ରିଆମାଳ,୨୦/୦୪; ରିଆମାଳ ଥାନା ତେଲିମୁଣ୍ଡା ନିକଟସ୍ଥ ଏକ ଆମ୍ବ ଗଛରେ ଝୁଲନ୍ତା ଅବସ୍ଥାରେ ଏକ ଅଜଣା ଶବକୁ ପୋଲିସ ଉଦ୍ଧାର କରିଛି । ପାରିପାର୍ଶ୍ଵିକ ସ୍ଥିତିରୁ ଏହା ହତ୍ୟା ନା ଆତ୍ମହତ୍ୟା ଜଣା ପଡି ନାହିଁ । ଘଟଣା ସ୍ଥଳରେ ପୋଲିସ ଏବଂ ସାଇଣ୍ଟିଫିକ୍ ଟିମ୍ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।
ସୂଚନା ମୁତାବକ, ରବିବାର କିଛି ଲୋକ ପତ୍ର ତୋଳିବାକୁ ଯାଇଥିଲେ । ତେଲିମୁଣ୍ଡା ଶୁଣ୍ଢୀକଟା ନିକଟରେ ଥିବା ଜଙ୍ଗଲର ଏକ ଆମ୍ବ ଗଛରେ ଏକ ଶବ ଝୁଲୁଥିବା ଦେଖିଥିଲେ ଲୋକେ । ଏହା ଦେଖି ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣା ସ୍ଥଳରେ ପହଞ୍ଚି ଶବ ଜବତ କରିଛି ରିଆମାଳ ପୋଲିସ । ଉକ୍ତ ସ୍ଥାନରେ ପାରିପାର୍ଶ୍ଵିକ ସ୍ଥିତିରୁ ଏହା ହତ୍ୟା ନା ଆତ୍ମହତ୍ୟା ଜଣା ପଡି ନଥିବା ବେଳେ ଶବଟି ଆଠରୁ ଦଶ ଦିନ ହେବ ଓହଳୁ ଥିବା ଅନୁମାନ କରାଯାଉଛି । ପୋଲିସ ଏବଂ ସାଇଣ୍ଟିଫିକ ଦଳର ତଦନ୍ତ ପରେ ଘଟଣା ଜଣା ପଡିବ ବୋଲି ଆଶା କରାଯାଉଛି ।
