ନୂଆଦିଲ୍ଲୀ,୨୮।୯: ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତନ୍ୟାହୁ ଶୁକ୍ରବାର ଜାତିସଂଘର ମହାସଭାରେ ଜୋରଦାର ଭାବରେ ନିଜ କଥା ରଖିଛନ୍ତି। ନିଜ ସମ୍ବୋଧନରେ ସେ ଦୁଇଟି ନକ୍ସା ଦେଖାଇଛନ୍ତି। ସେ ନକ୍ସା ଦେଖାଇ କହିଛନ୍ତି ଗୋଟିଏ ହେଉଛି ବରଦାନ ଅନ୍ୟଟି ହେଉଛି ଅଭିଶାପ। ଯଦି କାହାକୁ ଲାଗୁଛି ଏହା କେବଳ ଇସ୍ରାଏଲ ପାଇଁ ତେବେ ଏ ବିଷୟରେ ପୁଣିଥରେ ଭାବିବା ଦରକାର, କାରଣ ଏହା ପୁରା ଦୁନିଆ ପାଇଁ ରହିଛି। ଏହି ଅଭିଶାପର ମୂଳରେ ଇରାନ ବହୁତ ବହୁତ ଗୁଡିଏ ଆତଙ୍କବାଦୀ ସଂଗଠନକୁ ସୁରକ୍ଷା ଦେଉଛି। ସେଭଳି ଲଗାତାର ନିଜ ଦେଶ ଭିତରେ ଅତ୍ୟାଚାର କରୁଛି ଓ ଦୁନିଆ ଆଗରେ ଭଗବାନ ହେବାର ଚେଷ୍ଟା କରୁଛି।
ହମାସ ଓ ହିଜବୁଲା ଦୁଇ ପଟିଆ ଯୁଦ୍ଧ ଲଢୁଛ୍ତି। ଇସ୍ରାଏଲର ପ୍ରଧାନମନ୍ତ୍ରୀ ଇରାନକୁ ଧମକ ଦେଇ କହିଛନ୍ତି ମୁଁ ତେହରାନରେ ବସିଥିବା ଏକଛତ୍ରବାଦୀ ଶାସକଙ୍କୁ କହିବାକୁ ଚାହିଁବି ଯଦି ଇସ୍ରାଏଲ ଉପରେ ଆକ୍ରମଣ ହୁଏ ତେବେ ଭୟଙ୍କର ପାଲଟା ଆକ୍ରମଣର ସାମନା କରିବାକୁ ପଡିବ।ନେତନ୍ୟାହୁଙ୍କ ଦ୍ବାରା ଯେଉଁ ବରଦାନ ମ୍ୟାପ୍ ଦେଖାଯାଇଛି ତାହା ବ୍ୟାପରିକ ରାସ୍ତାର ଥିଲା। ଯାହାକୁ ଆମେରିକା ସହିତ ସମସ୍ତ ପାଶ୍ଚାତ୍ୟ ଦେଶ ଚୀନ୍ର ବିଆରଆଇ ସମାନ ଠିଆ କରିବାକୁ ଚାହୁଁଥିଲେ। ଏଥିପାଇଁ ଆମେରିକା ବହୁତ ଚେଷ୍ଟା କରି ଏହି ରାସ୍ତା ପାଇଁ ଆରବ ଦେଶ ଓ ଇସ୍ରାଏଲ ମଧ୍ୟରେ ଶତ୍ରୁତା କମ୍ କରି ଆବ୍ରାହମ ଚୁକ୍ତି କରୁଥିଲା। ଏହା ଜରିଆରେ ଭାରତ ମହାସାଗରରୁ ନେଇ ଅରବ ଦେଶ ଓ ଇସ୍ରାଏଲ ଦେଇ ଏକ ବ୍ୟାପରିକ ରାସ୍ତା ଜୋଡା ଯାଇଥାଏ,ଯାହାକି ସିଧା ଭୂମଧ୍ୟ ସାଗର ସହ ଯୋଡି ହୋଇଥାଏ ଓ ସେଠାରୁ ୟୁରୋପକୁ ଯୋଡିଥାଏ।
ଭାରତର ପଶ୍ଚିମ ଉପକୂଳରୁ ଏହି ରାସ୍ତାର ଆରମ୍ଭ କରାଯାଉଥିଲା। ଏହାଦ୍ବାରା ଭାରତ, ୟୁରୋପ ଓ ଅରବ ଦେଶ ମଧ୍ୟରେ ବ୍ୟାପାରକୁ ସୁଯୋଗ ମିଳିଥାଏ ଓ କୋଟି କୋଟି ଲୋକଙ୍କ ଜୀବନରେ ସୁଧାର ହୋଇଥାନ୍ତି। ତେବେ ୨୦୨୩ ରେ ହମାସର ଆକ୍ରମଣ ପରେ ଏହି ପ୍ରୋଜେକ୍ଟ ଏକ ପ୍ରକାର ବନ୍ଦ ଅବସ୍ଥାରେ। କାରଣ ପ୍ରୋଜେକ୍ଟ ଚୀନ୍ର ବିଆରଆଇ କାଉଣ୍ଟରର ଥିଲା। ତେଣୁ ବିଶେଷଜ୍ଞ ୭ ଅକ୍ଟୋବର ଆକ୍ରମରରେ ପରୋକ୍ଷ ରୂପରେ ଚୀନ୍ର ହାତ ଥିବା ମନେକରନ୍ତି। ଇସ୍ରାଏଲ ପ୍ରଧାନମନ୍ତ୍ରୀ ଆଉ ଏକ ନକ୍ସାରେ କଳା ରଙ୍ଗରେ ଚାରି ଦେଶକୁ ପ୍ରଦର୍ଶିତ କରି ତାଙ୍କୁ ଦୁନିଆ ପାଇଁ ଅଭିଶାପ ବୋଲି କହିଛନ୍ତି। ଏଥିରେ ଇରାନ, ଇରାକ, ସିରିଆ ଓ ୟେମେନ୍କୁ କଳା ଅଭିଶାପ ବୋଲି କହିଛନ୍ତି। ନେତନ୍ୟାହୁ କହିଛନ୍ତି ଏହା ପୁରା ଦୁନିଆ ପାଇଁ ବିପଦ ଓ ଏହାର ମୂଳରେ ଇରାନ ରହିଛି, କାରଣ ତାହା ହିଁ ଗୋଟିଏ ଦେଶ ଯାହା ଲଗାତାର ନିଜର କଟ୍ଟରପନ୍ଥୀ ଗୁଣ ପାଇଁ ଆତଙ୍କବାଦୀ ସଂଗଠନକୁ ସାହାଯ୍ୟ କରିଥାଏ
