ନୂଆଦିଲ୍ଲୀ: ଟି-୨୦ ବିଶ୍ବକପରେ ଜୁନ୍ ୯ରେ ପାକିସ୍ତାନକୁ ଭେଟିଭ ଭାରତୀୟ କ୍ରିକେଟ ଟିମ୍ । ନ୍ୟୁୟର୍କରେ ହେବାକୁ ଥିବା ମ୍ୟାଚ୍କୁ ନେଇ ଏବେ ଠାରୁ ବିବାଦ ମୁଣ୍ଡ ଟେକିଛି । ଭାରତ ବନାମ ପାକିସ୍ତାନ ମ୍ୟାଚ୍ ଲାଗି ଟିକେଟ ପ୍ରାୟ ୧୬ ଲକ୍ଷ ଟଙ୍କାରେ ବିକ୍ରି ହେଉଥିବା କୁହାଯାଉଛି । ଏହାକୁ ନେଇ ଇଣ୍ଡିଆନ ପ୍ରମିୟର ଲିଗ୍ (ଆଇପିଏଲ) ସଂସ୍ଥାପକ ଲଳିତ ମୋଦୀ ଅସନ୍ତୋଷ ପ୍ରକାଶ କରିଛନ୍ତି । ଟିକେଟ୍ ଦାମକୁ ନେଇ ଏକ୍ସରେ ପୋଷ୍ଟ କରିଛନ୍ତି ଲଳିତ ମୋଦୀ । ଏଥିରେ ସେ ଆଇସିସି ଉପରେ ବର୍ଷିଛନ୍ତି ।
ଏକ୍ସ ପୋଷ୍ଟରେ କେତେକ ସ୍କ୍ରିନ୍ସଟ୍ ଶେୟାର କରି ଲଳିତ ମୋଦୀ ଲେଖିଛନ୍ତି, ଭାରତ ପାକିସ୍ତାନ ମ୍ୟାଚ୍ ଲାଗି ଆଇସିସି ଟିକେଟ୍ ପିଛା ୨୦ ହଜାର ଡଲାର ନେଉଛି ବୋଲି ଜାଣିବା ପରେ ଆଶ୍ଚର୍ଯ୍ୟ ଲାଗୁଛି । ବିଶ୍ବକପର ଆୟୋଜନ ଆମେରିକାରେ ହେବାର କାରଣ ହେଉଛି କ୍ରିକେଟ ଆହୁରି ଆଗକୁ ବଢ଼ିବ ଏବଂ ଅଧିରୁ ଅଧିକ ପ୍ରଶଂସକ ମ୍ୟାଚ୍ ଦେଖିବାକୁ ଆସିବେ । କିନ୍ତୁ ଅଧିକ ଟଙ୍କା କମାଇବା ପାଇଁ ଏହି ଆୟୋଜନ ହୋଇନାହିଁ ।
Shocked to learn that @ICC is selling tickets for Diamond Club at $20000 per seat for the #indvspak WC game. The WC in the US is for game expansion & fan engagement, not a means to make profits on gate collections. $2750 for a ticket It’s just #notcricket #intlcouncilofcrooks pic.twitter.com/lSuDrxHGaO
— Lalit Kumar Modi (@LalitKModi) May 22, 2024
ଅନ୍ୟପଟେ ଆଇସିସି ଓ୍ବେବସାଇଟରେ ସବୁଠାରୁ ଶସ୍ତା ଟିକେଟ୍ ଦାମ ୩୦୦ ଡଲାର ରହିଛି । ଭାରତ ବନାମ ପାକିସ୍ତାନ ମ୍ୟାଚ୍ ଲାଗି ସର୍ବନିମ୍ନ ଟିକେଟ ମୂଲ୍ୟ ୩୦୦ ଡଲାର ଅର୍ଥାତ ୨୫ ହଜାର ଟଙ୍କା ରଖାଯାଇଛି । ସେହଭିଳି ସବୁଠୁ ମହଙ୍ଗା ଟିକେଟର ଦାମ ୧୦ ହଜାର ଡଲାର ଥିବା ଦେଖିବାକୁ ମିଳିଛି । ଏହା ଡାଇମଣ୍ଡ କ୍ଲବ୍ ଟିକେଟ ହୋଇପାରେ । ଯଦି ଭାରତୀୟ ମୁଦ୍ରା ହିସାବରେ ଦେଖାଯାଏ ତେବେ ଏହି ଟିକେଟ୍ର ମୂଲ୍ୟ ୮ ଲକ୍ଷ ଟଙ୍କାରୁ ଅଧିକ ହେବ । କିନ୍ତୁ ଆଇସିସି ଓ୍ବେବସାଇଟ୍ରେ ୨୦ ହଜାର ଡଲାର ଟିକେଟ୍ ସଂପର୍କରେ କୌଣସି ସୂଚନା ନାହିଁ ।
