ଗଜପତି ୨୦/୦୭: ମୋହନା ଥାନା ଲେଡବନ୍ଧରେ କାର ସହ ବାଇକ ଧକ୍କା । ଅନ୍ୟପକ୍ଷେ ଅଡବା ଥାନା ଦମlଦୁଆ ଗାଁ ନିକଟରେ ଯାତ୍ରୀବାହି ବସ ଓ ପିକ ଅପ ଭ୍ୟାନ ମଧ୍ୟରେ ମୁହାଁମୁହିଁ ଧକ୍କା । ଶନିବାର ସକାଳେ ଏହି ଦୁଇଟି ଦୁର୍ଘଟଣା ହୋଇଛି ।
ସୂଚନା ଅନୁଯାୟୀ, ଗଜପତି ଜିଲ୍ଲା ମୋହନା ଓ ଅଡବା ଥାନା ଅଞ୍ଚଳରେ ୨ ଟି ଦୁର୍ଘଟଣା ଘଟିଛି । ଶନିବାର ସକାଳେ ମୋହନା ଥାନା ଲେଡବନ୍ଧରେ କାର ସହ ବାଇକ ଧକ୍କା ହୋଇଥିଲା । ଏହି ଦୁର୍ଘଟଣାରେ ବାଇକ ଆରୋହୀ ବିରିକୋଟ ଗାଁର ସାଇରlମ ମହାପାତ୍ର ଗୁରୁତର ଆହତ ହୋଇଛନ୍ତି l ତାଙ୍କୁ ଉଦ୍ଧାର କରାଯାଇ ପ୍ରଥମେ ମୋହନା ମେଡିକାଲରେ ଭର୍ତ୍ତି କରାଯାଇଥିଲା । ପରେ ପ୍ରାଥମିକ ଚିକିତ୍ସା ପରେ ତାଙ୍କୁ ବ୍ରହ୍ମପୁର ମେଡିକାଲ ସ୍ଥାନାନ୍ତର କରାଯାଇଛି ।
ଅନ୍ୟପଟେ ଅଡବା ଥାନା ଦମlଦୁଆ ଗାଁ ନିକଟରେ ଯାତ୍ରୀବାହି ବସ ଓ ପିକ ଅପ୍ ଭ୍ୟାନ ମଧ୍ୟରେ ମୁହାଁମୁହିଁ ଧକ୍କା ହୋଇଛି l ଏଥିରେ ପିକ୍ ଅପ୍ ଭ୍ୟାନ ଡ୍ରାଇଭର ଉମାଶଙ୍କର ରଣା ଆହତ ହୋଇଛନ୍ତି । ଯାତ୍ରୀବାହି ବସ ବ୍ରାହ୍ମଣୀଗାଁରୁ ବ୍ରହ୍ମପୁର ଅଭିମୁଖେ ଯାଉଥିଲା । ତେବେ ବସ୍ରେ ଥିବା ୩୫ରୁ ଅଧିକ ଯାତ୍ରୀ ଅଳ୍ପକେ ବର୍ତ୍ତୀ ଯାଇଛନ୍ତି l ପୋଲିସ ଘଟଣାର ତଦନ୍ତ କରୁଛି ।