ନୂଆଦିଲ୍ଲୀ,୨୭/୦୫: ଅଲିମ୍ପିକ୍ ଏବଂ ବିଶ୍ୱ ଚାମ୍ପିଅନ୍ ଭାରତର ଜାଭେଲିନ ତାରକା ନୀରଜ ଚୋପ୍ରା ଆଗାମୀ ଓଷ୍ଟ୍ରାଭା ଗୋଲ୍ଡେନ ସ୍ପାଇକ୍ସ ଇଭେଣ୍ଟରେ ଭାଗ ନେବେନି ବୋଲି ସ୍ପଷ୍ଟ କରି ଦେଇଛନ୍ତି । ଅଭ୍ୟାସ ବେଳେ ମାଂଶପେଶୀରେ ଯନ୍ତ୍ରଣା ଅନୁଭବ କରିବା ପରେ ସେ ବିଶ୍ରାମ ନେବାକୁ ନିଷ୍ପତ୍ତି ନେଇଛନ୍ତି ।
ସେ କହିଛନ୍ତି, ମୁଁ ଆହତ ହୋଇନାହିଁ । ଅଭ୍ୟାସ କରିବା ସମୟରେ ଜଙ୍ଘ ମାଂଶପେଶୀରେ ସାମାନ୍ୟ ଯନ୍ତ୍ରଣା ହେଉଥିଲା । ଆଗକୁ ଅଲିମ୍ପିକ୍ସ ରହିଛି । ତେଣୁ ମୁଁ କୌଣସି ବିପଦକୁ ଡାକିବାକୁ ଚାହୁଁନି । ଯେବେ ସମ୍ପୂର୍ଣ୍ଣ ଫିଟ୍ ଅନୁଭବ କରିବି, ମୁଁ ପ୍ରତିଯୋଗିତାକୁ ଫେରିବି ।’ ଚେକ୍ ଗଣରାଜ୍ୟ ଠାରେ ଆସନ୍ତା ୨୮ ତାରିଖରେ ଓଷ୍ଟ୍ରାଭା ଗୋଲ୍ଡେନ ସ୍ପାଇକ୍ସ ଇଭେଣ୍ଟ ଆୟୋଜିତ ହେବ । ନୀରଜଙ୍କ ଓହରିଯିବା ପରେ ଆୟୋଜକ କମିଟି ୟୁରୋପିଆନ ଚାମ୍ପିଅନ୍ ଜୁଲିଆନ୍ ୱେବରଙ୍କୁ ସାମିଲ କରିଛି ।