ବିରିଡି,୩୧/୦୮: ବିରିଡି ବ୍ଲକ ପୂରଣ ଗ୍ରାମର କାଳନ୍ଦୀ ଚରଣ ଭୋଇଙ୍କ ବୟସ ଏବେ ୩୫ । ଜନ୍ମରୁ ତାଙ୍କର ବାମ ଗୋଡଟି ସମ୍ପୂର୍ଣ୍ଣ ପୋଲିଓ ରହିଥିଲା । ପରେ ଏକ ଦୁର୍ଘଟଣାରେ ତାଙ୍କ ଗୋଡ ଭାଙ୍ଗିବାରୁ ତାହା ପୋଲିଓ ଅବସ୍ଥାକୁ ଚାଲି ଯାଇଥିଲା । ଯାହା ବର୍ତ୍ତମାନ ତାଙ୍କର ଦୁଇଟି ଯାକ ଗୋଡ ଅକର୍ମଣ୍ୟ ।
ଆଶାବାଡି ତାଙ୍କର ସାହାରା ପାଲଟିଥିଲା ଯାହାର ସହାୟତାରେ ଚଳପ୍ରଚଳ ହେଉଥିଲେ । ଦିନ ମଜୁରିଆ ବାପମା'ଙ୍କ ଉପରେ ବାଝ ହୋଇ ରହୁଥିଲେ । ମାତ୍ର କାଳନ୍ଦୀ ହାର୍ମାନିବାକୁ ଚାହୁଁ ନଥିଲେ । କିଛି ଗୋଟେ କରି ଗରିବ ଦିନ ମଜୁରିଆ ବାପା ମା’ଙ୍କ ବୋଝକୁ ହାଲକା କରିବାକୁ ଚାହୁଁ ଥିଲେ । ତେଣୁ ସେ ବିରିଡି ବ୍ଲକ ମଣ୍ଡଳ ଉନ୍ନୟନ ଅଧିକାରୀଙ୍କ ନିକଟରେ ଆବେଦନ କରିବା ପରେ ଭିନ୍ନକ୍ଷମ ସଶକ୍ତିକରଣ ବିଭାଗ ପକ୍ଷରୁ ଏକ ବ୍ୟାଟେରୀ ଚାଳିତ ତିନି ଚକିଆ ସାଇକେଲ୍ ପାଇଥିଲେ । ଏହି ସାଇକେଲ୍ ପାଇବା ପରେ ତାଙ୍କୁ ବଞ୍ଚିବାର ରାହା ମିଳିଯାଇଥିଲା । ସେ ଆୟର ପନ୍ଥା ଖାଜିଥିଲେ । କାଳନ୍ଦୀ ନିଜ ସାଙ୍ଗଠାରୁ ମାତ୍ର ୧୦୦୦ ଟଙ୍କା କରଜ ଆଣି ଝାଲ୍ ମୁଡି ଓ ପାମ୍ପଡ ବ୍ୟବସାୟ ଆରମ୍ଭ କରିଥିଲେ । ସେ ପାଇଥିବା ତିନିଚକିଆ ସାଇକେଲ୍ର ପଛପଟେ ଏକ ଢାବଲ ରଖି ସେଥିରେ ବ୍ୟବସାୟୀ ସାମଗ୍ରୀ ବା ଝାଲ୍ ମୁଡି ଓ ପାମ୍ପଡକୁ ଧରି ୨୨ ମଉଜାଜ ବିଭିନ୍ନ ଗାଁ, ସ୍କୁଲ୍ କଲେଜ, ତଥା ଛକ ବଜାରରେ ପହଞ୍ଚି ବିକ୍ରି କରି ବେଶ୍ ଦି’ ପଇସା ରୋଜଗାର କରୁଛନ୍ତି ।
