ନୂଆଦିଲ୍ଲୀ : ପଶ୍ଚିମୀ ଦିଲ୍ଲୀର ରାଜୌରୀ ଗାର୍ଡନ ଅଞ୍ଚଳରେ ଏକ ରେଷ୍ଟୁରାଣ୍ଟରେ ଆଜି ଦ୍ୱିପ୍ରହରରେ ଭୀଷଣ ଅଗ୍ନିକାଣ୍ଡ ଘଟିଛି। ରେଷ୍ଟୁରାଣ୍ଟରେ ଥିବା ଲୋକେ ଛାତରୁ ଡ଼େଇଁ ନିଜ ନିଜର ଜୀବନ ବଞ୍ଚାଇଛନ୍ତି। ନିଆଁ ଲାଗିବାର ସୂଚନା ପାଇବା ପାଇଁ ଘଟଣାସ୍ଥଳରେ ଅଗ୍ନିଶମ ବାହିନୀର ୧୦ଟି ଗାଡ଼ି ମୁତୟନ କରାଯାଇଛି।
ଫାୟାର ଡାଇରେକ୍ଟର ଅତୁଲ ଗର୍ଗ କହିଛନ୍ତି କି , ଦ୍ୱିପ୍ରହର ୨ଟା ସମୟରେ କଣ୍ଟ୍ରୋଲ ରୁମ୍କୁ ଏହି ଦୁର୍ଘଟଣାର ସୂଚନା ମିଳିଥିଲା। ସେବେ ଠାରୁ ନିଆଁକୁ କାବୁ କରିବାକୁ ଚେଷ୍ଟା ଜାରି ରହିଛି।
ସୂଚନା ଅନୁସାରେ, ନିଆଁ ରାଜୌରୀ ମେଟ୍ରୋ ଷ୍ଟେସନ ସାମ୍ନା ଜଙ୍ଗଲ ଜମ୍ୱୁରୀ କେଷ୍ଟୁରାଣ୍ଟରେ ଲାଗିଛି। ଏବେ ନିଆଁକୁ କାବୁ କରାଯାଇ ପାରି ନାହିଁ। ନିଆଁ ଲିଭାଇବା କାମ ଜୋରସୋରରେ ଚାଲିଛି। କାହାର ମୃତାହତ ହେବାର ସୂଚନା ଆସି ନାହିଁ। ଆସିଷ୍ଟାଣ୍ଟ ଡିଭିଜିନାଲ ଅଫିସର ସରବଜିତଙ୍କ ସହ ଘଟଣା ସ୍ଥଳରେ ୬୦ଜଣ ଅଗ୍ନିଶମ କର୍ମଚାରୀ ନିଆଁ ଲିଭାଇବାରେ ଲାଗିଛନ୍ତି। ନ୍ୟୁଜ୍ ଏଜେନ୍ସି ପିଟିଆଇ ଦ୍ୱାରା ସେୟାର କରାଯାଇ ଥିବା ଭିଡ଼ିଓ ଅନୁସାରେ, ଜଙ୍ଗଲ ଜମ୍ୱୁରୀ ରେଷ୍ଟୁରାଣ୍ଟର ଛାତରୁ ଲୋକେ ଡ଼େଇଁ ନିଜ ଜୀବନ ବଞ୍ଚାଇଛନ୍ତି।
