ମାଲକାନଗିରି, ୧୬।୧୨(ଆ.ପ୍ର) : ନୃତ୍ୟ ସଂଗୀତରେ ରବିବାର ବିଳମ୍ବିତ ରାତିରେ ସରି ଯାଇଛି ମାଲ୍ୟବନ୍ତ ମହୋତ୍ସବର ତୃତୀୟ ସନ୍ଦ୍ୟା । ଆଜି ଠାରୁ ଆରମ୍ଭ ହୋଇଯାଇଛି ପଲ୍ଲୀଶ୍ରୀମେଳା। ରବିବାର ରାତ୍ରରେ ଚଳଚିତ୍ର ଅଭିନେତା ସମ୍ବିତ ଆଚାର୍ଯ୍ୟ, ଚଳଚିତ୍ର ଅଭିନେତ୍ରୀ ପ୍ରକୃତି ମିଶ୍ର ଙ୍କ ସହିତ ଚଳଚିତ୍ର ସଂଗୀତ ଗାୟକ ସ୍ଵୟମ ପାଢୀ,ଶଶାଙ୍କ ଶେଖର ସାହୁ,ସୋହିନୀ ମିଶ୍ର ଙ୍କ ସହ ଭୁବନେଶ୍ବର ସିଗ୍ନେଚର ବ୍ୟାଣ୍ଡ ମେଲୋଡି ମାଲ୍ୟବନ୍ତ ଉତ୍ସବର ତୃତୀୟ ସନ୍ଧ୍ୟାର ସାଂସ୍କୃତିକ କାର୍ଯ୍ୟକ୍ରମକୁ ସରଗରମ କରି ଦେଇଥିଲେ । ବିଳମ୍ବିତ ରାତ୍ର ପର୍ଯ୍ୟନ୍ତ ଦର୍ଶକମାନେ ପ୍ରବଳ ଶୀତ କାକରରେ ବସି ନୃତ୍ୟକୁ ଉପଭୋଗ କରିଥିଲେ।
ତଣ୍ଡିକି ସେବାଶ୍ରମରେ ଆଦିବାସୀ ଛାତ୍ରଛାତ୍ରୀମାନେ ସୁନ୍ଦର ଭାବେ ବଡଯାତ୍ରା ନୃତ୍ୟ ପରିବେଷଣ କରିଥିଲେ । ରାତ୍ରରେ ଦେଶିଆ ନାଟ ପରିବେଷଣ ହୋଇଥିଲା । ଏହି ସାଂସ୍କୃତିକ କାର୍ଯ୍ୟକ୍ରମ ଦେଖିବା ପାଇଁ ମାଲ୍ୟବନ୍ତ ମଣ୍ଡପ ନିକଟରେ ପ୍ରାୟ ୩୦ହଜାର ରୁ ଉର୍ଦ୍ଧ ଦର୍ଶକଙ୍କ ଭିଡ ଜମିଥିଲା । କାର୍ଯ୍ୟକ୍ରମ ଶେଷରେ ଚଳଚିତ୍ର ଅଭିନେତା ଓ ଅଭିନେତ୍ରୀ ମାନଙ୍କୁ ଜିଲ୍ଲାପ୍ରଶାସନ ପକ୍ଷରୁ ସମ୍ମାନିତ କରାଯାଇଥିଲା ।
ଆଜି ଠାରୁ ଆରମ୍ଭ ହୋଇଛି ପଲ୍ଲୀଶ୍ରୀ ମେଳା। ୨୧୩ଟି ବିଭିନ୍ନ ବିଭାଗର ଉନ୍ନୟନମୁଳକ ଷ୍ଟଲ ଖୋଲାଯିବା ସହିତ ଜିଲ୍ଲା ସ୍ତରୀୟ ଉନ୍ନୟନ ପ୍ରଦର୍ଶନୀ ଓ ଓରମାସରେ ଏସ ଏଚଜି ଷ୍ଟଲ ସାଙ୍ଗକୁ ଦୋକାନ ବଜାର, ମିନାବଜାର, ଭେଳିକି ଭଳି ରଙ୍ଗବେରଙ୍ଗର ତୋରଣ ବେଶ ଚିତିକର୍ଷକ ହୋଇଛି। ଏହି ସାଂସ୍କୃତିକ କାର୍ଯ୍ୟକ୍ରମ ଓ ପଲ୍ଲୀଶ୍ରୀମେଳା ୧୭ ତାରିଖ ପର୍ଯ୍ୟନ୍ତ ଚାଲିବ । ଆଜି ସନ୍ଧ୍ୟା କାର୍ଯ୍ୟକ୍ରମେ ଯୁବନାଟ୍ୟକାର ଶ୍ରୀତମ ସାମନ୍ତରାୟଙ୍କ ଦେଶିଆ ନାଇଟ କାର୍ଯ୍ୟକ୍ରମ ସହିତ ସ୍ଥାନୀୟ କଳାକାର ମାନଙ୍କ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ରହିଛି । ଶାନ୍ତି ଶୃଙ୍ଖଳା ରକ୍ଷାପାଇଁ ମାଲ୍ୟବନ୍ତ ମଣ୍ଡପ ସହିତ ଜିଲ୍ଲାରେ କଢା ପୁଲିସ ସୁରକ୍ଷା ବ୍ୟବସ୍ଥା କରାଯାଇଛି ।
