ନୂଆଦିଲ୍ଲୀ : ଆଜି ଭାରତ –ଦକ୍ଷିଣ ଆଫ୍ରିକା ମଧ୍ୟରେ ୨ୟ ଟି-୨୦ ଖେଳା ଯାଉଛି। ଉଭୟ ଟିମ୍ ଗକେବରହାର ସେଣ୍ଟ ଜର୍ଜ ପାର୍କରେ ସାମ୍ନା ସାମ୍ନି ହୋଇଛନ୍ତି। ପ୍ରଥମେ ବ୍ୟାଟିଂ କରି ଦକ୍ଷିଣ ଆଫ୍ରକାକୁ ୧୨୫ରନ୍ର ବିଜୟ ଲକ୍ଷ୍ୟ ଦେଇଛି। ଭାରତ ନିର୍ଦ୍ଧାରିତ ୨୦ ଓଭରରେ ୬ ୱିକେଟ୍ ହରାଇ ୧୨୪ ରନ୍ କରିଛି। ୬ଷ୍ଠ ନମ୍ୱରରେ ଆସିଥିବା ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ସବୁଠୁ ଅଧିକ ରନ୍ କରିଛନ୍ତି। ସେ ୪୫ ଟି ବଲ୍ରେ ୪ଟି ଚୌକା ଓ ଗୋଟିଏ ଛକା ଦ୍ୱାରା ଅପରାଜେୟ ୩୯ ରନ୍ର ଏକ ଇଂନିସ ଖେଳିଛନ୍ତି।
ଟସ୍ ହାରିବା ପରେ ପ୍ରଥମେ ବ୍ୟାଟିଂ କରିବାକୁ ଆସିଥିବା ଭାରତୀୟ ଟିମର ପ୍ରାରମ୍ଭିକ ଖରାପ ଥିଲା। ସଞ୍ଜୁ ସାସମନ ପ୍ରଥମ ଓଭରରେ ହିଁ ଶୂନ୍ୟରେ ବୋଲ୍ଡ ହୋଇଥିଲେ। ସେ ପ୍ରଥମ ଟି-୨୦ ମ୍ୟାଚ୍ରେ ସେଞ୍ଚୁରୀ ମାରି ଥିଲେ। ଅଭିଷେକ ଶର୍ମା (୪) ଓ ଅଧିନାୟକ ସୂର୍ଯ୍ୟକୁମାର ଯାଦବ (୪)ଙ୍କର ବ୍ୟାଟ୍ ଚାଲି ପାରି ନଥିଲା।
ତିଳକ ବର୍ମା ( ୨୦ ଟି ବଲରେ ୨୭) ଓ ଅକ୍ଷର ପଟେଲ୍ (୨୧ବଲରେ ୩୧) ୪ର୍ଥ ୱିକେଟ୍ ପାଇଁ ୩୦ ରନ୍ର ପାର୍ଟନରସିପ୍ କରିଥିଲେ। ତିଳକ ୮ମ ଓଭରରେ ପାଭେଲିୟନ ଫେରିଥିଲେ। ଅକ୍ଷର ୧୨ତମ ଓଭରରେ ରନ୍ ଆଉଟ୍ ହୋଇଥିଲେ। ଭାରତ ୫ମ ୱିକେଟ୍ ୭୦ ରନ୍ରେ ହରାଇଥିଲା। ରିଙ୍କୁ ସିଂହ (୧୧ ବଲରେ ୯) ମଧ୍ୟ ଧମାକା କରି ପାରି ନଥିଲେ। ଭାରତୀୟ ଟିମ୍ ଭୁଶୁଡ଼ି ଯିବା ପରେ ହାର୍ଦ୍ଦିକ ମଙ୍ଗ ସମ୍ଭାଳି ଥିଲେ ଏବଂ ଟିମ୍ର ସମ୍ମାନ ରଖିଥିଲେ। ସେ ଅର୍ଶଦୀର ସିଂହ ( ୬ବଲରେ ଅପରାଜେୟ)ଙ୍କ ସହ ୬ଷ୍ଠ ୱିକେଟ୍ ପାଇଁ ୩୭ ରନ୍ର ପାର୍ଟନରସିପ୍ କରି ଟିମ୍କୁ ସମ୍ମାନଜନକ ସ୍କୋରରେ ପହଞ୍ଚାଇ ଥିଲେ। ଆୟୋଜକ ଦକ୍ଷିଣ ଆଫ୍ରିକା ପାଇଁ ମାର୍କୋ ଜାନସେନ ସ ଏଣ୍ଡିଲେ ସିମଲେନ , ଗେରାଲ୍ଡ କୋଏତଜି ,ନକାବାୟୋମଜି ପିଟର ଅଧିନାୟକ ଏଡେନ ମାର୍କରାମ ୧-୧ ୱିକେଟ୍ ନେଇଛନ୍ତି।
