ମୁମ୍ୱାଇ : ବଲିଉଡ୍ ଅଭିନେତା ସୈଫ୍ ଅଲୀ ଖାନଙ୍କୁ ଆକ୍ରମଣ ଘଟଣାରେ ,ଅଭିଯୁକ୍ତ ମହମ୍ମଦ ଶରିଫୁଲ ଇସଲାମ ଶହଜାଦର ପିତା ରୁହୁଲ ଅମିନ ବଡ଼ ଦାବି କରିଛନ୍ତି। ତାଙ୍କର କହିବାନୁସାରେ ,ସୈଫ୍ଙ୍କ ଘରେ ଥିବା ସିସିଟିଭି ଫୁଟେଜ୍ରେ ଦେଖା ଯାଉଥିବା ବ୍ୟକ୍ତି ତାଙ୍କର ପୁଅ ନୁହେଁ। ଇଣ୍ଡିଆ ଟୁଡେ ସହ କଥାବାର୍ତ୍ତାରେ ସେ କହିଛନ୍ତି କି , ତାଙ୍କର ପୁଅ ଓ ସିସିଟିଭିରେ ନଜର ଆସୁଥିବା ବ୍ୟକ୍ତି ମଧ୍ୟରେ କୌଣସ ସମାନତା ନାହିଁ ।
ଅଭିଯୁକ୍ତ ଶରିଫୁଲ ଇସ୍ଲାମର ପିତା କୁହନ୍ତି , ସୈଫ୍ ଅଲ୍ଲୀ ଖାନଙ୍କ ଘରୁ ମିଳିଥିବା ସିସିଟିଭି ଫୁଟେଜରେ ଦେଖାଯାଉ ଥିବା ବ୍ୟକ୍ତି ମୋର ପୁଅ ନୁହେଁ। ଏହି ବ୍ୟକ୍ତିଙ୍କର କେଶ ବହୁତ ଲମ୍ୱା, ଯାହାକି ମୋ ପୁଅ ସାଧାରଣ ଭାବେ ସେନାର ଯବାନଙ୍କ ପରି ନିଜର କେଶ ଛୋଟ ରଖିଛି। ସେ କହିଛନ୍ତି କି , ଶରିଫୁଲ ନିଜର ମାଧ୍ୟମିକ ଶିକ୍ଷା ଶେଷ କରିଛି। ସେ ପରିବାରର ଭରଣ ପୋଷଣ କରିବା ପାଇଁ ବାଇକ୍-ରିକ୍ସା ଚଲାଉ ଥିଲା।
ରୁହୁଲ ଅମିଲ ୨୦୦୭ ମସିହା ଯାଏ ବାଂଲାଦେଶର ଖୁଲନାରେ ଏକ ଝୋଟ ମିଲ୍ରେ କାମ କରୁଥିଲା। ଏହାପରେ ସେ ନିଜର ଗାଁ ଫେରି ଚାଷ କରୁଥିଲା। ଆକ୍ରମଣକାରୀ ମହମ୍ମଦ ଶରିଫୁଲ ଇସଲାମ ଶହଜାଦର ବାଂଲାଦେଶୀ ହେବାର ପ୍ରମାଣ ବି ମିଳିଯାଇଛି। ମୁମ୍ୱାଇ ପୁଲିସର କ୍ରାଇମ୍ବ୍ରାଞ୍ଚକୁ ଏହାର ବାଂଲାଦେଶୀ ଆଇଡି କାର୍ଡ ଓ ଡ୍ରାଇଭିଂ ଲାଇସେନ୍ସ ମିଳି ଯାଇଛି। ଏଥିରେ ଏହାର ନାଁ ଶରିଫୁଲ ଇସ୍ଲାମ ଲେଖା ହୋଇଛି।
ପୁଲିସକୁ ମିଳିଥିବା କାଗଜପତ୍ରରେ ଏହି କଥା ସ୍ପଷ୍ଟ ହୋଇ ସାରିଛି ଯେ, ତାଙ୍କ ପିତାଙ୍କ ନାଁ ମହମ୍ମଦ ରୁହୁଲ ଅମିଲ। ଗତ ରବିବାର ଶରିଫୁଲ ଇସଲାମ ଶହଜାଦ ମହମ୍ମଦ ରୋହିଲ୍ଲା ଅମିନ ଫକିରକୁ ଗିରଫ କରାଯାଇ ଥିଲା। ସେ ନିଜୟ ନାଁ ବିଜୟ ଦାସ ରଖି ଅବୈଧ ଭାବେ ମୁମ୍ୱାଇରେ ରହୁଥିଲା । ସେ ବାଂଲାଦେଶର ବରିଶାଲରେ ରହୁଛି। ଗତ ୫ ମାସରୁ ସେ ମୁମ୍ୱାଇରେ ହିଁ ରହୁ ଥିଲା।
କହି ରଖୁଛୁ କି , ସୈଫ୍ ଅଲ୍ଲୀ ଖାନଙ୍କ ଉପରେ ହୋଇଥିବା ପ୍ରାଣଘାତୀ ହମଲାକୁ ନେଇ ଲୋକେ ଲଗାତାର ପ୍ରଶ୍ନ କରୁଛନ୍ତି। ଉକ୍ତ ମାମଲାରେ ପୁଲିସର ଥିଓରୀ ଉପରେ ମଧ୍ୟ ଲୋକେ ସନ୍ଦେହ ପ୍ରକଟ କରୁଛନ୍ତି। ପଲଟିକାଲ ସର୍କଲ ଠାରୁ ନେଇ ସୋସିଆଲ ମିଡ଼ିଆ ଯାଏ ଲୋକେ ଏହା ବିଷୟରେ ଲେଖୁଛନ୍ତି ଏବଂ କହୁଛନ୍ତି। ମହାରାଷ୍ଟ୍ରର ମନ୍ତ୍ରୀ ନିତେଶ ରାଣେ ସୈଫଙ୍କ ଉପରେ ଛୁରାମାଡ଼ାକୁ ନେଇ ପ୍ରଶ୍ନ କରି ବିବାଦ ଠିଆ କରିଛନ୍ତି। ନିତେଶ ରାଣା ପଚାରିଛନ୍ତି କି, ସୈଫ୍ଙ୍କ ଉପରେ ବାସ୍ତବରେ ହମଲା ହୋଇଥିଲା ନା ସେ ଅଭିନୟ କରୁଥିଲେ। ତାଙ୍କର ଏହି ବୟାନ ଶିବସେନା ନେତା ସଞ୍ଜୟ ନିରୁପମଙ୍କ ଦ୍ୱାରା, ସୈଫଙ୍କ ଗୁରୁତର କ୍ଷତରେ ୬ଘଣ୍ଟାର ସର୍ଜରୀ ପରେ ସାଧାରଣ ଜୀବନକୁ ଫେରିବା ଉପରେ ପ୍ରଶ୍ନ ଉଠିବାର ଦିନର ପରେ ଆସିଛି। ନିରୁପମ କହିଥିଲେ , ଯେଉଁ ବ୍ୟକ୍ତିଙ୍କର ଏତେ ବଡ଼ ଅପରେସନ ହୋଇଛି , ସେ ଏତେ ଶଘ୍ର ସୁସ୍ଥ କେମିତି ହୋଇ ପାରିବେ।
