ନୂଆଦିଲ୍ଲୀ –ହରିଆଣା ବିଧାନସଭା ନିର୍ବାଚନର ଫଳ ସାମନାକୁ ଆସିଛି। ବିଜେପି ଲଗାତାର ୩ୟ ଥର ସରକାର ଗଢିବାକୁ ଯାଉଛି। ଏହି ମଧ୍ୟରେ ମଙ୍ଗଳବାର ସକାଳେ କଂଗ୍ରେସ ପାଇଁ ଖୁସିର ମାହୋଲ ହଠାତ୍ ଦୁଃଖରେ ବଦଳି ଗଲା, କାରଣ ସକାଳେ କଂଗ୍ରେସ ମୁଖ୍ୟାଳୟରେ ଉତ୍ସବର ମାହୋଲ ଥିଲା। କିନ୍ତୁ ଦ୍ୱିପ୍ରହର ସୁଦ୍ଧା ମାହୋଲ ପରିବର୍ତ୍ତନ ହୋଇଗଲା। ହରିଆଣା ବିଧାନସଭା ନିର୍ବାଚନର ଟ୍ରେଣ୍ଡ ଆସିବା ପରେ ଜଣାପଡ଼ିଲା କି କଂଗ୍ରେସ ଶକ୍ତ ପରାଜୟ ଆଡ଼କୁ ବଢି ଚାଲିଛି।
ଭୋଟ୍ ଗଣନା ଆରମ୍ଭ ହେବା ସହ ହିଁ ପ୍ରାରମ୍ଭିକ ଟ୍ରେଣ୍ଡରୁ ଜଣାପଡ଼ିଲା କି କଂଗ୍ରେସ ହରିଆଣା ନିର୍ବାଚନରେ ବଡ଼ ବିଜୟର ରାସ୍ତାରେ। ଏମିତି ହିଁ କିଛି ଏଗଜିଟ୍ ପୋଲରେ ମଧ୍ୟ ଅନୁମାନ ଲଗାଯାଇ ଥିଲା। ପାର୍ଟି କାର୍ଯ୍ୟକର୍ତ୍ତା ଦିଲ୍ଲୀ ସ୍ଥିତ ୨୪ ଅକବର ରୋଡ୍ ସ୍ଥିତ କଂଗ୍ରେସ ମୁଖ୍ୟାଳୟରେ ବାଣ ଫୁଟାଇବା ଓ ଜଲେବି ତଥା ଲଡୁ ବାଣ୍ଟିବା ଦେଖିବାକୁ ମିଳିଥିଲା। ସକାଳ ସମୟ ପାଖାପାଖି ୯ଟାରେ ଯେବେ ଟ୍ରେଣ୍ଡ ଆସିବାକୁ ଲାଗିଲା ପାର୍ଟି ଆଗରେ ଚାଲୁ ଥିଲା, ଏହାକୁ ନେଇ ପାର୍ଟି ମୁଖ୍ୟାଳୟରେ ଢୋଲ-ମୃଦଙ୍ଗ ବାଜିବାକୁ ଲାଗିଲା। ହେଲେ ସକାଳ ୧୦ଟା ପରେ ଯେବେ ଟ୍ରେଣ୍ଡରେ ବିଜେପି ଫେରିବାର ଦେଖାଗଲା, ତ ମୁଖ୍ୟାଳୟରେ ଦୁଃଖର ମାହୋଲ ଦେଖାଗଲା ଏବଂ ଢୋଲ-ମୃଦଙ୍ଗ ତଥା ମିଠେଇ ସବୁ ଗାଏବ ହୋଇଗଲା।
କଂଗ୍ରେସର ନେତା ମୁଖ୍ୟାଳୟରେ ସ୍ଥାନେ ସ୍ଥାନେ ମିଡ଼ିଆକୁ ବାଇଟ୍ ଦେବାର ଦେଖିବାକୁ ମିଳି ଥିଲା, ତାଙ୍କର ତର୍କ ଥିଲା କି ଦ୍ୱିପ୍ରହର ୧ଟା ଯାଏ ଟ୍ରେଣ୍ଡ ବଦଳି ଯିବ, କିନ୍ତୁ ଏମିତି ହେଲା ନାହିଁ। କଂଗ୍ରେସ କ୍ୟାଣ୍ଟିନରେ ସବୁଦିନ ପରି ଗହଳି ଚହଳି ଥିଲା , କିନ୍ତୁ ପାର୍ଟି ନେତା ଓ କାର୍ଯ୍ୟକର୍ତ୍ତାଙ୍କ ମୁହଁରେ ନିରାଶର ସ୍ପଷ୍ଟ ଝଲକ ଥିଲା। ଜଣେ କ୍ୟାଣ୍ଟିନ କର୍ମଚାରୀ ଦୁଃଖ ପ୍ରକାଶ କରି ଥିଲେ କି, ସେ ପକୁଡି ଓ ପୁରି ଭଳି ସ୍ୱତନ୍ତ୍ର ବ୍ୟଞ୍ଜନ ପ୍ରସ୍ତୁତ କରି ଥିଲେ। କିନ୍ତୁ ହରିଆଣା ନିର୍ବାଚନରେ ହୋଇଥିବା ଓଲଟପାଲଟ କାରଣରୁ କେହି ବି ତାକୁ ନେବାକୁ ଆସି ନଥିଲେ। ଖୁବ୍ ଶୀଘ୍ର ଏଆଇସିସି ମୁଖ୍ୟାଳୟରେ ନିରାଶ ବ୍ୟାପି ଯାଇଥିଲା।
