ନୂଆଦିଲ୍ଲୀ,୨୩।୭: ଦଙ୍ଗାକାରୀଙ୍କ ଏକ ଗୋଷ୍ଠୀ ଦ୍ବାରା ଦୁଇ ମହିଳାଙ୍କୁ ଉଲଗ୍ନ କରି ବୁଲାଇବା ଭିଡିଓ ଭାଇରାଲ ହେବାପରେ ମଣିପୁରରେ ବିବାଦ ବଢିଯାଇଛି। ବିବାଦ ଭିତରେ ସରକାର ଏବେ ପଡୋଶୀ ରାଜ୍ୟ ମିଜୋରାମ୍ରୁ ମୈତେଇ ସମ୍ପ୍ରଦାୟର ଲୋକଙ୍କୁ ଏୟାରଲିଫ୍ଟ କରିପାରେ। ରାଜ୍ୟର ଆଇଜୋଲ୍ ସହରରେ ମୈତେଇଙ୍କ ସୁରକ୍ଷା ସୁନିଶ୍ଚିତ କରିବା ପାଇଁ ମିଜୋରାମ ପୋଲିସ ସୁରକ୍ଷା ବ୍ୟବସ୍ଥା ବଢାଇ ଦେଇଛି।
ଚିଠିରେ କୁହାଯାଇଛି, ମଣିପୁରରେ ଦୁଇ ଆଦିବାସୀ କୁକି, ଯାହାଙ୍କ ଉପରେ ଅତି ନିର୍ମମ ଭାବରେ ଆକ୍ରମଣ କରାଯିବାର ଭିଡିଓ ଭାଇରାଲ ହେବାପରେ ମୈତେଇଙ୍କ ବିରୋଧରେ ସାର୍ବଜନୀକ ଆକ୍ରେଶ ସୃଷ୍ଟି ହେବାର ଆଶଙ୍କା ରହିଛି। ଏହାଦ୍ବାରା ଆଇଜୋଲ୍ରେ ରହୁଥିବା ମୈତେଇଙ୍କ ସୁରକ୍ଷା ବିପଦରେ ପଡିଯାଇଛି। ଆଇଜୋଲ୍ରେ ମୈତେଇଙ୍କ ସୁରକ୍ଷା ସୁନିଶ୍ଚିତ କରିବା ପାଇଁ ସୁରକ୍ଷା ବ୍ୟବସ୍ଥା କଡାକଡି କରିଦିଆଯାଇଛି।
ଚିଠି ଅନୁସାରେ ଭିଟି କଲେଜ, ସିଲେସିହ, ମିଜୋରାମ ବିଶ୍ବବିଦ୍ୟାଳୟ, ତାନହିଲ୍, ରିପନ୍ସ, ଜେମାବାକ୍ ଓ ଜେଡ୍ଏମ୍ସି, ଫାଲକନ୍ରେ ସୁରକ୍ଷା ବ୍ୟବସ୍ଥା ବଢାଇ ଦିଆଯାଇଛି। ଇଣ୍ଡିଆ ଟୁଡେ ଏନ୍ଇରୁ ଆଇଜୋଲରେର ରହୁଥିବା ମୈତେଇ ଛାତ୍ରଙ୍କ ଜଣେ ଛାତ୍ର କହିଛନ୍ତି, ସରକାରଙ୍କ ଦ୍ବାରା ଆଇଜୋଲରୁ ମୈତେଇ ଲୋକଙ୍କୁ ଏୟାରଲିଫ୍ଟ କରିବାର ଯୋଜନା ରହିଛି, କିନ୍ତୁ କେବେ ବାହାର କରାଯିବ, ଏନେଇ ଜାଣିବା ବାକି ରହିଛି।