହୋଇଛନ୍ତି। ଯୁବକ ରଞ୍ଜିତ ବେହେରାଙ୍କ ଡାହାଣ ଗୋଡ ଆହତ ହୋଇଛଥିବା ବେଳେ ଅନ୍ୟଜଣେ ହୃଦାନନ୍ଦ ମହାନ୍ତିଙ୍କ କାନ୍ଧ ଓ ଅଣ୍ଟାରେ ଆଘାତ ଲାଗିଛି ।ତାଙ୍କୁ ତୁରନ୍ତ ଉଦ୍ଧାର କରାଯାଇ କ୍ୟାପିଟାଲ ହସ୍ପିଟାଲାରେ ଭର୍ତ୍ତି କରାଯାଇଛି।
ସୂଚନା ଥାଉକି, ପୁରୀର ରଞ୍ଜିତ ବେହେରା ଟ୍ରେନରେ ଭୁବନେଶ୍ବର ଆସିଥିଲେ। ଷ୍ଟେସନରେ ପହଁଚିବା ପରେ ମାଷ୍ଟର କ୍ୟାଣ୍ଟନି ଛକରେ ଅଟୋକୁ ଅପେକ୍ଷା କରି ଠିଆ ହେଇଥିଲେ। କିନ୍ତୁ ହଠାତ ୨୩ ରୁଟ ନମ୍ବରର ମୋ ବସ୍ ଡ୍ରାଇଭର ମାଡି ଆସି ଯୁବକଙ୍କୁ ବାଡେଇଦେଇଥିଲା । ଯାହାଫଳରେ ଯୁବକ ରଞ୍ଜିତ ବେହେରାଙ୍କ ଡାହାଣ ଗୋଡ ଆଘାତ ଲାଗିଛି । ହୃଦାନନ୍ଦ ମହାନ୍ତିଙ୍କ କାନ୍ଧ ଓ ଅଣ୍ଟାରେ ଆଘାତ ଲାଗିଛି।ଦୁର୍ଘଟଣା ପରେ ଘଟଣାସ୍ଥଳରେ ଉତ୍ତେଜନା ଦେଖାଦେଇଥିଲା। ଘଟଣାସ୍ଥଳ ପୋଲିସ ପହଞ୍ଚି ସ୍ଥିତିକୁ ନିୟନ୍ତ୍ରଣ କରିଥିବା ଜଣାପଡିଛି।
