ମାଲକାନଗିରି, ୧/୧୨(ଆପ୍ର ) ମାଲକାନଗିରି ଜିଲ୍ଲା ସ୍ୱାସ୍ଥ୍ୟ ବିଭାଗ ତରଫରୁ ଆଜି ବିଶ୍ୱ ଏଡସ୍ ଦିବସ ପାଳିତ ହୋଇ ଯାଇଛିା ଗତ ୨୦୦୬ ମସିହା ରୁ ୨୦୨୪ ମସିହା ୧୮ବର୍ଷ ମଧ୍ୟ ରେ ଜିଲ୍ଲା ରେ ୯୩,୬୨୪ ଟି ରକ୍ତ ନମୁନା ପରୀକ୍ଷାକରା ଯାଇଛି । ସେଥି ମଧ୍ୟରୁ ୪୪୫ ଟି ଏଚଆଇଭି ପଜେଟିଭ ଚିହ୍ନଟ ହୋଇଛି। କେବଳ ଚଳିତ ବର୍ଷ ୯, ୬୦୧ଟି ରକ୍ତ ନମୁନା ପରୀକ୍ଷା ରୁ ୨୬ଟି ଏଚ ଆଇଭି ପଜେଟିଭ ଚିହ୍ନଟ ହୋଇଛି।
ଏହି ଉପଲକ୍ଷେ ଜିଲ୍ଲା ମୁଖ୍ୟ ଚିକିତ୍ସାଳୟ ପରିସରରେ ବିଭିନ୍ନ ବିଦ୍ୟାଳୟର ଛାତ୍ରଛାତ୍ରୀଙ୍କୁ ନେଇ ଏକ ସଚେତନତା ରାଲି ସହର ପରିକ୍ରମା କରି ଏଡସ୍ ସମ୍ବନ୍ଧରେ ସାଧାରଣ ଜନତାଙ୍କୁ ସଚେତନତା କରିଥିଲୋ ଏହି ରାଲିକୁ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ସିଏଚ.ଏମ୍. ଜଗନ୍ନାଥ ରାଓ ସବୁଜ ପତାକା ଦେଖାଇ ଉଦଘାଟନ କରିଥିଲୋ ପରେ ସ୍ୱାସ୍ଥ୍ୟ ବିଭାଗ ସମ୍ମିଳନୀ କକ୍ଷରେ ଆୟୋଜିତ ଏକ ସଭାରେ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଏବଂ ଅନ୍ୟ ଅତିଥିମାନେ ଯୋଗ ଦେଇ ଏଡସର ଭୟାବହତା, ଏହାକୁ କିପରି ରୋକା ଯାଇ ପାରିବ, ଏଡସ୍ ରୋଗୀଙ୍କ ଚିକିତ୍ସା ଇତ୍ୟାଦି ସମ୍ବନ୍ଧରେ ନିଜ ନିଜର ବକ୍ତବ୍ୟ ପ୍ରଦାନ କରିଥିଲୋ ମାଲକାନଗିରି ଜିଲ୍ଲାକୁ ୨୦୩୦ ସୁଦ୍ଧା ଏଡସ୍ ମୁକ୍ତ ଜିଲ୍ଲାଭାବେ ପରିଗଣିତ ହେବ ବୋଲି ଶ୍ରୀ ରାଓ ପ୍ରକାଶ କରିଥିଲୋ ଆଜିର ଏହି ବିଶ୍ୱ ଏଡସ୍ ଦିବସର ମୁଖ୍ୟ ବାର୍ତ୍ତା ମୋ ସ୍ୱାସ୍ଥ୍ୟ ମୋ ଅଧିକାର । ଏହି ବାର୍ତ୍ତାଟି ଜିଲ୍ଲାର ପ୍ରତ୍ୟେକ ଅଂଚଳରେ ସ୍ବାସ୍ଥ୍ୟ ବିଭାଗ ତରଫରୁ ପ୍ରଚାର ପ୍ରସାର କରା ଯାଉଛିା ଏହି କାର୍ଯ୍ୟକ୍ରମ ରେ ଅନ୍ୟମାନଙ୍କ ମଧ୍ୟରେ ଜିଲ୍ଲା ସ୍ୱାସ୍ଥ୍ୟ ଅଧିକାରୀ ଡାକ୍ତର ଏମ ଏମ ଅବିଦ ହୁସେନ,ଅତିରିକ୍ତ ଜିଲ୍ଲା ସ୍ୱାସ୍ଥ୍ୟ ଅଧିକାରୀ ଡାକ୍ତର ଦିବାକର ମାଝୀ, ଅଜିତ ଦଳେଇ, ହରିବନ୍ଧୁ ଦେଶିଆ ନାୟକ, ବବୁଜି ଖରା ପ୍ରମୁଖ ଉପସ୍ଥିତ ଥିଲେ। ଏହି ଅବସରରେ ୨୦୩୦ ସୁଦ୍ଧା ଏଡସ୍ ମୁକ୍ତ ହେବ ମାଲକାନଗିରି ଜିଲ୍ଲା ବୋଲି ଅତିଥି ମାନଙ୍କ ସହିତ ଛାତ୍ର ଛାତ୍ରୀଶପଥ ପାଠ କରିଥିଲେ।
