ନୂଆଦିଲ୍ଲୀ: ବଲିଉଡ୍ ଅଭିନେତା ରବି କିଶନ, ଜଣେ ସଫଳ ରାଜନେତା ଏବଂ ଅଭିନେତା ମଧ୍ୟ। ଗୋଟିଏ କି ଦୁଇଟି ନୁହେଁ ବରଂ ବିଭିନ୍ନ ଭାଷାରେ ୭୦୦ ରୁ ଅଧିକ ଚଳଚ୍ଚିତ୍ରରେ ଅଭିନୟ କରିଛନ୍ତି ସେ। ନିକଟରେ ଏକ ସାକ୍ଷାତକାରରେ ସେ ଦାବି କରିଛନ୍ତି ଯେ, ସେ ଭଗବାନ ଶିବଙ୍କୁ ଦେଖିଛନ୍ତି। ସେ ମନାଲି ଯାଇଥିବା ସମୟରେ ସେ ଭଗବାନ ଶିବଙ୍କୁ ଭେଟିଛନ୍ତି । ସେ ଭୋଳା ବାବାଙ୍କୁ ପର୍ବତ ଉପରେ ଚାଲିବାର ଦେଖିଛନ୍ତି । ଏବେ ଆସନ୍ତୁ ଜାଣିବା ସମ୍ପୂର୍ଣ୍ଣ ଘଟଣା ବାବଦରେ…
ରବି କିଶନ ଏକ ୟୁଟ୍ୟୁବ୍ ଚ୍ୟାନେଲର ଏକ ପୋଡ କାଷ୍ଟରେ ଏହା ବିଷୟରେ କହିଛନ୍ତି। ଯେଉଁଠାରେ ସେ କହିଛନ୍ତି ଯେ ସେ ଏକ ଯୁଦ୍ଧ ଚଳଚ୍ଚିତ୍ରର ସୁଟିଂ କରୁଥିଲେ। ଆଉ ସେଠାରେ ତାଙ୍କ ସହିତ ଏହି ଘଟଣା ଘଟିଗଲା। ସେ ଆଜି ପର୍ଯ୍ୟନ୍ତ ସେହି କଥାକୁ ମନେ ରଖିଛନ୍ତି।
ରବି କିଶନ କହିଛନ୍ତି କି, 'ମୁଁ ମନେ ରଖିଛି ଆମେ '୧୯୭୧'ର ସୁଟିଂ କରୁଥିଲୁ। ମୋ ସହିତ' ମନୋଜ ବାଜପେୟୀ, ମାନବ କୌଲ ଏବଂ ପୀୟୁଷ ମିଶ୍ର ମଧ୍ୟ ଥିଲେ। ଆମେ ମନାଲୀରେ ସୁଟିଂ କରୁଥିଲୁ। ଆମେ ସାରା ରାତି ସୁଟିଂ କରିଥିଲୁ ଏବଂ ପରଦିନ ସକାଳ ପର୍ଯ୍ୟନ୍ତ ଏହାକୁ ଜାରି ରଖିଥିଲୁ। ତା’ପରେ ଆମେ ଏକ ଦୃଶ୍ୟ ପାଇଁ ସୂର୍ଯ୍ୟୋଦୟକୁ ଅପେକ୍ଷା କରୁଥିଲୁ। ଚାରିପାଖରେ ବରଫ ଆଚ୍ଛାଦିତ ପର୍ବତମାନ ଥିଲା।
ସେ ଆହୁରି କହିଛନ୍ତି କି, 'ମୁଁ ମୋର ସର୍ଟ ଦେଉଥିଲି।' ସେହି ସମୟରେ ମୁଁ ପର୍ବତ ଗୁଡ଼ିକ ଆଡକୁ ଦେଖୁଥିଲି । ମୁଁ ଭଗବାନ ଶିବଙ୍କୁ ପର୍ବତ ଉପରେ ଚାଲିବାର ଦେଖିଲି। ସେ ବହୁତ ବଡ଼ ଦେଖାଯାଉଥିଲେ। ମନୋଜ ବାଜପାୟୀ ମୋ ପାଖରେ ଥିଲେ। ଦୀପକ ଡୋବ୍ରିୟାଲ ମଧ୍ୟ ସେଠାରେ ଥିଲେ । ମୁଁ ସଙ୍ଗେ ସଙ୍ଗେ ତାଙ୍କୁ ପଚାରିଲି, ତୁମେ ଦେଖିଲ କି? ଏବେ ମୁଁ ଜାଣିନାହିଁ ଯେ ସେ ଏହା ଦେଖିଛନ୍ତି କି ନାହିଁ। କିମ୍ବା ମନୋଜ ଜୀ ଭାବୁଥିବେ ଯେ ମୁଁ ଅନ୍ୟ କିଛି ଦେଖୁଛି । କିନ୍ତୁ ସେହି ସମୟରେ, ମୁଁ ତାଙ୍କର ଦର୍ଶନ କରିଥିଲି, ଯେଉଁଠାରେ ମୁଁ ତାଙ୍କୁ ଚାଲିବାର ଦେଖିଲି। ମୁଁ ଶିବଙ୍କ ପ୍ରେମରେ ସମ୍ପୂର୍ଣ୍ଣ ଭାବରେ ପଡ଼ିଯାଇଛି।
