ନୂଆଦିଲ୍ଲୀ,୨୧/୦୨: ଇସ୍ରାଏଲର ତେଲ ଅବିବରେ ସିରିଜ ବିସ୍ଫୋରଣ । ୩ ଟି ବସ୍ରେ ହୋଇଛି ବିସ୍ଫୋରଣ । ହେଲେ ବର୍ତ୍ତମାନ ସୁଦ୍ଧା କେହି ମୃତାହତ ହୋଇଥିବା ନେଇ କୌଣସି ସୂଚନା ମିଳିନି । ତେବେ ଏହା ଆତଙ୍କବାଦୀ ଆକ୍ରମଣ ବୋଲି ସନ୍ଦେହ କରାଯାଉଥିବା ଜଣେ କର୍ତ୍ତୁପକ୍ଷ କହିଛନ୍ତି । ଏହି ବିସ୍ଫୋରଣ ଏପରି ସମୟରେ ଘଟିଛି ଯେତେବେଳେ ହମାସ ଏକ ଅସ୍ତ୍ରବିରତି ଚୁକ୍ତିନାମା ଅନୁଯାୟୀ ଗାଜାରୁ ଚାରି ଜଣ ବନ୍ଧକଙ୍କ ମୃତଦେହ ଫେରାଇବା ପରେ ଇସ୍ରାଏଲ ପୂର୍ବରୁ ଦୁଃଖି ଥିଲା ।
ଏହା ମଧ୍ୟ ପଢନ୍ତୁ- ଆଉ ନାହାଁନ୍ତି ନାଗାଲାଣ୍ଡର ପୂର୍ବତନ ମୁଖ୍ୟମନ୍ତ୍ରୀ କେଜୋଙ୍ଗ ଚାଙ୍ଗ
ପୋଲିସ ମୁଖପାତ୍ର ଏଏସଆଇ ଅହରୋନି କହିଛନ୍ତି ଯେ, ଅନ୍ୟ ବସ୍ରେ ବିସ୍ଫୋରକ ମିଳିଥିଲା କିନ୍ତୁ ସେଗୁଡ଼ିକ ବିସ୍ଫୋରଣ ହୋଇନଥିଲା। ଇସ୍ରାଏଲୀ ପୋଲିସ କହିଛି ଯେ ପାଞ୍ଚଟି ବୋମା ସମାନ ଥିଲା ଏବଂ ଏଥିରେ ଟାଇମର୍ ଲାଗିଥିଲା। ବୋମା ନିଷ୍କ୍ରିୟକାରୀ ଦଳ ବିସ୍ଫୋରଣ ହୋଇନଥିବା ବୋମାଗୁଡ଼ିକୁ ନିଷ୍କ୍ରିୟ କରିଦେଇଛନ୍ତି। ଏନେଇ ସହରର ମେୟର ବ୍ରଟ କହିଛନ୍ତି ଯେ, ଭାଗ୍ୟ ବଶତଃ ଏଥିରେ କାହାର ମୃତ୍ୟୁ ହୋଇନି । ସେ କହିଛନ୍ତି ଯେ, ବସ୍ଗୁଡ଼ିକ ପାର୍କିଂ ଥିଲା। ବସ୍ କମ୍ପାନୀର ମୁଖ୍ୟ ଘଟଣା ପରେ ତୁରନ୍ତ ସମସ୍ତ ବସ୍ ଡ୍ରାଇଭରମାନଙ୍କୁ ଅଟକାଇ ଯାଞ୍ଚ କରିବାକୁ ନିର୍ଦ୍ଦେଶ ଦେଇଥିଲେ।
