ନୂଆଦିଲ୍ଲୀ,୭।୪: ପଶ୍ଚିମବଙ୍ଗ ଶିକ୍ଷକ ନିଯୁକ୍ତି ଦୁର୍ନୀତି ଉପରେ ସୁପ୍ରିମକୋର୍ଟଙ୍କ ରାୟ ଉପରେ ଦୁଃଖ ପ୍ରକାଶ କରିଛନ୍ତି ମମତା ବାନାର୍ଜୀ। ସୁପ୍ରିମକୋର୍ଟ ଗୁରୁବାର ରାଜ୍ୟର ୨୫,୭୫୩ ଜଣ ଶିକ୍ଷକ ଏବଂ କର୍ମଚାରୀଙ୍କ ନିଯୁକ୍ତିକୁ ରଦ୍ଦ କରିଥିଲେ। ଏହା ସହିତ, ସୁପ୍ରିମକୋର୍ଟ ସେହି ପ୍ରାର୍ଥୀମାନଙ୍କର ଦରମା ଫେରାଇବାକୁ ମଧ୍ୟ କହିଥିଲେ ଯେଉଁମାନଙ୍କର ନିଯୁକ୍ତିକୁ ଜାଲିଆତି ବୋଲି ବିବେଚନା କରାଯାଇଥିଲା। ସୁପ୍ରିମକୋର୍ଟଙ୍କ ଏହି ନିର୍ଦ୍ଦେଶକୁ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ କଡ଼ା ସମାଲୋଚନା କରିଛନ୍ତି। ମମତା କହିଛନ୍ତି, 'ଯେ ପର୍ଯ୍ୟନ୍ତ ମୁଁ ବଞ୍ଚିଛି, କୌଣସି ଯୋଗ୍ୟ ଶିକ୍ଷକ ତାଙ୍କ ଚାକିରି ହରାଇବେ ନାହିଁ।' 

ଦୁର୍ନୀତି ଅଭିଯୋଗ ଯୋଗୁଁ ଯେଉଁ ଶିକ୍ଷକମାନଙ୍କର ନିଯୁକ୍ତି ବାତିଲ କରାଯାଇଛି ସେମାନଙ୍କ ସପକ୍ଷରେ ମମତା ଏଭଳି ମନ୍ତବ୍ୟ ଦେଇଛନ୍ତି। ସେ ଯେକୌଣସି ମୂଲ୍ୟରେ ଯୋଗ୍ୟ ଶିକ୍ଷକଙ୍କ ଚାକିରି ବଞ୍ଚାଇବାକୁ ପ୍ରତିଶ୍ରୁତିବଦ୍ଧ। ଚିନ୍ତା ପ୍ରକାଶ କରି ମମତା କହିଛନ୍ତି, 'ସୁପ୍ରିମ କୋର୍ଟଙ୍କ ଏହି ନିଷ୍ପତ୍ତିରେ ମୁଁ ଖୁବ୍  ଦୁଃଖିତ।' ମୁଁ ଜାଣିଛି ଯେ ଯଦି ମୁଁ ଏ ବିଷୟରେ କହିବି, ତେବେ ମୁଁ ଜେଲ୍ ମଧ୍ୟ ଯାଇପାରେ, କିନ୍ତୁ ମୁଁ ତଥାପି କହିବି। ଯଦି କେହି ମୋତେ ଚ୍ୟାଲେଞ୍ଜ କରନ୍ତି, ମୁଁ କିପରି ଜବାବ ଦେବି ତାହା ଜାଣେ।' ସେ ଏହା ମଧ୍ୟ ସ୍ପଷ୍ଟ କରିଥିଲେ ଯେ ତାଙ୍କର ଦୃଢ଼ ସଂକଳ୍ପ ହେଉଛି  ଯେକୌଣସି ମୂଲ୍ୟରେ ଯୋଗ୍ୟ ଶିକ୍ଷକମାନଙ୍କୁ ସେମାନଙ୍କର ଅଧିକାର ପାଇବେ ଏବଂ କାହାକୁ ସେମାନଙ୍କ ଚାକିରି ଛଡ଼ାଇ ନେବାକୁ ଦେବେ ନାହିଁ।

ମମତା ପ୍ରଶ୍ନ କହିଛନ୍ତି, ସୁପ୍ରିମକୋର୍ଟ ସ୍ପଷ୍ଟ କରିବା ଉଚିତ ଯେ କିଏ ଯୋଗ୍ୟ ଏବଂ କିଏ ନୁହେଁ। ‘ଆମକୁ ଏକ ତାଲିକା ଦିଅ।' ଶିକ୍ଷା ବ୍ୟବସ୍ଥାକୁ ନଷ୍ଟ କରିବାର ଅଧିକାର କାହାର ନାହିଁ।’ ମମତା ଏକ ଉଦାହରଣ ଦେଇ କହିଥିଲେ ଯେ NEET ପରୀକ୍ଷାରେ ମଧ୍ୟ ଅନେକ ଅଭିଯୋଗ ଆସିଥିଲା, କିନ୍ତୁ ସୁପ୍ରିମକୋର୍ଟ ଏହାକୁ ବାତିଲ କରିନଥିଲେ। ସେ ଏହା ମଧ୍ୟ ପଚାରିଥିଲେ, 'ବଙ୍ଗଳାକୁ କାହିଁକି ଟାର୍ଗେଟ କରାଯାଉଛି? ଲୋକମାନେ କ'ଣ ବଙ୍ଗଳାର ପ୍ରତିଭାକୁ ଭୟ କରୁଛନ୍ତି?'

ମମତାଙ୍କ ଏହି ମନ୍ତବ୍ୟ ରାଜ୍ୟର ଶିକ୍ଷକମାନଙ୍କ ପାଇଁ ଏକ ଦୃଢ଼ ବାର୍ତ୍ତା। ମୁଖ୍ୟମନ୍ତ୍ରୀ ତାଙ୍କର ପ୍ରତିବଦ୍ଧତା ପ୍ରକାଶ କରି କହିଛନ୍ତି,ସେ ଶିକ୍ଷା କ୍ଷେତ୍ରରେ ସଂସ୍କାର ଆଣିବା ପାଇଁ ସମ୍ପୂର୍ଣ୍ଣ ପ୍ରସ୍ତୁତ।   ଯେକୌଣସି ପରିସ୍ଥିତିରେ ଯୋଗ୍ୟ ଶିକ୍ଷକଙ୍କ ଅଧିକାରକୁ ସୁରକ୍ଷା ଦେବେ। ସେ ରାଜ୍ୟର ଶିକ୍ଷକମାନଙ୍କ ଅଧିକାର ପାଇଁ ଏକତ୍ରିତ ହେବାକୁ ନିବେଦନ କରିଛନ୍ତି ଏବଂ ସ୍ପଷ୍ଟ କରିଛନ୍ତି ଯେ ତାଙ୍କର ସଂଘର୍ଷ କେବଳ ଗୋଟିଏ ରାଜ୍ୟ ପାଇଁ ନୁହେଁ ବରଂ ସମଗ୍ର ଶିକ୍ଷା ବ୍ୟବସ୍ଥାର ସୁରକ୍ଷା ପାଇଁ ରହିଛି।