ମୁମ୍ବାଇ,୨୮।୧୦: ଭାରତୀୟ ଜନତା ପାର୍ଟି ମହାରାଷ୍ଟ୍ର ବିଧାନସଭା ନିର୍ବାଚନ ପାଇଁ ପ୍ରାର୍ଥୀଙ୍କ ତୃତୀୟ ଲିଷ୍ଟ ଜାରି କରିଛି। ତୃତୀୟ ଲିଷ୍ଟରେ ମୋଟ ୨୫ ପ୍ରାର୍ଥୀଙ୍କୁ ସ୍ଥାନ ଦିଆଯାଇଛି। ଏଥିରେ ନାଗପୁର-ପଶ୍ଚିମରୁ ସୁଧାକର କୋହଲି ଓ ନାଗପୁର-ଉତ୍ତରରୁ ମିଲିନ୍ଦ ପାଣ୍ଡୁରଙ୍ଗ ମାନେଙ୍କୁ କରିଛନ୍ତି ପ୍ରାର୍ଥୀ। ବିଜେପି ମହାରାଷ୍ଟ୍ର ବିଧାନସଭା ନିର୍ବାଚନରେ ଏପର୍ଯ୍ୟନ୍ତ ମୋଟ ୧୪୬ ପ୍ରାର୍ଥୀଙ୍କୁ ମୈଦାନରୁ ଓହ୍ଲାଇଛି। ବିଜେପି ନିଜର ପ୍ରଥମ ଲିଷ୍ଟ ୨୦ ଅକ୍ଟୋବରରେ ଜାରି କରିଥିଲା। ଏହି ଲିଷ୍ଟରେ ୯୯ ପ୍ରାର୍ଥୀଙ୍କୁ ସ୍ଥାନ ଦିଆଯାଇଥିଲା। 

ପ୍ରଥମ ଲିଷ୍ଟରେ ଉପ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ୍‌ ଓ ପ୍ରଦେଶ ଅଧ୍ୟକ୍ଷ ଚନ୍ଦ୍ରଶେଖର ବାଭନକୁଲେଙ୍କ ସମେତ ବହୁ ବରିଷ୍ଟ ନେତାଙ୍କ ନାଁ ଥିଲା।। ଏହାପରେ ବିଜେପି ଦ୍ବିତୀୟ ଲିଷ୍ଟ ୨୭ ଅକ୍ଟୋବରରେ ଜାରି କରିଥିଲା। ଏହି ଲିଷ୍ଟରେ ୨୨ ପ୍ରାର୍ଥୀଙ୍କ ନାଁ ଥିଲା। ମହରାଷ୍ଟ୍ରର ୨୮୮ ସଦସ୍ୟ ବିଧାନସଭା ପାଇଁ ୨୦ ନଭେମ୍ବରରେ ଗୋଟିଏ ପର୍ଯ୍ୟାୟରେ ମତଦାନ ହେବାକୁ ଯାଉଛି, ସେଭଳି ୨୩ ନଭେମ୍ବରରେ ଫଳାଫଳ ଘୋଷଣା କରାଯିବ। 

ତୃତୀୟ ଲିଷ୍ଟରେ ଦଳ ନାଗପୁର-ପଶ୍ଚିମରୁ ସୁଧାରକ କୋହଲି ଓ ନାଗପୁର ଉତ୍ତରରୁ ମିଲିନ୍ଦ ପାଣ୍ଡୁରଙ୍ଗ ମାନେଙ୍କୁ ପ୍ରାର୍ଥୀ କରିଛି। ପାର୍ଟି ନାଗପୁର-ମଧ୍ୟ ଆସଦରୁ ପ୍ରବୀଣ ପ୍ରଭାକରରାଓ ଦଟକେ, ସାଭନେରରୁ ଆଶିଷ ରଞ୍ଜିତ ଦେଶମୁଖ, କଟୋଲରୁ ଚରଣସିଂହ ଠାକୁର,ଆର୍ଭିରୁ ସୁମିତ ଓ୍ବାଙ୍ଖଡେ,ସାକୋଲିରୁ ଅବିନାଶ ବ୍ରାହ୍ମଣକର,ଚନ୍ଦ୍ରପୁରରୁ କିଶୋର ଜୋରଗେଓ୍ବାର, ଭସଇରୁ ସ୍ନେହା ଡୁବେ, ବୋରିଭଲିରୁ ସଞ୍ଜୟ ଉପାଧ୍ୟ, ଭର୍ସୋଭାରୁ ଭାରତୀ ହେମନ୍ତ ଓ ଲାତୁର ସହରରୁ ଅର୍ଚ୍ଚନା ଜାକୁରକରଙ୍କୁ ପ୍ରାର୍ଥୀ କରାଯାଇଛି।