କୋଲକତା,୮।୧୦: କୋଲକତା ଆରଜି କର ହସ୍ପିଟାଲର ଟ୍ରେନି ମହିଳା ଡାକ୍ତରଙ୍କ ସହ ଦୁଷ୍କର୍ମ ଓ ହତ୍ୟା ମାମଲାକୁ ନେଇ ବିବାଦ ଥମୁନି। ହସ୍ପିଟାଲ ବାହାରେ ଜୁନିଅର ଡାକ୍ତରଙ୍କ ଅନଶନ ଜାରି ରହିଛି। ତାଙ୍କ ସମର୍ଥନରେ ଆଜି ୫୦ ସିନିଅର ଡାକ୍ତର ମଧ୍ୟ ଇସ୍ତଫା ଦେଇଛନ୍ତି। ଜୁନିଅର ଡାକ୍ତରଙ୍କ ଫ୍ରଣ୍ଟ(ଡବ୍ଲୁବିଜେଡିଏଫ୍)ମହିଳା ଡାକ୍ତରଙ୍କ ପାଇଁ ନ୍ୟାୟ ଓ କିଛି ଶୀର୍ଷ ଅଧିକାରୀଙ୍କୁ ହଟାଇବାର ଦାବିରେ ଅନଶନରେ ବସିଛନ୍ତି।
ଆରଜିକର ହସ୍ପିଟାଲ ସିନିଅର ଡାକ୍ତରଙ୍କ କହିବା ଅନୁସାରେ, ସାମୁହିକ ଇସ୍ତଫାର ନିଷ୍ପତ୍ତି ଏଥିପାଇଁ ନିଆଗଲା କାରଣ ଆମ ପିଲାଙ୍କୁ ବଞ୍ଚାଇବା ଓ ତାଙ୍କ ସମସ୍ୟାର ସମାଧାନ କରିବା ପାଇଁ ପ୍ରଶାସନ ପକ୍ଷରୁ କୌଣସି ପ୍ରତିକ୍ରିୟା ମିଳିନାହିଁ।’ ଏହା ପର୍ବରୁ ଆଜି ପ୍ରାୟ ୧୫ ବରିଷ୍ଠ ଡାକ୍ତର ନିଜର କନିଷ୍ଠ ଡାକ୍ତରଙ୍କ ସହ ଏକାଠି ହୋଇ ସାଙ୍କେତିକ ଅନଶନରେ ବସିଥିଲେ। ଜୁନିଅର ଡାକ୍ତରଙ୍କ ଏହି ଆନ୍ଦୋଳନ କୋଲକାତା ଦୁର୍ଗାପୂଜା ଉତ୍ସବ ବେଳେ ହୋଇଛି। ଏହି ଜଘନ୍ୟ ଘଟଣା କାରଣରୁ ରାଜ୍ୟରେ ପର୍ବର ଉତ୍ସାହ ଫିକା ପଡି ଯାଇଛି।
ପଶ୍ଚିମବଙ୍ଗର ମୁଖ୍ୟ ସଚବି ମନୋଜ ପନ୍ତ ସୋମବାର ଆଶ୍ବାସନା ଦେଇଛନ୍ତି ଯେ, ରାଜ୍ୟ ମେଡିକାଲ କଲେଜରେ ଥିବା ୯୦% ପ୍ରୋଜେକ୍ଟ ଆଗାମୀ ମାସ ପର୍ଯ୍ୟନ୍ତ ପୂରଣ ହୋଇଯିବ। ସେ ପ୍ରଦର୍ଶନକାରୀ ଡାକ୍ତରଙ୍କୁ କାମରେ ଫେରିବାକୁ ଅପିଲ କରିଛନ୍ତି।