ନୂଆଦିଲ୍ଲୀ,୦୧/୦୧: ଇଣ୍ଟରନ୍ୟାସନାଲ କ୍ରିକେଟ କାଉନସିଲ (ଆଇସିସି) ସଦ୍ୟ ରାଙ୍କିକ ଜାରି କରିଛି । ଏଥରେ ଭାରତୀୟ ଦ୍ରୁତ ବୋଲର ଯଶପ୍ରୀତ ବୁମରା ଧମାଲ କରିଛନ୍ତି । ବର୍ଷ ଆରମ୍ଭରୁ ଇତିହାସ ରଚିଛନ୍ତି ବୁମରା । ଆଇସିସି ଟେଷ୍ଟ ବୋଲିଂ ରାଙ୍କିକରେ ନମ୍ବର ୱାନ ସ୍ତାନ କବଜା କରିଛନ୍ତି । ରାଙ୍କିଙ୍କ ପଏଣ୍ଟ ୯୦୭ ହୋଇଛି ।
ବୁମରା ଏହି ପଏଣ୍ଟ ହାସିଲ କରିବାରେ ପ୍ରଥମ ଭାରତୀୟ ବୋଲର ହୋଇଛନ୍ତି । ଏହା ସହିତ ପୂର୍ବ ସ୍ପିନର ରବିଚନ୍ଦ୍ରନ ଅଶ୍ବିନୀଙ୍କ ରେକର୍ଡ ଭାଙ୍ଗିଛନ୍ତି । ଏହାପୂର୍ବରୁ ୨୦୧୬ରେ ୯୦୪ ପଏଣ୍ଟ ହାସଲ କରିଥିଲେ ଅଶ୍ବିନୀ । ବୁମରା ଅଷ୍ଟ୍ରେଲିଆ ବିପକ୍ଷରେ ଧମଦାର ବୋଲିଂ କରିଥିଲେ । ଯାହାର ଫାଇଦା ଆଇସିସି ରାଙ୍କିଙ୍କ ହାସଲ କରିବାରେ ସହାୟକ ହୋଇଛି ।
ବୁମରା ୯୦୭ ପଏଣ୍ଟ ସହ ଇଂଲଣ୍ଡର ସ୍ପିନର ଡେରେକ ଅଡରବୁଡଙ୍କ ସହ ୧୭ତମ ସ୍ଥାନରେ ରହିଛନ୍ତି । ଏହି ତାଲିକାରେ ଇଂଲଣ୍ଡର ଦ୍ରୁତ ବୋଲର ସିଜନୀ ବାର୍ନ ୯୩୨ ପଏଣ୍ଟ, ଜର୍ଜ ଲୋହମେନ ୯୩୧ ପଏଣ୍ଚ ସହ ଶୀର୍ଷରେ ରହିଛନ୍ତି । ଇମରାନ ଖାନ ୯୨୨ ଏବଂ ମୁଥେୟା ମୁରଲୀଧନନ ୯୨୦ ପଏଣ୍ଟ ସହ ତୃତୀୟ ସ୍ଥାନରେ ରହିଛନ୍ତି । ବର୍ଡର ଗାଭାସ୍କର ଟ୍ରଫିରେ ବୁମରା ଟପ୍ ୱିକେଟ ଟେକର ହୋଇଛନ୍ତି । ୪ଟି ମ୍ୟାଚରେ ସେ ୮ଟି ପାଳିରେ ମୋଟ ୩୦ଟି ୱିକେଟ ନେଇଛନ୍ତି ।
