ମୁମ୍ବାଇ, ୧୩/୪ :   ଆଇପିଏଲ୍ ସିଜନ ୧୮ର ୨୮ତମ ମ୍ୟାଚ୍ ଆଜି ରାଜସ୍ଥାନ ରୟାଲ୍ସ ଏବଂ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁର ମଧ୍ୟରେ ସବାଇ ମାନସିଂହ ଷ୍ଟାଡିୟମରେ ଖେଳାଯିବ । ରାଜସ୍ଥାନ ବିପକ୍ଷ ବେଙ୍ଗାଲୁର ଟିମ୍ ଏହି ମ୍ୟାଚରେ ଗ୍ରୀନ ଜର୍ସି ପିନ୍ଧି ଖେଳିବ । ଆସନ୍ତୁ ଜାଣିବା କାହିଁକି ଟିମ୍ ଏହି ସ୍ପେଶାଲ ଜର୍ସି ପିନ୍ଧୁଛି ।

ଏହା ତାଙ୍କ "Go Green" ପଦକ୍ଷେପର ଭାଗିଦାରୀ ଅଟେ । ଯାହାଦ୍ବାରା ପ୍ରତି ସିଜନରେ ଗୋଟିଏ ମ୍ୟାଚ୍ ଲାଗି ଗ୍ରିନ୍ କିଟ୍ ପିନ୍ଧି ଦଳ ଖେଳିଥାଏ । ଫଳରେ ସ୍ଥିରତା ପ୍ରତି ନିଜ ପ୍ରତିବଦ୍ଧତା ବିଷୟରେ ସଚେତନତା କରାଯାଇପାରିବ । ଏହି ପଦକ୍ଷେପର ମୂଳ ଲକ୍ଷ୍ୟ ପରିବେଶକୁ ସଫା ରଖିବା ଅଟେ । ଅଧିକରୁ ଅଧିକ ଗଛ ଲଗାଇବା, ଅଳିଆ କମ୍ କରିବା ଆଦି ଅଟେ ।

ଆରସିବି ମ୍ୟାଚ୍ ପୂର୍ବରୁ ସୋସିଆଲ ମିଡ଼ିଆରେ ସୂଚନା ଦେଇ ଲେଖିଛି କି, ଆରସିବିର ସବୁ ଜର୍ସି ୯୫ପ୍ରତିଶତ କପଡ଼ା ଏବଂ ପଲିଷ୍ଟର ଅଳିଆରୁ ନିର୍ମିତ ହୋଇଛି । ଯଦି ଆମେ ରେକର୍ଡ଼ର କଥା ଦେଖିବା ତେବେ ଗ୍ରୀନ୍ କିଟରେ ଆରସିବିର ରେକର୍ଡ଼ ଭଲ ନାହିଁ । ଟିମ୍ ୨୦୧୧ରୁ ଏବେ ପର୍ଯ୍ୟନ୍ତ ଗ୍ରୀନ୍ ଜର୍ସିରେ ୧୪ମ୍ୟାଚ ଖେଳୁଛି । ଏଥିରେ ଟିମ୍ କେବଳ ୪ମ୍ୟାଚ୍ ହିଁ ଜିତି ପାରିଥିବାବେଳେ ୯ମ୍ୟାଚରେ ତାକୁ ପରାଜୟର ସାମ୍ନା କରିବାକୁ ପଡ଼ିଛି ଏବଂ ୧ମ୍ୟାଚର ଫଳାଫଳ ବାତିଲ ରହିଛି ।