ନୂଆଦିଲ୍ଲୀ, ୨୦।୪: ବୁଲଗେରିଆର ପ୍ରସିଦ୍ଧ ଭବିଷ୍ୟବକ୍ତା ବାବା ଭେଙ୍ଗା । ଯିଏ ନିଜ ଜୀବନକାଳ ମଧ୍ୟରେ ଶହ ଶହ ଭବିଷ୍ୟବାଣୀ କରିଛନ୍ତି, ସେଥିମଧ୍ୟରୁ ଅନେକ କିଛି ସତ ହୋଇଛି । ନିକଟରେ ତାଙ୍କର ଆଉ ଏକ ଭୟଙ୍କର ଭବିଷ୍ୟବାଣୀ ଆଲୋଚନାର ବିଷୟ ପାଲଟିଛି । ବାବା କହିଛନ୍ତି, ୨୨୦୧ ମସିହାରେ ସୂର୍ଯ୍ୟ ଥଣ୍ଡା ହେବା ଆରମ୍ଭ କରିବ । ଯେଉଁ କାରଣରୁ ପୃଥିବୀର ତାପମାତ୍ରା ଦ୍ରୁତ ଗତିରେ ହ୍ରାସ ପାଇବା ଆରମ୍ଭ କରିବ । ବୈଜ୍ଞାନିକ ଦୃଷ୍ଟିକୋଣରୁ ସୂର୍ଯ୍ୟର ଶୀତଳୀକରଣ ଏକ ଲମ୍ବା ପ୍ରକ୍ରିୟା । ବୈଜ୍ଞାନିକଙ୍କ ମତରେ, ସୂର୍ଯ୍ୟର ଜୀବନକାଳ ପ୍ରାୟ ୧୦ ବିଲିୟନ ବର୍ଷ । ଏଥିମଧ୍ୟରୁ ୪.୬ ବିଲିୟନ ବର୍ଷ ପୂରଣ ହୋଇସାରିଛି ଆଉ ୫.୬ ବିଲିୟନ ବର୍ଷ ବାକି ଅଛି ।
ବାବା ଭେଙ୍ଗାଙ୍କ ଅନୁସାରେ, ବର୍ତ୍ତମାନଠୁ ୧୭୬ ବର୍ଷ ପରେ ସୂର୍ଯ୍ୟ ଥଣ୍ଡା ହେବା ଆରମ୍ଭ କରିବ । ଯାହା ପୃଥିବୀ ଉପରେ ବଡ଼ ପ୍ରଭାବ ପକାଇବ । କହିରଖୁ କି, ସୂର୍ଯ୍ୟକୁ ଥଣ୍ଡା ହେବାକୁ କିମ୍ବା ଲାଲ୍ ମହାକାଶ ପର୍ଯ୍ୟାୟରେ ପ୍ରବେଶ କରିବାକୁ ଲକ୍ଷ ଲକ୍ଷ ବର୍ଷ ସମୟ ଲାଗିବ । ୧୭୬ ବର୍ଷ ପରେ ଅର୍ଥାତ୍ ୨୨୦୧ ସୁଦ୍ଧା ସୂର୍ଯ୍ୟ ତା’ର ଶକ୍ତି ହରାଇବାକୁ ଆରମ୍ଭ କରିବ । ସୂର୍ଯ୍ୟର ସୌରଚକ୍ରରେ ପରିବର୍ତ୍ତନ ଯୋଗୁଁ ପୃଥିବୀ କିଛି ବର୍ଷ ପାଇଁ ଅସ୍ବାଭାବିକ ଭାବରେ ଥଣ୍ଡା କିମ୍ବା ଗରମ ପାଗ ଅନୁଭବ କରିବାର ସମ୍ଭାବନା ରହିଛି । ସୌର ଜ୍ୱଳନ କିମ୍ବା ସୌର କାର୍ୟ୍ୟକଳାପ ହ୍ରାସ ଯୋଗୁଁ ତାପମାତ୍ରାରେ ସାମାନ୍ୟ ହ୍ରାସ ସମ୍ଭବ ।
ବାବା ଭେଙ୍ଗାଙ୍କ ପୂରା ନାଁ ଭେଙ୍ଗେଲିଆ ପାଣ୍ଡେଭା ଡିମିଟ୍ରୋଭା । ସେ ୧୯୧୧ ମସିହାରେ ବୁଲଗେରିଆରେ ଜନ୍ମଗ୍ରହଣ କରିଥିବା ବେଳେ ଏକ ସାଧାରଣ ଗ୍ରାମୀଣ ପରିବାରରୁ ଆସିଥିଲେ । ପିଲାଦିନୁ ହିଁ ସେ ତାଙ୍କ ଦୃଷ୍ଟିଶକ୍ତି ହରାଇଥିଲେ । କିନ୍ତୁ, ତାଙ୍କର ପାଖରେ ଥିଲା ଅଲୌକିକ ଶକ୍ତି । ସେ ଭବିଷ୍ୟତ ଦେଖିବାର କ୍ଷମତା ହାସଲ କରିଥିଲେ, ଯାହା ସହାୟତାରେ ସେ ଶହ ଶହ ଭବିଷ୍ୟବାଣୀ କରିଥିଲେ । ଲୋକମାନେ ବିଶ୍ୱାସ କରନ୍ତି ଯେ, ବାବା ଭେଙ୍ଗାଙ୍କୁ ପ୍ରାକୃତିକ ବିପର୍ଯ୍ୟୟ, ରାଜନୈତିକ ଘଟଣା ଏବଂ ବିଶ୍ୱ ଯୁଦ୍ଧ ବିଷୟରେ ପୂର୍ବରୁ ଜଣାଥିଲା । ଏହି କାରଣରୁ ତାଙ୍କୁ ‘ବାଲକାନର ନୋଷ୍ଟ୍ରାଡାମସ’କୁହାଯାଏ । ବାବା ଭେଙ୍ଗାଙ୍କ ପ୍ରସିଦ୍ଧ ସଠିକ୍ ଭବିଷ୍ୟବାଣୀ ହେଉଛି, ୨୦୦୧ରେ ଘଟିଥିବା ୯/୧୧ ଆତଙ୍କବାଦୀ ଆକ୍ରମଣ, ୧୯୯୭ରେ ପ୍ରିନ୍ସ ଡାଏନାଙ୍କ ମୃତ୍ୟୁ, ୨୦୦୦ ମସିହାର କୁର୍ସ୍କ ବୁଡ଼ାଜାହାଜ ଦୁର୍ଘଟଣା, ୨୦୨୦ର କରୋନା ମହାମାରୀ ।
