ନୂଆଦିଲ୍ଲୀ,୨୮।୯: ଇରାନର ସୁପ୍ରିମ ଲିଡର ଆୟାତୁଳ୍ଲା ଅଲ୍ଲୀ ଖାମନେଇ ମୁସଲମାନଙ୍କୁ ଏକଜୁଟ ହେବାକୁ ଅପିଲ କରିଛନ୍ତି। ସେ ଶନିବାର ମୁସଲମାନଙ୍କୁ ଗୁହାରୀ କରିଛନ୍ତି ଲେବାନନ୍ର ଲୋକ ଓ ହିଜବୁଲାର ସାଥ୍ ଦିଅନ୍ତୁ। ଏହା ସହ ଇସ୍ରାଏଲ ଆଡକୁ ଇଶାରା କରି ସେ କହିଛନ୍ତି, ଦୁଷ୍ଟ ଶାସନର ମୁକାବିଲା କରିବାରେ ସହାୟତା କରନ୍ତୁ। ଖାମନେଇଙ୍କ ଏହି ବୟାନ ଇସ୍ରାଏଲ ଆକ୍ରମଣରେ ହିଜବୁଲା ମୁଖ୍ୟ ହସନ ନସରୁଲାହ ନିହତ ହେବାପରେ ଆସିଛି। ସେ ନିଜ ବୟାନରେ କହିଛନ୍ତି, ଏହି ଅଞ୍ଚଳର ଭାଗ୍ୟ ପ୍ରତିରୋଧର ଶକ୍ତି ପକ୍ଷରୁ ଧାର୍ଯ୍ୟ କରାଯିବ, ଯେଉଁଥିରେ ହିଜବୁଲ୍ଲାହ ସବୁଠାରୁ ଆଗରେ ରହିବ।’
ଆୟତୁଲ୍ଲା ଅଲ୍ଲୀ ଖାମନେଇ ଇସ୍ରାଏଲର ଆଲୋଚନା କରି କହିଛନ୍ତି, ଜାୟୋନି ଅପରାଧି ହିଜୁବୁଲାକୁ କ୍ଷତି ପହଁଞ୍ଚାଇବା ପାଇଁ ବହୁତ ଛୋଟ। ଏକ୍ସରେ ପୋଷ୍ଟ କରି ଲେଖିଛନ୍ତି, ଜାୟୋନି ଅପରାଧି ଜାଣିବା ଦରକାର ସେମାନେ ଲେବାନନ୍ରେ ହିଜୁବୁଲା ସହିତ ଠିଆ ହୋଇଛନ୍ତି ଓ ତାଙ୍କ ସମର୍ଥନରେ ଅଛନ୍ତି।’ ଇସ୍ରାଏଲୀ ସେନାକୁ ଚେତାବନୀ ଦେଇ ଖାମନେଇ କହିଛନ୍ତି, ମହିଳା ଓ ପିଲାଙ୍କ ସାମୁହିକ ହତ୍ୟା ପ୍ରତିରୋଧର ଶକ୍ତି ସଂରଞ୍ଚନାକୁ ପ୍ରଭାବିତ କରିପାରିବନି ଓ ନାଁ ଏହାକୁ ନଷ୍ଟ କରିହେବ।
ଇରାନର ସର୍ବୋଚ୍ଚ ନେତା ଶନିବାର ଏକ୍ସରେ ଗୋଟିଏ ପରେ ଗୋଟିଏ ବହୁତ ବହୁତ ଗୁଡିଏ ପୋଷ୍ଟ କରିଛନ୍ତି। ଗୋଟିଏ ପୋଷ୍ଟରେ ସେ ଲେଖିଛନ୍ତି, ଲେବାନନ୍ର ଲୋକ ଏହା ଭୁଲନ୍ତି ନାହିଁ ଯେ, ଏକ ସମୟ ଥିଲା ଯେତେବେଳେ କବଜା ଥିବା ଶାସନର ସୈନିକ ବେରୁଟ୍ ଆଡକୁ ବଢୁଥିଲେ। ସେତେବେଳେ ହିଜବୁଲା ନିଜର ଶତ୍ରୁକୁ ରୋକିଥିଲା ଓ ଲେବାନନ୍ ଗୌରବାନିତ୍ବ ହୋଇଥିଲା। ଆଜି ବି ଇଶ୍ବରଙ୍କ କୃପା ଓ ଶକ୍ତି ବଳରେ ଲେବାନନ୍ ନିଜ ଶତ୍ରୁଙ୍କୁ ତାଙ୍କ କାର୍ଯ୍ୟକୁ ନେଇ ଅନୁତାପ କରାଇବ।’
