ତେଲେଙ୍ଗାନା, ୨୮।୧୦: ଦୀପାବଳି ପୂର୍ବରୁ ବାଣ ଦୋକାନରେ ଭୟଙ୍କର ନିଆଁ । ଭାଇରାଲ ହେଲା ନିଆଁ ଲାଗିବା ସମୟର ଭିଡିଓ । ବାଣ ଦୋକାନରେ ଭିଡ଼ ଲାଗିରହିଛି । ହାଇଦ୍ରାବାଦସ୍ଥିତ ସିଲତାନ ବଜାରର ଏକ ବାଣ ଦୋକନାରେ ଏହି ନିଆଁ ଲାଗିଥିବା ଜଣାପଡ଼ିଛି । ତେବେ ଏହି ଦୁର୍ଘଟଣାରେ ଜଣେ ମହିଳା ଆହତ ହୋଇଥିବା ବେଳେ ୭ରୁ ୯ଟି କାର୍ ଜଳିଯାଇଛି ।

ଦୀପାବଳି ପୂର୍ବରୁ ବାଣ ଦୋକାନରେ ନିଆଁ ଲାଗିବାର ଭିଡିଓ ଭାଇରାଲ । ବାଣର ଦୋକାନରେ ଭିଡ଼ ଲାଗିରହିଛି । ଅଚାନକ ଦୋକାନରେ ନିଆଁ ଲାଗି, ବାଣ ଫୁଟିବାକୁ ଲାଗିଲା । ମାତ୍ର, କିଛି ସମୟ ଭିତରେ ନିଆଁ ଭୟଙ୍କର ଭାବେ ବ୍ୟାପିଯାଇଥିଲା । ହାଇଦ୍ରାବାଦର ସିଲତାନ ବଜାରରେ ଥିବା ପାରସ୍ ଫାୟାରକ୍ରାକର୍ସ ଦୋରନରେ ଏଭଳି ଦୁର୍ଘଟଣା ଘଟିଥିବା ଜଣାପଡ଼ିଛି । ବାଣର ଶବ୍ଦ ଶୁଣିବା ପରେ ଏହି ଅଞ୍ଚଳରେ ହଇଚଇ ସୃଷ୍ଟି ହୋଇଛି । କୁହାଯାଉଛି ଯେ, ବେଆଇନ ଭାବେ ଏହି ବାଣ ଦୋକାନଟି ଖୋଲାଯାଇଥିଲା । ଏହି ଦୋକାନର ଏକ ଭିଡିଓ ସାମ୍ନାକୁ ଆସିଛି । 

ଭିଡିଓରେ ଦେଖିବାକୁ ମିଳୁଛି ଯେ, ଦୋକାନ ଭିତରେ ନିଆଁ ଲାଗିବା ପରେ ଆଖପାଖ ଲୋକେ ନିଜକୁ ବଞ୍ଚାଇବାକୁ ଦୌଡ଼ିବାରେ ଲାଗିଛନ୍ତି । କିଛି ସମୟ ପରେ ନିଆଁ ଭୟାନକ ହୋଇଥିଲା ଓ ପୁରା ଦୋକାନଟି ଜଳିଯାଇଥିଲା । ଏଥିରେ ଜଣେ ମହିଳା ଆହତ ହୋଇଥିବା ବେଳେ ନିଆଁ ଲାଗି ୭ରୁ ୯ଟି କାର ଜଳିଯାଇଥିବା ଜଣାପଡ଼ିଛି । ପୋଲିସର କହିବାନୁଯାୟୀ, ରାତି ୧୦ଟା ୩୦ରୁ ୧୦ଟା ୪୫ ମଧ୍ୟରେ ନିଆଁ ଲାଗିଥିଲା । ଏହି ଦୋକାନ ପାଖରେ କୌଣସି ପ୍ରମାଣ ପତ୍ର ନାହିଁ । ଏହି ଦୋକାନ ବେଆଇନ ଭାବେ ଖୋଲାଯାଇଥିବାରୁ ଦୋକାନ ଉପରେ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛି ପୋଲିସ ।