ନୂଆଦିଲ୍ଲୀ,୧୯/୦୪: ଆମେରିକାରେ ଅଘଟଣ। ମାଷ୍ଟର ଡିଗ୍ରୀ ପଢୁଥିବା ଗୁଣ୍ଟୁରର ଜଣେ ଛାତ୍ରଙ୍କ ମୃତ୍ୟୁ । ଟେକ୍ସାସ ଡେଣ୍ଟନ ସିଟିରେ ଏକ ହିଟ୍ ଏଣ୍ଡ ରନ୍ ଘଟଣାରେ ତାଙ୍କର ମୃତ୍ୟୁ ହୋଇଛି। ସେ ତାଙ୍କ ଜଣେ ବନ୍ଧୁଙ୍କ ସହ ଘରକୁ ଫେରୁଥିବା ବେଳେ ଏହି ଘଟଣା ଘଟିଛି । ଏନେଇ ମୃତକଙ୍କ ପରିବାର ଲୋକ ସୂଚନା ଦେଇଛନ୍ତି । ମୃତ ଛାତ୍ର ଜଣକ ଭି. ଦୀପ୍ତି ବୋଲି ଜଣାପଡ଼ିଛି ।
ତେବେ ଏପ୍ରିଲ ୧୨ ତାରିଖରେ ଭି. ଦୀପ୍ତି କୋରିଲ୍ ଆଲ୍ ଲାଗୁ ଡ୍ରାଇଭ୍ର ୨୩୦୦ ବ୍ଲକ୍ ନିକଟରେ ଚାଲିଚାଲି ଯାଉଥିବା ବେଳେ ଏକ ଦ୍ରୁତଗାମୀ ଗାଡ଼ି ତାଙ୍କୁ ଏବଂ ତାଙ୍କ ବନ୍ଧୁ ସ୍ନିଗ୍ଧାକୁ ଧକ୍କା ଦେଇଥିଲା। ସ୍ନିଗ୍ଧା ମଧ୍ୟ ଗୁଣ୍ଟୁର ଜିଲ୍ଲାର। ଦୀପ୍ତିଙ୍କ ମୁଣ୍ଡରେ ଗମ୍ଭୀର ଆଘାତ ଲାଗିଥିଲା ଏବଂ ତାଙ୍କର ଏପ୍ରିଲ ୧୫ ତାରିଖରେ ମୃତ୍ୟୁ ହୋଇଥିଲା। ଅନ୍ୟପଟେ ସ୍ନିଗ୍ଧାଙ୍କ ଚିକିତ୍ସା ଜାରି ରହିଥିବା ବେଳେ ତାଙ୍କ ଅବସ୍ଥା ସ୍ଥିର ଥିବା କୁହାଯାଉଛି।
ଏହା ମଧ୍ୟ ପଢନ୍ତୁ- ଭୁଶୁଡ଼ିଲା ୪ ମହଲା କୋଠା; ଚାଲିଗଲା ୪ ଜୀବନ, ଫସିଛନ୍ତି ୧୦
ଏନେଇ ଦୀପ୍ତିଙ୍କ ବାପା ହନୁମନ୍ତ ରାଓ କହିଛନ୍ତି ଯେ, ସେ ଘଟଣା ଦିନ ତାଙ୍କ ସହିତ କଥା ହୋଇଥିଲେ, କିନ୍ତୁ ତାଙ୍କୁ କ୍ଲାସକୁ ଯିବାକୁ ଶୀଘ୍ର ଥିଲା, ତେଣୁ ସେ ତାଙ୍କୁ ରବିବାର ଦିନ ଫୋନ୍ କରିବାକୁ କହିଥିଲେ। କିନ୍ତୁ ଏହା ତାଙ୍କର ଶେଷ ଫୋନ ଥିଲା । ତାଙ୍କ ମୃତଦେହ ଶନିବାର (ଆଜି) ଆମେରିକାରୁ ଅଣାଯିବ ଏବଂ ସୋମବାର ସକାଳ ସୁଦ୍ଧା ହାଇଦ୍ରାବାଦରେ ପହଞ୍ଚିବା ଆଶା କରାଯାଉଛି। ପ୍ରକାଶ ଥାଉକି, ଦୀପ୍ତି ନରସାରାଓପେଟ ଇଞ୍ଜିନିୟରିଂ କଲେଜରୁ ବି.ଟେକ୍ ସ୍ନାତକ ଡ଼ିଗ୍ରୀ ହାସଲ କରିଥିଲେ।
