ଭୁବନେଶ୍ବର,୨୫/୦୨: ରାଜ୍ୟରେ ମୃଦୁ ଭୂକମ୍ପ ଝଟକା ଲାଗିଛି । ଥରିଲା ରାଜଧାନୀ ଭୁବନେଶ୍ବର । ସକାଳ ୬ଟା୧୦ମିନିଟରେ ଭୂମିକମ୍ପ ଅନୂଭୁତ ହୋଇଛି । ବଙ୍ଗୋପସାଗର ଭୂକମ୍ପ କେନ୍ଦ୍ରସ୍ଥଳ ରହିଛି । ରିକ୍ଟର ସ୍କେଲରେ ଏହାର ତୀବ୍ରତା ୫.୧ ରେକର୍ଡ ହୋଇଛି । ଭୂକମ୍ପ ଝଟକାରେ ଲୋକମାନେ ଭୟଭୀତ ହୋଇଥିବା ଦେଖିବାକୁ ମିଳିଛି ।  ତୀବ୍ରତା କମ୍ ଥିବାରୁ କୌଣସି କ୍ଷୟକ୍ଷତିର ସୂଚନା ନାହିଁ ।

୨ ରୁ ୩ ସେକେଣ୍ଡ ଯାଏଁ ଝଟକା ଅନୁଭୂତ ଥିଲା । ଘରର ଆସବାପତ୍ର ଥରିବାକୁ ଲାଗିଥିଲା । ବଙ୍ଗୋପସାଗରରେ ୯୧କିମି ତଳେ ଭୂକମ୍ପର କେନ୍ଦ୍ରସ୍ଥଳ ରହିିଛି ।ଭୁବନେଶ୍ବର ସମେତ ପୁରୀ, ପାରାଦ୍ବୀପ, ବାଲେଶ୍ବର, ବାରିପଦା ଓ ବ୍ରହ୍ମପୁରର କିଛି ସ୍ଥାନରେ ଝଟକା ଅନୁଭୂତ ହୋଇଛି । ଭୂମିକମ୍ପ ସମୁଦ୍ର ମଧ୍ୟରେ ହୋଇଥିବାରୁ କିଛି କ୍ଷୟକ୍ଷତି ହୋଇନାହିଁ । ଭୁବନେଶ୍ବରରୁ ୨୯୭କିମି ଦୂରରେ ଭୂମିକମ୍ପ କେନ୍ଦ୍ରସ୍ଥଳ ରହିଛି । ପୁରୀରୁ ୨୮୬ କିମି ଓ ବ୍ରହ୍ମପୁରରୁ ୩୯୪ କିମି ଦୂରରେ କେନ୍ଦ୍ରସ୍ଥଳ ରହିଛି । ଭାରତ ଓ ବାଂଲାଦେଶ ମଧ୍ୟରେ ଭୂମିକମ୍ପ ପ୍ରଭାବ ଅନୁଭୂତ ହୋଇଛି । ସେପଟେ ପଶ୍ଚିମବଙ୍ଗ ମଧ୍ୟ ୫.୧ତୀବ୍ରତାର ଭୂକମ୍ପ ଝଟକା ଲାଗିଛି ।

An earthquake with a magnitude of 5.1 on the Richter Scale hit the Bay of Bengal at 06:10 IST today

(Source - National Center for Seismology) pic.twitter.com/Fro47VpwTK

— ANI (@ANI) February 25, 2025

ଅଧିକ ପଢନ୍ତୁ...ହିମାଚଳ ପ୍ରଦେଶ ମଣ୍ଡିରେ ଭୂକମ୍ପ ଝଟକା, ରିକ୍ଟର ସ୍କେଲରେ ତୀବ୍ରତା ୩.୭ ରେକର୍ଡ

କିଛି ଦିନ ତଳେ ରାଜଧାନୀ ଦିଲ୍ଲୀରେ ମଧ୍ୟ ଭୂମିକମ୍ପ ଅନୁଭୂତ ହୋଇଥିଲା । ୭ଦିନ ମଧ୍ୟରେ ଦିଲ୍ଲୀରେ ୩ଥର ଭୂମିକମ୍ପ ଝଟକା ଲାଗିଛି । ଗତକାଲି (ସୋମବାର) ସକାଳ ୧୧ଟା ୪୬ ମିନିଟରେ ଝଟକା ଲାଗିଥିଲା ।  ରିକ୍ଟର ସ୍କେଲରେ ଏହା ତୀବ୍ରତା ୨.୨ ରେକର୍ଡ ହୋଇଥିଲା । ତୀବ୍ରତା ବହୁତ କମ୍ ଥିବାରୁ କୌଣସି କ୍ଷୟକ୍ଷତି ହୋଇନଥିଲା । ଏହାପୂର୍ବରୁ ଦୁଇଥର ଦିଲ୍ଲୀରେ ଭୂମିକମ୍ପ ଅନୁଭୂତ ହୋଇଥିଲା । ତୀବ୍ରତା ଯଥାକ୍ରମେ ୪.୮ ଓ ୨.୮ ରେକର୍ଡ ହୋଇଥିଲା ।