ନୂଆଦିଲ୍ଲୀ: ଆୟରଲ୍ୟାଣ୍ଡରେ ଏକ ବଡ଼ ରାଜନୈତିକ ହଲଚଲ୍ ଦେଖିବାକୁ ମିଳିଛି । ସାଂସଦଙ୍କ ପକ୍ଷରୁ ଗଠବନ୍ଧନ ସରକାରଙ୍କ ମୁଖ୍ୟ ଭାବରେ ଆନୁଷ୍ଠାନିକ ଭାବରେ ମଞ୍ଜୁରୀ ମିଳିବା ପରେ ମାଇକେଲ ମାର୍ଟିନଙ୍କୁ ଦ୍ୱିତୀୟ ଥର ପାଇଁ ଆୟରଲ୍ୟାଣ୍ଡର ପ୍ରଧାନମନ୍ତ୍ରୀ ଭାବେ ଦେଖିବାକୁ ମିଳିବ । ନିର୍ବାଚନରେ ମାର୍ଟିନ୍ଙ୍କ 'ଫିଆନା ଫେଲ୍' ଦଳ ସର୍ବାଧିକ ଆସନ ଜିତିଥିଲା, କିନ୍ତୁ ଏହାକୁ ନିଜ ଦମରେ ସରକାର ଗଠନ କରିବା ପାଇଁ ପର୍ଯ୍ୟାପ୍ତ ଆସନ ମିଳିନଥିଲା।
ସପ୍ତାହ ଧରି ଆଲୋଚନା ପରେ, ଦୀର୍ଘ ଦିନ ଧରି ପ୍ରଭାବଶାଳୀ ଦକ୍ଷିଣପନ୍ଥୀ ଦଳ ଫିଆନା ଫେଲ୍ ଏବଂ ଫାଇନ୍ ଗାଏଲ ଅନେକ ସ୍ୱାଧୀନ ସାଂସଦଙ୍କ ସମର୍ଥନରେ ଏକ ମେଣ୍ଟ ଗଠନ କରିବାକୁ ରାଜି ହୋଇଛନ୍ତି। ଚୁକ୍ତିନାମା ଅନୁଯାୟୀ ୬୪ ବର୍ଷିୟ ମାର୍ଟିନ୍ ତିନି ବର୍ଷ ପାଇଁ ପ୍ରଧାନମନ୍ତ୍ରୀ ରହିବେ, ଏବଂ ଫାଇନ୍ ଗେଲର ସାଇମନ ହାରିସ୍ ଉପପ୍ରଧାନମନ୍ତ୍ରୀ ହେବେ। ଏହା ପରେ, ଉଭୟ ନେତା ସେମାନଙ୍କ କାର୍ଯ୍ୟକାଳର ବାକି ଦୁଇ ବର୍ଷ ପାଇଁ ସେମାନଙ୍କର ସ୍ଥିତି ପରିବର୍ତ୍ତନ କରିବେ।
ଉଭୟ ଦଳର ସଦସ୍ୟ ମାନେ ସରକାରୀ ଚୁକ୍ତିନାମାକୁ ନିଶ୍ଚିତ କରିଛନ୍ତି ଏବଂ ଏବେ ମାର୍ଟିନ୍ଙ୍କ ନାମ ସଂସଦର ନିମ୍ନ ସଦନ, ଡେଲ୍ର ସଦସ୍ୟ ମାନେ ନିଶ୍ଚିତ କରିବେ। ଏହାପରେ ରାଷ୍ଟ୍ରପତି ମାଇକେଲ ଡି ହିଗିନ୍ସ ତାଙ୍କୁ ଆନୁଷ୍ଠାନିକ ଭାବରେ ଏହି ପଦବୀରେ ନିଯୁକ୍ତ କରିବେ। ୨୯ ନଭେମ୍ବରରେ ଆୟରଲ୍ୟାଣ୍ଡରେ ଅନୁଷ୍ଠିତ ନିର୍ବାଚନରେ 'ଫିଆନା ଫେଲ୍' ୧୭୪ ଆସନରୁ ୪୮ଟି ଏବଂ 'ଫାଇନ୍ ଗେଲ' ୩୮ଟି ଆସନ ଜିତିଥିଲା।
