ନୂଆଦିଲ୍ଲୀ : ବିଶ୍ୱର ସବୁଠୁ ଶକ୍ତିଶାଳୀ ବାୟୁସେନା ଗୁଡ଼ିକ ୟୁଏଇପ ଅଲ୍ ଧଫରା ଏୟାରବେସ୍ରେ ଏକତ୍ରିତ ହୋଇଛନ୍ତି। ଏହିଥର ଭାରତର ବାୟୁସେନା ମଧ୍ୟ ପୂରା ପାୱାରରେ। ଡେଜର୍ଟ ଫ୍ଲେଗ୍-୧୦ ନାମକ ଏହି ବହୁପକ୍ଷୀୟ ଯୁଦ୍ଧାଭ୍ୟାସରେ ଭାରତୀୟ ବାୟୁସେନା ନିଜର ଦୁଇ ଘାତକ ଲଢୁଆ ବିମାନ- ଜାଗୁଆର ଓ ମିଗ୍-୨୯କୁ ମୁତୟନ କରିଛି। ଦୁଇ ବିମାନ ୨୧ ଅପ୍ରେଲରୁ ୮ ମଇ ଯାଏ ଚାଲୁଥିବା ଯୁଦ୍ଧାଭ୍ୟାସରେ ନିଜର ପରାକ୍ରମର ପ୍ରଦର୍ଶନ କରିବେ।
ଏହି ହାଇ-ପ୍ରୋଫାଇଲ ଅଭ୍ୟାସରେ ଭାରତ ସହ ଆମେରିକା , ଫ୍ରାନ୍ସ , ବ୍ରିଟେନ , ଜର୍ମାନୀ , ଅଷ୍ଟ୍ରେଲିଆ , ସାଉଦୀ ଆରବ , ତୁର୍କୀ, କତାର, କୋରିଆ ଓ ପ୍ରାୟୋଜକ ୟୁଏଇ ସହ ୧୨ଟି ଦେଶର ବାୟୁସେନା ଅଂଶଗ୍ରହଣ କରୁଛନ୍ତି। ଏହି ଦେଶ ଗୁଡ଼ିକର ସେନା କେବଳ ପରସ୍ପର ସହ ଉନ୍ନତ ଏୟାର ଯୁଦ୍ଧ ଟେକନିକ୍କୁ ସେୟାର କରିବେନି, ଏହାସହ ଅପରେସନାଲ କୋଅର୍ଡିନେସନ ଓ ରଣନୀତିକ ବୁଝାମଣାକୁ ମଧ୍ୟ ମଜବୁତ୍ କରୁଛନ୍ତି।
ଭାରତୀୟ ବାୟୁସେନାର ଏହି ଉପସ୍ଥିତି କେବଳ ସେନା ଅଭ୍ୟାସ ନୁହେଁ , ବରଂ ଏକ ରଣନୀତିକ ବାର୍ତ୍ତା ଦେଉଛି। ଭାରତ ଏବେ କେବଳ ଏକ ଆଞ୍ଚଳିକ ଶକ୍ତି ନୁହେଁ , ବରଂ ଏକ ବିଶ୍ୱ ସୁରକ୍ଷା ପାର୍ଟନର ହୋଇ ସାରିଛି। ମିଗ-୨୯ର ଗତି ଓ ଜାଗୁଆରର ଆକ୍ରମଣାତ୍ମକ କ୍ଷମତା , ଦୁହେଁ ମିଶି ଏହା ଦେଖାଇବେ କି ଭାରତୀୟ ବାୟୁସେନା କାହାର ବି ଚ୍ୟାଲେଞ୍ଜକୁ ମୁକାବିଲା କରିବାରେ ସକ୍ଷମ।
ପ୍ରତିରକ୍ଷା ମନ୍ତ୍ରଣାଳୟ ମଧ୍ୟ ସ୍ପଷ୍ଟ କହିଛି କି ଭାରତର ଏହି ଅଂଶଗ୍ରହଣ କେବଳ ଅପରେସନାଲ ପ୍ରସ୍ତୁତିକୁ ସୁଦୃଢ କରୁ ନାହିଁ ବରଂ ପଶ୍ଚିମ ଏସିଆରେ ଗଭୀର ପ୍ରତିରକ୍ଷା ସମ୍ୱନ୍ଧକୁ ଆହୁରି ଗଭୀର କରିବାର ଏକ ଉଦାହରଣ ମଧ୍ୟ ସୃଷ୍ଟି କରୁଛି।
