ଆଜି ବିଶ୍ୱ ସଂଗୀତ ଦିବସ । ବର୍ତ୍ତମାନର ଏହି ବିସାଦଗ୍ରସ୍ତ ଜୀବନରେ ଅନେକଙ୍କ ପାଇଁ ସଂଗୀତ ଖୁସି ଏବଂ ମନୋରଞ୍ଜନର ଏକ ପ୍ରମୁଖ ମାଧ୍ୟମ ପାଲଟିଛି। କର୍ମମୟ ଦିନର ଶେଷରେ ମନଲାଖି ସଂଗୀତଟିଏ ଶୁଣିଦେଲେ ସବୁ ଥକାପଣ,ଦୁଃଖକଷ୍ଟ ଦୂରେଇଯାଏ। କେବଳ ସେତିକି ନୁହେଁ, ଏହି ସଂଗୀତରେ ଲୁଚି ରହିଛି ଅନେକଙ୍କ ମନକଥା। ପିଲାବେଳୁ ଆମେ ସମସ୍ତେ ସଂଗୀତର ତାଳେତାଳେ ନିଜ ଜୀବନର ପାହାଚ ଚଢି ଆସୁଛେ। ଏହି ସଂଗୀତ ଅନେକଙ୍କୁ ନୂଆ ଜୀବନ ମଧ୍ୟ ଦେଇଛି। ବର୍ତ୍ତମାନ ଆମ ହାତ ପାହାନ୍ତାରେ ସେମସ୍ତ ପ୍ରକାରର ସୁବିଧା ସୁଯୋଗ ଥାଇମଧ୍ୟ ମନପସନ୍ଦର ଗୀତଟିଏ ହିଁ ମୁହଁରେ ଖୁସି ଆଣିଦେଇଥାଏ। ସଂଗୀତ ଦିବସ ‘ଫେଷ୍ଟ ଡେ ଲା ମ୍ୟୁଜିକ’ ନାମରେ ମଧ୍ୟ ପ୍ରଚଳିତ। ସଂଗୀତ ଏବଂ ଏହାର ସାର୍ବଭୌମିକ ଭାଷାକୁ ଆଗକୁ ନେବା ପାଇଁ ପ୍ରତ୍ୟେକ ବର୍ଷ ଜୁନ୍ ୨୧ ତାରିଖରେ ବିଶ୍ୱ ସଂଗୀତ ଦିବସ ପାଳନ କରାଯାଇଥାଏ। ଏହିଦିନ ସମସ୍ତେ ନିଜ ଆଖପାଖରେ ଥିବା ପାର୍କ ବା କୌଣସି ସାର୍ବଜାନିକ ସ୍ଥାନରେ ସଂଗୀତ ଲଗାଇ ଉପଭୋଗ କରିଥାନ୍ତି। ଆମର ସଂଗୀତକୁ ଆଗକୁ ନେବା ଏବଂ ସଂଗୀତକାର ମାନଙ୍କୁ ପ୍ରୋତ୍ସାହନ କରିବା ହିଁ ଏହି ଖାସ୍ ଦିନର ମୁଖ୍ୟ ଉଦ୍ଦେଶ୍ୟ।
ବିଶ୍ୱ ସଂଗୀତ ଦିବସର ଇତିହାସ:- ବିଶ୍ୱ ସଂଗୀତ ଦିବସର ଉତ୍ପତ୍ତି ୧୯୮୨ ମସିହାରେ ଫ୍ରାନ୍ସରେ ହୋଇଛି । ଏହାର ଇତିହାସ ଏବଂ ପୃଷ୍ଠଭୁମି ବହୁତ ସମୃଦ୍ଧ ରହିଛି । ସେହି ସମୟର ଫ୍ରାନ୍ସର ସଂସ୍କୃତି ମନ୍ତ୍ରୀ ଜୈକ୍ ଲୈଂଗ୍, ସଂଗୀତକାର ମୌରିସ୍ ଫ୍ଲେରେଟ୍ ଏବଂ ଜଣେ ସଂଗୀତ ପତ୍ରକାର ତଥା ରେଡିଓ ନିର୍ମାତା ମିଶି ସଂଗୀତକୁ ଗୋଟିଏ ଦିନ ସମର୍ପଣ କରିବାକୁ ବିଚାର କରିଥିଲେ। ଜୁନ୍ ୨୧ ତାରିଖରେ ଗ୍ରୀଷ୍ମ ସଂସ୍କୃତି ଦିନ, ଗାୟକ ଏବଂ ସଂଗୀତକାର ସଂଗୀତର ପରିବର୍ତ୍ତନକାରୀ ଶକ୍ତିକୁ ସମ୍ମାନ କରିବା ପାଇଁ ସାର୍ବଜନୀକ ସ୍ଥାନରେ ଏକତ୍ରିତ ହେଲେ। ଏହି ଦିନରେ ସଂଗୀତର ବିବିଧତାକୁ ପ୍ରୋତ୍ସାହନ କରି ସମସ୍ତଙ୍କର ସଂଗୀତ ପ୍ରତି ଥିବା ଭାବନାକୁ ଜାଗୃତ କରାଇଲେ।
ପ୍ୟାରିସ୍ ୧୯୮୨ ମସିହା ଜୁନ୍ ୨୧ ତାରିଖରେ ପ୍ରଥମ ବିଶ୍ୱ ସଂଗୀତ ଦିବସ ପାଳନ କରିଥିଲା। ଏହି ଅବସରରେ ଏକ ହଜାରରୁ ଅଧିକ ସଂଗୀତକାର ପାର୍କ ଏବଂ ସଡକରେ ସଂଗୀତର ପ୍ରଦର୍ଶନ କରିଥିଲେ । ଏହି ଉତ୍ସବ ଏକ ବଡ ସଫଳତା ଥିଲା। ସେବେଠାରୁ ସାରା ବିଶ୍ୱରେ ଏହି ଦିନଟିକୁ ଖୁବ୍ ଧୁମଧାମ ପାଳନ କରିଆସୁଛି। ସଗୀତ ଏକ ନୈତିକ ନିୟମ ଏଟେ । ଏହା ବ୍ରହ୍ମାଣ୍ଡକୁ ଆତ୍ମା ଦେଇଥାଏ, ମନକୁ ଡେଣା ଏବଂ କଳ୍ପନାକୁ ଉଡିବାକୁ ଦେଇଥାଏ। ଜୀବନରେ ବଞ୍ଚିବାର କାରଣ ଦେଇ ଏହାକୁ ଉଲ୍ଲାସରେ ଭରିଦେଇଥାଏ। ଏହା ମାନବଜାତିର ସାର୍ବଭୋମିକ ଭାଷା ମଧ୍ୟ ଏଟେ।