ନୂଆଦିଲ୍ଲୀ: ଲକ୍ଷ୍ନୌରେ ଏକ ବଡ଼ ସଡ଼କ ଦୁର୍ଘଟଣା ଘଟିଛି। ଗୁରୁବାର ରାତିରେ ବିବିଡି ଥାନା ଅଞ୍ଚଳରେ ଏକ ଟ୍ରକ୍ ଏବଂ ଦୁଇଟି କାର ମଧ୍ୟରେ ଭୟଙ୍କର ଧକ୍କା ହୋଇଛି। ଦୁର୍ଘଟଣାରେ ଘଟଣାସ୍ଥଳରେ ୪ ଜଣଙ୍କର ମୃତ୍ୟୁ ହୋଇଥିବା ବେଳେ ୭ ଜଣ ଗୁରୁତର ଆହତ ହୋଇଛନ୍ତି। ସୂଚନା ପାଇ ପୋଲିସ ଆହତ ମାନଙ୍କୁ ଡାକ୍ତରଖାନାରେ ଭର୍ତ୍ତି କରିଛି, ଯେଉଁଠାରେ ସେମାନଙ୍କର ଚିକିତ୍ସା ଚାଲିଛି । ପୋଲିସ ଉଭୟ ଗାଡିକୁ ନିଜ ହେପାଜତକୁ ନେଇଛି । ଧକ୍କା ପରେ ଉଭୟ କାର ସମ୍ପୂର୍ଣ୍ଣ ନଷ୍ଟ ହୋଇଯାଇଛି । ପୋଲିସ ଦୁର୍ଘଟଣାର ତଦନ୍ତ ଆରମ୍ଭ କରିଛି।
ପୋଲିସର ସୂଚନା ଅନୁସାରେ ବିବିଡି ପୋଲିସ ଷ୍ଟେସନ ଅଞ୍ଚଳରେ ଏକ ଟ୍ରକ, ଏକ ଇନୋଭା କ୍ରିଷ୍ଟା ଏବଂ ଏକ ଓମନି କାର ସହିତ ଧକ୍କା ହୋଇଛି । ଧକ୍କା ପରେ, ଇନୋଭା କ୍ରିଷ୍ଟା ଏବଂ ଓମନି କାର ସମ୍ପୂର୍ଣ୍ଣ ନଷ୍ଟ ହୋଇଯାଇଛି । ସୂଚନା ପାଇବା ପରେ ପୋଲିସ ପହଞ୍ଚି ଆହତ ମାନଙ୍କୁ ଉଭୟ ଗାଡ଼ିରୁ ବାହାର କରି ଟ୍ରମା ସେଣ୍ଟରକୁ ପଠାଇଥିଲା, ଯେଉଁଠାରେ ଡାକ୍ତର ୪ ଜଣ ଆହତଙ୍କୁ ମୃତ ଘୋଷଣା କରିଥିଲେ । ୭ ଜଣ ଆହତଙ୍କ ଚିକିତ୍ସା ଚାଲିଛି।
ସୂଚନା ମୁତାବକ ଇନୋଭା କ୍ରିଷ୍ଟା ଏବଂ ଓମନି କାରରେ ୧୧ ଜଣ ଥିଲେ, ଯେଉଁଥିରୁ ୭ ଜଣ ଆହତ ହୋଇଥିଲେ ଏବଂ ୪ ଜଣଙ୍କର ମୃତ୍ୟୁ ହୋଇଥିଲା। ଦୁର୍ଘଟଣା ପରେ ଟ୍ରକଟିକୁ ହେପାଜତକୁ ନିଆଯାଇଛି। ଦୁର୍ଘଟଣା ପରେ ପ୍ରବଳ ଟ୍ରାଫିକ ଜାମ୍ ହେବାରୁ ଦୁର୍ଘଟଣାଗ୍ରସ୍ତ ଦୁଇଟି ଯାନକୁ ରାସ୍ତାରୁ ହଟାଇବା ପରେ ଯାତାୟାତ ସୁରୁଖୁରୁରେ ଆରମ୍ଭ ହୋଇଛି।
।
