ଢେଙ୍କାନାଳ,୧୮/୪ : ଢେଙ୍କାନାଳ ରୁଙ୍ଗଟା କାରଖାନାରେ ବଡ଼ ଧରଣର ଦୁର୍ଘଟଣା । ପ୍ଲାଣ୍ଟର ଡିଆରଆଇ ସାଇଡ଼ରେ ଉପରେ ଇରେକ୍ସନ କାମ ଚଳୁଥିବାବେଳେ ଏକ ବଡ଼ ଲୁହା ପ୍ଲେଟ ତଳକୁ ଖସି ପଡିଛି। ଫଳରେ ଦୁଇ ଜଣଙ୍କର ମୃତ୍ୟୁ ହୋଇଥିବାବେଳେ ୩ଜଣ ଗୁରୁତର ହୋଇଛନ୍ତି ।
ପ୍ରକାଶ ଯେ, ଆଜି ହଠାତ୍ ଶ୍ରମିକମାନେ କାମ କରୁଥିବା ସମୟରେ ସେମାନଙ୍କ ଉପରେ ଲୁହା ପ୍ଲେଟ୍ ଖସିପଡ଼ିଥିଲା । ସେଠାରେ ଉକ୍ତ ସମୟରେ ୫ଜଣ କାମ କରୁଥିଲେ । ଫଳରେ ସମସ୍ତ ୫ଜଣ ଗୁରୁତ ହୋଇପଡ଼ିଥିଲେ । ପରେ ଗୁରୁତର ଅବସ୍ଥାରେ ଚିକିତ୍ସା ପାଇଁ ସେମାନଙ୍କୁ କଟକର ଏକ ଘରୋଇ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ମାତ୍ର ସେଠାରେ ୨ଜଣ ଶ୍ରମିକଙ୍କ ମୃତ୍ୟୁ ଘଟିଥିବା ଜଣାପଡ଼ିଛି । ମୃତକ ସ୍ଥାନୀୟ ମହାଲୁଣ୍ଡା ପଂଚାୟତ ଅନ୍ତର୍ଗତ କନ୍ତାମିଲା ଗ୍ରାମର ଜିତେନ ବେହେରା ଓ ପୁରନ୍ଦର ବେହେରା ବୋଲି ଜଣାପଡ଼ିଛି।
ଅନ୍ୟ ୩ଜଣ ଗୁରୁତର ଶ୍ରମିକଙ୍କ ପରିଚୟ ଜଣାପଡ଼ିନାହିଁ । ଏହି ଘଟଣା ପରେ କାରଖାନାରେ ଦୁର୍ଘଟଣା ଘଟିଥିବା ଡିଆରଆଇ ପ୍ଲାଣ୍ଟ ସାଇଡରେ ଶ୍ରମିକମାନେ କାମ ବନ୍ଦ କରିଛନ୍ତି । ଯାହାକୁ ନେଇ ଚାପା ଉତ୍ତେଜନା ପ୍ରକାଶ ପାଇଛି।
