ଆନନ୍ଦପୁର,୧୭/୦୨: ଆନନ୍ଦପୁର ବ୍ୟାରେଜ ନିକଟସ୍ଥ ଗ୍ରାମ୍ୟ ଜଳ ଯୋଗାଣ କାର୍ଯାଳୟ ଗେଟ୍ ସମ୍ମୁଖରୁ ସୁରକ୍ଷାକର୍ମୀଙ୍କ କ୍ଷତାକ୍ତ ମୃତଦେହ ଉଦ୍ଧାର ହୋଇଛି । ମୃତକ ଗ୍ରାମ୍ୟ ଜଳ ଯୋଗାଣ ବିଭାଗର ସୁରକ୍ଷାକର୍ମୀ ସୁକଦେବ ସାହୁ ଏବଂ ସେ ପଦ୍ମପୁର ଗାଁର ବାସିନ୍ଦା ବୋଲି ଜଣାପଡ଼ିଛି । ତାଙ୍କ ହତ୍ୟା ହୋଇଥିବା ସନ୍ଦେହ କରାଯାଉଥିବା ବେଳେ ପୋଲିସ ତାଙ୍କର ଜଣେ ସହକର୍ମୀଙ୍କୁ ଅଟକ ରଖି ପଚରାଉଚରା କରୁଛି । କେନ୍ଦୁଝର ଜିଲ୍ଲା ଆନ୍ଦପୁର ଅଞ୍ଚଳରେ ଏଭଳି ଘଟଣା ଘଟିଥିବାର ଖବର ସାମ୍ନାକୁ ଆସିଛି ।
ସୂଚନା ମୁତାବକ, ଆନନ୍ଦପୁର ବ୍ୟାରେଜ ନିକଟସ୍ଥ ଗ୍ରାମ୍ୟ ଜଳ ଯୋଗାଣ କାର୍ଯାଳୟ ଗେଟ୍ ସମ୍ମୁଖରେ ସୁରକ୍ଷାକର୍ମୀ ଶୁକଦେବ ସାହୁଙ୍କ କ୍ଷତାକ୍ତ ମୃତଦେହ ଦେଖିବାକୁ ପାଇଥିଲେ ସ୍ଥାନୀୟଲୋକେ । ଏହା ଦେଖି ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ସୁରକ୍ଷାକର୍ମୀଙ୍କ କ୍ଷତାକ୍ତ ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ପାରିପାର୍ଶ୍ୱିକ ସ୍ଥିତିରୁ ଏହା ଏକ ହତ୍ୟା ବୋଲି ସନ୍ଦେହ କରାଯାଉଛି ।
ସେପଟେ ସନ୍ଦେହରେ ଶୁକଦେବଙ୍କ ଜଣେ ସହକର୍ମୀଙ୍କୁ ଅଟକ ରଖି ପୋଲିସର ପଚରାଉଚୁରା କରୁଛି । ସେ ଆଜି ସକାଳେ ଶୁକଦେବଙ୍କ ପାଇଁ ଆଟେଣ୍ଡାନ୍ସ ରେଜିଷ୍ଟରରେ ଦସ୍ତଖତ କରିଥିଲେ । ସେଥିପାଇଁ ପୋଲିସ ସନ୍ଦେହରେ ତାଙ୍କୁ ଅଟକ ରଖିଛି ।
