ନୂଆଦିଲ୍ଲୀ,୧୨/୦୪: ପୂରଣ ହେବାକୁ ଯାଉଛି ଦୀର୍ଘ ଦିନର ସ୍ବପ୍ନ । କାଶ୍ମୀରରୁ କନ୍ୟାକୁମାରୀ  ଯିବା ହେବ ସହଜ । କମ୍ ସମୟରେ କନ୍ୟାକୁମାରୀରେ ପହଞ୍ଚିପାରିବେ ଯାତ୍ରୀ ।  ୧୯ ଏପ୍ରିଲରୁ କାଶ୍ମୀରରୁ କନ୍ୟାକୁମାରୀକୁ ଚାଲିବ ବନ୍ଦେ ଭାରତ ଏକ୍ସପ୍ରେସ । ଏକ୍ସପ୍ରେସର ଶୁଭାରମ୍ଭ କରିବେ ମୋଦି । ମୋଦି ୨୭୨ କିଲୋମିଟର ଲମ୍ବା ଉଧମପୁର-ଶ୍ରୀନଗର-ବାରାମୁଳା ରେଳ ଲିଙ୍କ କାର୍ଯ୍ୟ ଶେଷ ହେବାକୁ ନେଇ ମାତା ବୈଷ୍ଣୋଦେବୀଙ୍କ  କଟରାରୁ ବନ୍ଦେ ଏକ୍ସପ୍ରେସକୁ ସବୁଜ ପତାକା ଦେଖାଇବେ । ଏହି ଏକ୍ସପ୍ରେସ ଚିନାବ ବ୍ରିଜ ଉପରେ ଚାଲିବ । 

ଏହା ମଧ୍ୟ ପଢନ୍ତୁ-  LOCରେ ଆତଙ୍କୀଙ୍କ ଅନୁପ୍ରବେଶ ପଣ୍ଡ, ଜଣେ ଯବାନ ଶହୀଦ୍

ଚିନାବ ରେଳ ବ୍ରିଜ କେବଳ ୨ ଟି ପାହାଡ଼କୁ ଯୋଡ଼ୁନି ବରଂ ଜାମ୍ମୁ କାଶ୍ମୀର ପାଇଁ ସ୍ବପ୍ନ, ବିକାଶ ଓ କାଶ୍ମୀରର ଏକ ନୂଆ ଯୁଗକୁ ବି ଯୋଡ଼ୁଛି । ତେବେ ଚିନାବ ନଦୀ ଉପରେ ତିଆରି ହୋଇଥିବା ବ୍ରିଜ ୧,୩୧୫ ମିଟର ଉର୍ଦ୍ଧ୍ବରେ ରହିଛି । ଏହି ନଦୀ ତଳୁ ରେଳ ସ୍ତର ପର୍ଯ୍ୟନ୍ତ କୁତବମିନାରରୁ ବି ପାଞ୍ଚଗୁଣା ଉର୍ଦ୍ଧ୍ବରେ ରହିଛି। ବ୍ରିଜ ନିର୍ମାଣରେ ୨୮ ହଜାର ମାଟ୍ରିକ ଟନ୍‌ରୁ ଅଧିକ ଷ୍ଟିଲ ଲାଗିଛି । ସେହିପରି ଉଧମପୁର-ବାରାମୁଳା ରେଳ ପରିଯୋଜନାରେ ଅନେକ ଟନେଲ ଓ ବ୍ରିଜ ଯାଉଛି । ଆଉ ଏହି ସବୁ ଉପରେ ନଜର ରଖିବା ପାଇଁ ଅନେକ  ସେନ୍ସର ଓ ହାଇଟେକ ସିସିଟିଭି କ୍ୟାମେରା ଲଗାଯାଇଛି । ଯାହା କଣ୍ଟ୍ରୋଲ ରୁମରୁ ମଂନିଟରିଂ କରାଯିବ । ଚିନାବ ରେଲଓ୍ବେ ବ୍ରିଜ ବିଶ୍ବର ସବୁଠୁ ଉଚ୍ଚ ରେଳ ବ୍ରିଜ । ଏହା ମାଇନ ଫ୍ରି ଓ ବ୍ଲାଷ୍ଟ ଫ୍ରି ମଧ୍ୟ ।