ଜଗତସିଂହପୁର, ୧୭/୦୮: ଘରୋଇ ଆମ୍ବୁଲାନ୍ସରେ ନିଆଁ ଲଗାଇଲେ ଦୁର୍ବୃତ୍ତ । ଆମ୍ବୁଲାନ୍ସଟି ମରାମତି ପାଇଁ ଜଗତସିଂହପୁର ସହରସ୍ଥିତ ଏକ ଗ୍ୟାରେଜରେ ଥିବାବେଳେ ଏଭଳି ଅମାନୁସିକକାଣ୍ଡ ଘଟିଥିବା ଜଣାପଡ଼ିଛି । ଶୁକ୍ରବାର ବିଳମ୍ବିତ ରାତିରେ ଆମ୍ବୁଲାନ୍ସରେ ନିଆଁ ଲଗିବା ପରେ ସାରା ଗ୍ୟାରେଜରେ ନିଆଁ ଲାଗିଯାଇଥିଲା । ଘଟଣାସ୍ଥଳରେ ନିଆଁ ଆୟତ୍ତ କରିଛି ଅଗ୍ନିଶମ ବିଭାଗ ।
ସୂଚନା ଅନୁଯାୟୀ, ଶୁକ୍ରବାର ସନ୍ଧ୍ୟାରେ ଏକ ଘରୋଇ ଆମ୍ବୁଲାନ୍ସକୁ ଏହାର ମାଲିକ ମରାମତି ପାଇଁ ଜଗତସିଂହପୁରର ଏକ ଗ୍ୟାରେଜକୁ ଆଣିଥିଲେ । ତେବେ ଶୁକ୍ରବାର ବିଳମ୍ବିତ ରାତିରେ ଅଜଣା ଦୁର୍ବୃତ୍ତମାନେ ଆସି ସିସିଟିଭିର ତାର କାଟି ଆମ୍ବୁଲାନ୍ସରେ ନିଆଁ ଲଗାଇ ଦେଇଥିଲେ । ଆମ୍ବୁଲାନ୍ସରେ ନିଆଁ ଲାଗିବା ପରେ ସାରା ଗ୍ୟାରେଜରେ ନିଆଁ ଲାଗିଯାଇଥିଲା । ଏହା ଦେଖି ସ୍ଥାନୀୟ ଲୋକେ ଅଗ୍ନିଶମ ବିଭାଗକୁ ଖବର ଦେଇଥିଲେ । ଖବର ପାଇ ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲା । ଶନିବାର ସକାଳୁ ଗ୍ୟାରେଜ ମାଲିକ ଘଟଣା ସମ୍ପର୍କରେ ଜାଣିବା ପରେ ଗାଡ଼ି ମାଲିକଙ୍କୁ ଖବର ଦେଇଥିଲେ । ଏନେଇ ସଦର ଥାନାରେ ଏତଲା ଦେଇଛନ୍ତି ଗାଡ଼ି ମାଲିକ ।