କାକଟପୁର,୨୦/୦୪: ରାତି ରାତି ବଦଳିଗଲା ଭାଗ୍ୟ। ମାତ୍ର ୪୯ ଟଙ୍କା ଲଗାଇ ଅନଲାଇନ ଗେମରେ ଜ୍ୟାକପଟ୍ ଲାଗିବା ପରେ ୩ କୋଟି ଟଙ୍କା ସହ ଏକ ମହିନ୍ଦ୍ରା ଥାର୍ ଜିତିଲେ ଯୁବକ। ଆଉ ସେ ଯୁବକ ଜଣକ କୌଣସି ବାହାର ରାଜ୍ୟର ନୁହେଁ ବରଂ ଆମ ଓଡ଼ିଶାର କାକଟପୁର ବ୍ଲକ୍ ଅଧୀନ ବାଜପୁର ଗ୍ରାମର ମହେନ୍ଦ୍ର ନନ୍ଦି।
କାକଟପୁର ବ୍ଲକ୍ ଅଧୀନ ବାଜପୁର ଗ୍ରାମର ମହେନ୍ଦ୍ର ନନ୍ଦି ମାଇଁ-୧୧ ଆପ୍ରେ ପଞ୍ଜାବ-ବେଙ୍ଗାଲୁରୁ ମ୍ୟାଚ୍ରେ ମାତ୍ର ୪୯ ଟଙ୍କା ଲଗାଇ ୩ କୋଟି ଟଙ୍କା ସହିତ ଏକ ମହିନ୍ଦ୍ରା ଥାର୍ ଗାଡ଼ି ଜିତିଛନ୍ତି । ମହେନ୍ଦ୍ର ଜଣେ ନିମ୍ନ ମଧ୍ୟବିତ୍ତ ପରିବାରର । ସେ କାକଟପୁର ବଜାରରେ ଏକ ମୋବାଇଲ୍ ଦୋକାନ କରି ନିଜର ପରିବାର ପ୍ରତିପୋଷଣ କରନ୍ତି । ରାତାରାତି ତାଙ୍କ ଭାଗ୍ୟ ବଦଳି ଯାଇଛି । ଏବେ ବିଭିନ୍ନ ମହଲରୁ ତାଙ୍କୁ ଶୁଭେଚ୍ଛାର ସୁଅ ଛୁଟୁଛି ।
