ନୂଆଦିଲ୍ଲୀ,୧୯।୪; ଭାରତୀୟ ନାଗରିକ କୁଳଭୂଷଣ ଯାଦବଙ୍କ ସମ୍ପର୍କରେ ପାକିସ୍ତାନ ସୁପ୍ରିମକୋର୍ଟରେ ଏକ ଆଶ୍ଚର୍ଯ୍ୟଜନକ ବୟାନ ଆସିଛି। ପାକିସ୍ତାନ ପ୍ରତିରକ୍ଷା ମନ୍ତ୍ରଣାଳୟର ଓକିଲ ଖୱାଜା ହରିସ୍ ଅହମ୍ମଦ କହିଛନ୍ତି ଯେ ଅନ୍ତର୍ଜାତୀୟ ନ୍ୟାୟାଳୟ (ICJ)ଙ୍କ ରାୟ ସତ୍ତ୍ୱେ କୁଳଭୂଷଣ ଜାଧବଙ୍କୁ ଆବେଦନ କରିବାର ଅଧିକାର ଦିଆଯାଇନାହିଁ । କାରଣ ICJ କେବଳ "କନସୁଲାର ଆକ୍ସେସ୍" ପାଇଁ ନିର୍ଦ୍ଦେଶ ଦେଇଥିଲା।

ଉଲ୍ଲେଖନୀୟ ଯେ, ଏହି ମନ୍ତବ୍ୟ ଏପରି ସମୟରେ ଆସିଛି ଯେତେବେଳେ ପାକିସ୍ତାନ ସୁପ୍ରିମକୋର୍ଟର ଏକ ସାମ୍ବିଧାନିକ ଖଣ୍ଡପୀଠ ସେହି ମାମଲାଗୁଡ଼ିକର ଶୁଣାଣି କରୁଥିଲେ ଯେଉଁଥିରେ ମେ ୨୦୨୩ ଦଙ୍ଗାର ଅଭିଯୁକ୍ତଙ୍କୁ ପାକିସ୍ତାନୀ ସାମରିକ ଅଦାଲତ ଦ୍ୱାରା ଦୋଷୀ ସାବ୍ୟସ୍ତ କରାଯାଇଥିଲା। ଏହି ପରିପ୍ରେକ୍ଷୀରେ କୁଳଭୂଷଣଙ୍କ ମାମଲା ଉଠାଇ ଦର୍ଶାଯାଇଥିଲା ଯେ ତାଙ୍କୁ ଦିଆଯାଇଥିବା ଅଧିକାର ସ୍ଥାନୀୟ ନାଗରିକଙ୍କୁ ଦିଆଯାଉନାହିଁ। 

ଗୁପ୍ତଚର ଅଭିଯୋଗରେ ପାକିସ୍ତାନରେ ଜେଲରେ ଥିବା ଭାରତୀୟ ନାଗରିକ କୁଳଭୂଷଣଙ୍କୁ ଏପର୍ଯ୍ୟନ୍ତ ଆବେଦନ କରିବାକୁ ଅନୁମତି ଦିଆଯାଇ ନାହିଁ। ଜୁନ୍ ୨୦୧୯ରେ, ଅନ୍ତର୍ଜାତୀୟ ନ୍ୟାୟାଳୟ (ICJ) ଭାରତ ସପକ୍ଷରେ ରାୟ ଦେଇଥିଲେ ଏବଂ କହିଥିଲେ ଯେ ପାକିସ୍ତାନ ଯାଦବଙ୍କୁ ଦୋଷୀ ସାବ୍ୟସ୍ତ ଏବଂ ମୃତ୍ୟୁଦଣ୍ଡ ଉପରେ ପୁନର୍ବିଚାର କରିବା ଉଚିତ। ଏହା ବ୍ୟତୀତ ତାଙ୍କୁ ଭାରତୀୟ ଅଧିକାରୀମାନଙ୍କୁ ଭେଟିବାକୁ ମଧ୍ୟ ଅନୁମତି ଦିଆଯିବା ଉଚିତ। 

ଭାରତ କହିଛି ଯେ ପାକିସ୍ତାନ ICJର ନିର୍ଦ୍ଦେଶକୁ ସମ୍ପୂର୍ଣ୍ଣ ପାଳନ କରୁନାହିଁ। ଜୁଲାଇ ୨୦୨୦ରେ, ଭାରତ ସ୍ପଷ୍ଟ ଭାବରେ କହିଥିଲା ଯେ ପାକିସ୍ତାନ ICJ ରାୟକୁ କାର୍ଯ୍ୟକାରୀ କରିବାକୁ ମନା କରିଦେଇଛି। ଭାରତ ଏହା ମଧ୍ୟ ଅଭିଯୋଗ କରିଛି ଯେ ପାକିସ୍ତାନ ଦ୍ୱାରା କରାଯାଇଥିବା ବିଚାର ସମ୍ପୂର୍ଣ୍ଣ ସ୍ୱଚ୍ଛ ନୁହେଁ।

ପାକିସ୍ତାନ ଓକିଲ ଖୱାଜା ହାରିସ୍ ଅହମ୍ମଦ ସୁପ୍ରିମକୋର୍ଟରେ ଏକ ମାମଲାର ଶୁଣାଣି ସମୟରେ କୂଳଭୂଷଣଙ୍କ ମାମଲା ଉଲ୍ଲେଖ କରିଥିଲେ। ଓକିଲ ଯୁକ୍ତି ଦେଇଥିଲେ ଯେ ତାଙ୍କୁ  ଆବେଦନର ଅଧିକାର ଦିଆଗଲା, କିନ୍ତୁ ନିଜ ନାଗରିକଙ୍କୁ ଦିଆଯାଇ ନାହିଁ, ଯେଉଁମାନେ ୯ ମଇ, ୨୦୨୩ରେର "କଳା ଦିବସ" ଦଙ୍ଗାରେ ସମ୍ପୃକ୍ତି ପାଇଁ ସାମରିକ ଅଦାଲତ ଦ୍ୱାରା ଦୋଷୀ ସାବ୍ୟସ୍ତ ହୋଇଛନ୍ତି।