କଟକ,୨୩/୮ : ଗିରଫ ହେଲେ କୋଟିପତି କିରାଣୀ କିଶୋର ସାହାଣୀ । କଟକ ସିଟି ହସ୍ପିଟାଲର ବରିଷ୍ଠ କିରାଣୀ ଭାବେ କାର୍ଯ୍ୟ କରୁଥିବା କିଶୋର ପ୍ରାୟ ଦେଢ଼ କୋଟି ତାଙ୍କର ଯୁଜର୍ସ ଫି ହଡ଼ପ କରିଥିବା ସଂଗୀନ ଅଭିଯୋଗ ହୋଇଛି । ଏହା ବ୍ୟତିତ, ସେ କୋଟି କୋଟି ଟଙ୍କାର ଆୟ ବହିର୍ଭୁତ ସମ୍ପତ୍ତି ଠୁଳ କରିଥିବା ଭିଜିଲାନ୍ସ ଜାଣିବାକୁ ପାଇଛି ।
ଶୁକ୍ରବାର କିଶୋରଙ୍କ ଘର ସମେତ ୫ ସ୍ଥାନରେ ଭିଜିଲାନ୍ସ ରେଡ କରିଥିଲା । ଚଢ଼ଉବେଳେ ୨ଟି ବୃହତ ଅଟ୍ଟାଳିକା ଗୋଟିଏ ଫାର୍ମ ହାଉସ ଏବଂ ୧୯ଟି ପ୍ଲଟ ଠାବ କରିଛି ଭିଜିଲାନ୍ସ । ଏ ସବୁ ବାଦ ଆହୁରି ଅନେକ ସମ୍ପତ୍ତି ଠାବ ହୋଇଛି । ଯାହା ତାଙ୍କ ଆୟର ପ୍ରାୟ ୨ଶହ ୧ ପ୍ରତିଶତ ଅଧିକ ବୋଲି ଭିଜିଲାନ୍ସ ଏସପି କହିଛନ୍ତି । ଏହି ହେରାଫେରୀରେ କିଶୋରଙ୍କ ସ୍ତ୍ରୀ ସମ୍ପୃକ୍ତ ଥିବା ମଧ୍ୟ ଅଭିଯୋଗ ହୋଇଛି । ତେଣୁ ତାଙ୍କ ନାଁରେ ମଧ୍ୟ ଏକ ମାମଲା ରୁଜୁ କରିଛି ଭିଜିଲାନ୍ସ । ଆବଶ୍ୟକ ହେଲେ ଅଧିକ ପଚରାଉଚରା ପାଇଁ ତାଙ୍କୁ ରିମାଣ୍ଡରେ ଅଣାଯିବ ବୋଲି କୁହାଯାଇଛି । ୨୦୧୦ରୁ ୨୦୧୬ ମଧ୍ୟରେ ସିଟି ହସ୍ପିଟାଲର ଯୁଜର୍ସ ଫି ବାବଦୀୟ ପ୍ରାୟ ୧ କୋଟି ୨୪ ଲକ୍ଷ ଟଙ୍କା କିଶୋର ହଡପ କରିଥିବାର ସଂଗୀନ ଆରୋପ ରହିଛି।
