ଭୁବନେଶ୍ଵର, ୧୯/୦୪ : ୱାକଫ୍ ଆଇନ ସଂଶୋଧନ ବିରୋଧରେ କଟକରେ ବଡ଼ ଧରଣର ବିକ୍ଷୋଭ। କଟକର ୪୦ଟି ମସଜିଦ କମିଟି ଓ ବିଭିନ୍ନ ମୋହଲ୍ଲା କମିଟିର ହଜାର ହଜାର ଲୋକ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଛନ୍ତି। ହଜାର ହଜାର ଲୋକ ପୁରୀଘାଟ ନିକଟରେ ଥିବା ଗାନ୍ଧୀ ଭବନରୁ ଏକ ଶୋଭାଯାତ୍ରାରେ ଆସି ଜିଲ୍ଲାପାଳଙ୍କ ଅଫିସ୍ ନିକଟରେ ପହଞ୍ଚି ପ୍ରତିବାଦ ସଭା କରିଛନ୍ତି। 

ଭାରତୀୟ ସମ୍ବିଧାନର ମୂଳ ଢାଞ୍ଚା ଏଭଳି ଆଇନ ଦ୍ବାରା ପ୍ରଭାବିତ ହେବ ବୋଲି ଆନ୍ଦୋଳନକାରୀମାନେ ମତ ଦେଇଛନ୍ତି। ଏହି ବିକ୍ଷୋଭ ପ୍ରଦର୍ଶନ ସମୟରେ ବିହାର ମୁଖ୍ୟମନ୍ତ୍ରୀ ନିତିଶ କୁମାର, ଆନ୍ଧ୍ର ପ୍ରଦେଶ ମୁଖ୍ୟମନ୍ତ୍ରୀ ଚନ୍ଦ୍ର ବାବୁ ନାଇଡୁ ଓ ପୂର୍ବତନ ବିଜେଡି ନେତା ଭି. କାର୍ତ୍ତିକେୟନ ପାଣ୍ଡିଆନଙ୍କ କୁଶପୁତ୍ତଳିକା ଦାହ କରାଯାଇଥିଲା। ତିନି ଆଞ୍ଚଳିକ ଦଳ ସଂଖ୍ୟାଲଘୁ ଭୋଟ ହାତେଇବା ପରେ ଓ୍ବାକଫ୍ ବିଲକୁ ସମର୍ଥନ ଦେଇ ସଂଖ୍ୟାଲଘୁ ବିରୋଧି କାମ କରିଛନ୍ତି ବୋଲି ମୁସଲିମ ବୁଦ୍ଧିଜୀବିମାନେ ମତ ଦେଇଛନ୍ତି।

ଏହି ଖବରଟିକୁ ପଢନ୍ତୁ-ରାସ୍ତା ମଝିରେ ଛିଣ୍ଡିଲା ଟ୍ରେଲରର ଶିଙ୍କୁଳି, ଗାଡିରୁ ଖସିଲା ଓଜନିଆ ଲୁହା ପ୍ଲେଟ୍