ନୂଆଦିଲ୍ଲୀ – ଗତ ୧ଅକ୍ଟୋବରରେ ଥରି ଉଠି ଥିଲା ଇସ୍ରାଏଲର ମାଟି। ଇସ୍ରାଏଲୀୟ ମାଟିରେ ପୂରା ଘଣ୍ଟାଏ ଧରି ଇରାନ ୨୦୦ ମିସାଇଲ ମାଡ଼ କରି ଥିଲା । ଇରାନର ହମଲାରେ ପୂରା ଇସ୍ରାଏଲରେ ବାଜିଥିଲା ସାଇରନ। ଯଦିଓ ଏଥିରେ ଅଧିକ କ୍ଷତି ହୋଇ ନଥିଲା, ହେଲେ ଇରାନର ହମଲା ପୂରା ଇସ୍ରାଏଲକୁ ଥରାଇ ଦେଇଥିଲା। ଇସ୍ରାଏଲ ଏବେ ଇରାନୀ ହମଲାକୁ ଆତ୍ମ ସମ୍ମାନର ସହ ଲଢେଇ ମନେକରିଛି। ଇସ୍ରାଏଲ ହମଲାର ତୁରନ୍ତ ପରେ ଜବାବ ଦେବା କଥା କହିଛି। ଇସ୍ରାଏଲୀୟ ସେନା କହିଛି କି, ସେ ଇରାନରେ ହମଲା କେଉଁ କେଉଁ ସ୍ଥାନରେ କରିବାକୁ ଯାଉଛି, ଏହା ସ୍ଥିର କରି ସାରିଛି, ଖୁବ୍ ଶୀଘ୍ର ସେହି ସମୟ ମଧ୍ୟ ଆସିବ। ଆସନ୍ତାକାଲି ୭ ଅକ୍ଟୋବର ହମାସ ହମଲାର ବର୍ଷପୂର୍ତ୍ତି ।
ସୂତ୍ରାନୁସାରେ , ଇସ୍ରାଏଲ ଏବେ ଇରାନକୁ ବାଲିଷ୍ଟିକ୍ ମିସାଇଲ ହମଲାର ଜବାବ ଦେବାକୁ ପ୍ରସ୍ତୁତି କରୁଛି। ଚ୍ୟାନେଲ ୧୨ ସୂତ୍ରାନୁସାରେ କହିଛି ଯେ, ଇସ୍ରାଏଲ ଇରାନ ଉପରେ ହମଲାର ସ୍ଥାନ ସ୍ଥିର କରି ଦେଇଛି। ଏଥିରେ ମୁଖ୍ୟତଃ ସୁପ୍ରିମ୍ ଲିଡର ଆୟାତୁଲ୍ଲା ଅଲୀ ଖାମେନେଇର ଘର , ତୈଳ କୂପ ଓ ରାଷ୍ଟ୍ରପତି ନିବାସ ସମେତ ଅନେକ ମହତ୍ତ୍ୱପୂର୍ଣ୍ଣ ସ୍ଥାନ ହୋଇପାରେ।
ଇରାନରେ କାଉଣ୍ଟର ଆଟାକ୍ର ପ୍ରସ୍ତୁତି କରୁଥିବା ଇସ୍ରାଏଲର ପ୍ରତିରକ୍ଷା ମନ୍ତ୍ରୀ ୟୋଆଭ ଗାଲାଣ୍ଟ କହିଛନ୍ତି ଯେ, ଗତ ସପ୍ତାହରେ ଇରାନ ଦ୍ୱାରା କରାଯାଇ ଥିବା ବାଲିଷ୍ଟିକ୍ ମିସାଇଲ ହମଲାର ଆମର ବାୟୁ ସେନା ଓ ଅସ୍ତ୍ରଶସ୍ତ୍ର ଉପରେ କୌଣସି ପ୍ରଭାବ ପଡ଼ି ନାହିଁ। ସେ କହିଛନ୍ତି କି, ଇସ୍ରାଏଲୀୟ ବାୟୁ ସେନା ଏବେ ବି ଶତ୍ରୁକୁ ଉଚିତ୍ ଜବାବ ଦେବାରେ ସକ୍ଷମ। ସେ କହିଛନ୍ତି, ଇରାନୀ ହମଲାରେ ଇସ୍ରାଏଲକୁ ସାମାନ୍ୟ କ୍ଷତି ହୋଇଛି। ଗାଲେଣ୍ଟ ଏହି କଥା ଉପରେ ମଧ୍ୟ ଜୋର ଦେଇଛନ୍ତି ଯେ , ଇସ୍ରାଏଲ ନିଜର ବିରୋଧୀଙ୍କୁ ଭୟ କରିବା ଲୋକଙ୍କ ମଧ୍ୟରେ ନାହିଁ। ସେ ପ୍ରତି ଜବାବ ଦେବାରେ ସକ୍ଷମ। ସେ ସଙ୍କେତ ଦେଇଛି କି ଇସ୍ରାଏଲ ଖୁବ୍ ଶୀଘ୍ର ଇରାନକୁ ମିସାଇଲ ହମଲାର ଜବାବ ଦେବ।
ସୂତ୍ରର କହିବାନୁସାରେ , ଇସ୍ରାଏଲୀୟ ସେନା ଇରାନୀ ତୈଳ ପ୍ଲାଣ୍ଟ , ରାଷ୍ଟ୍ରପତି ପରିସର , ଇରାନୀ ସର୍ବୋଚ୍ଚ ନେତା ଖାମେନେଇର ଘର ଓ ରିଭୋଲ୍ୟୁସନରୀ ଗାର୍ଡର ମୁଖ୍ୟାଳୟକୁ ଟାର୍ଗେଟ୍ କରିବାକୁ ବିଚାର କରୁଛି।
