ମୋହନା,୨୮/୦୯: ମିନି ଟ୍ରକ ଧକ୍କାରେ ଗୁରୁତର ହେଲେ ଶ୍ରମିକ । ଗୁରୁତର ଯୁବକ ଜଣକ ଚାନ୍ଦିପୁଟ ଗାଁର ଲକ୍ଷ୍ମୀ ଗୌଡ଼ ବୋଲି ଜଣାପଡ଼ିଛି । ଘଟଣାର ପ୍ରତିବାଦରେ ୩୨୬ ନମ୍ବର ଜାତୀୟ ରାଜପଥ ଅବରୋଧ କଲେ ଗ୍ରାମବାସୀ । ଗଜପତି ଜିଲ୍ଲା ମୋହନା ଥାନା ଚାନ୍ଦିପୁଟ ଗାଁରେ ଏଭଳି ଘଟଣା ଘଟିଛି । 

ସୂଚନା ମୁତାବକ, ଶନିବାର ଲକ୍ଷ୍ମୀ ଗୌଡ଼ ନାମକ ଜଣେ ଶ୍ରମିକ ରାସ୍ତାରେ ଯାଉଥିବା ବେଳେ ତାଙ୍କୁ ଏକ ମିନି ଟ୍ରକ୍‌ ଧକ୍କା ଦେଇଥିଲା । ଫଳରେ ସେ ଗୁରୁତର ହୋଇପଡ଼ିଥିଲେ । ଏହା ଦେଖି ସ୍ଥାନୀୟଲୋକେ ତାଙ୍କୁ ଗୁରୁତର ଅବସ୍ଥାରେ  ମୋହନା ମେଡିକାଲରେ ଚିକିତ୍ସା ପାଇଁ ଭର୍ତ୍ତି କରିଥିଲେ । ତେବେ ଏହି ଘଟଣାର ପ୍ରତିବାଦରେ ଚାନ୍ଦିପୁଟ ରେ ରାସ୍ତା ଅବରୋଧ କରିଛନ୍ତି ଗ୍ରାମବାସୀ । ଫଳରେ ମୋହନା - ପାରଳାଖେମୁଣ୍ଡି ୩୨୬ ନମ୍ବର ଜାତୀୟ ରାଜପଥ ରେ ଯାତାୟତ ଠପ ହୋଇଯାଇଛି ।