ଯାଜପୁର, ୧୨/୦୭ : ଯାଜପୁର ମୃତ୍ତିକା ସଂରକ୍ଷଣ କାର୍ଯ୍ୟାଳୟ ପରିସର ଭିତରୁ ଅଧିକାରୀଙ୍କ ମୃତଦେହ ଉଦ୍ଧାର। ମୃତକ ଜଣଙ୍କ ହେଲେ ମୃର୍ତ୍ତିକା ସଂରକ୍ଷଣ କାର୍ଯ୍ୟାଳୟର ସଏଲ୍ କଞ୍ଜରଭେସନ୍ ଓଭରସିଅର ଅଫିସର ସୁରେଶ ମଲିକ। ଦୁଇ ଦିନ ଧରି ସେ ଅଫିସକୁ ଆସିନଥିଲେ। ଆଜି ସକାଳୁ ଅଫିସ କାର୍ଯ୍ୟାଳୟର ଏକ ଗଛରୁ ତାଙ୍କ ଝୁଲନ୍ତା ମୃତଦେହ ଉଦ୍ଧାର କରିଛି ଟାଉନ୍ ଥାନା ପୋଲିସ।
ସୂଚନାନୁଯାୟୀ, ଶୁକ୍ରବାର ସକାଳୁ ମୃତ୍ତିକା ସଂରକ୍ଷଣ କାର୍ଯ୍ୟାଳୟର ୱାଚ୍ ମ୍ୟାନ ଗେଟ୍ ଖୋଲିବା ବେଳେ ସୁରେଶ ମଲିକଙ୍କ ମୃତଦେହ ଝୁଲୁଥିବା ଦେଖିଥିଲା। ଏହାପରେ ପୋଲିସକୁ ଖବର ଦେଇଥିଲା। ଘଟଣାସ୍ଥଳରେ ଟାଉନ୍ ଥାନା ପୋଲିସ ପହଞ୍ଚି ମୃତଦେହ ଉଦ୍ଧାର କରିଛି। ତେବେ ସୁରେଶ ଆଗରୁ ଦେହ ଖରାପ ନେଇ ମେଡିସିନ୍ ଖାଉଥିଲେ। ତାଙ୍କ ଘର କେନ୍ଦ୍ରାପଡ଼ା ଜିଲ୍ଲା ଅହମଦପୁର ଅବଦଲପୁର ଗ୍ରାମରେ। ସେ ସଏଲ୍ କଞ୍ଜରଭେସନ୍ ଓଭରସିଅର ଅଫିସର ଭାବରେ କାର୍ଯ୍ୟ କରୁଥିଲେ।