ନୂଆଦିଲ୍ଲୀ : ଏନସିପି ( ଶରଦ ପାୱାର) ନେତା ଜିତେନ୍ଦ୍ର ଆହ୍ୱାଡଙ୍କର ପତ୍ନୀ ସ୍କୁଲରେ ଏକ କାର୍ଯ୍ୟକ୍ରମ ବେଳେ , ନିଜ ଭାଷଣରେ ଓସାମା ବିନ୍ ଲାଡେନ ସହ ପୂର୍ବତନ ରାଷ୍ଟ୍ରପତି ତଥା ମିସାଇଲ ମ୍ୟାନ ଏପିଜେ ଅବଦୁଲ କଲାମଙ୍କୁ କରିଥିଲେ ତୁଳନା। ଏହାପରେ ତାଙ୍କର ବୟାନକୁ ନେଇ ଖୁବ୍ ବିରୋଧ ହୋଇଥିଲା। ଏବେ ରୁତା ଆହ୍ୱାଡ ନିଜ ବୟାନରେ ସଫେଇ ଦେଇଛନ୍ତି।
ଓସାମା ବିନ ଲାଡେନକୁ ନେଇ ନିଜ ବୟାନରେ ଏନସିପି-ଏସସିପି ନେତା ଜିତେନ୍ଦ୍ର ଆହ୍ୱାଡଙ୍କର ପତ୍ନୀ ରୁତା ଆହ୍ୱାଡା କହିଛନ୍ତି , ତାଙ୍କ ବୟାନକୁ ଏଡିଟ୍ କରାଯାଇଛି , ଯାହା ବିଷୟରେ ସେ କିଛି ଜାଣି ନାହାନ୍ତି। ନ୍ୟୁଜ୍ ଏଜେନ୍ସି ଏଏନଆଇ ମୁତାବିକ, ରୁତା ଆହ୍ୱାଡ କହିଛନ୍ତି , ଆଜିର ପିଢି ପଢୁ ନାହିଁ , ଏଥିପାଇଁ ମୁଁ ତାଙ୍କୁ କହିଲି କି, ସେମାନେ ନିଜର ମୋବାଇଲ ଫୋନ୍ ଛାଡ଼ି ବହି ପଢିବାରେ ମନ ଲଗାନ୍ତୁ। ମୁଁ ପିଲାଙ୍କୁ କହିଲି କି, ସେମାନେ ଡଃ ଏପିଡେ ଅବଦୁଲ କଲାମଙ୍କ ୱିଙ୍ଗସ ଅଫ୍ ଫାୟାର ପଢନ୍ତୁ , ତାଙ୍କର ଯାତ୍ରା ଖୁବ୍ ଅଦ୍ଭୁତ।
ମୁଁ ତାଙ୍କୁ ଏହା ବି କହିଛି କି ଜୀବନର ଆଉ ଏକ ରହସ୍ୟ ମଧ୍ୟ ରହିଛି, ଯେପରି ଓସାମା ବିନ୍ ଲାଡେନ୍ ଆତଙ୍କବାଦୀ ହୋଇଗଲେ। କେହି ବି ବ୍ୟକ୍ତି ଜନ୍ମରୁ ଭଲ ବା ଖରାପ ହୋଇ ନଥାଏ, କିନ୍ତୁ ସେ ବହୁତ ଖରାପ ହୋଇଗଲେ। ଓସାମାଙ୍କ ଉପରେ ଏକ ପୁସ୍ତକ ଅଛି , ଯାହା ତାଙ୍କର ହତ୍ୟା ପରେ ମାସ ମାସ ଯାଏ ନ୍ୟୁୟର୍କରେ ବେଷ୍ଟସେଲର ହୋଇଥିଲା। ଏଥିପାଇଁ ଏହା ପଢିବାକୁ ଆଗ୍ରହ ହେବ କି, କାହାର ଜୀବନରେ ଏମିତି କଣ ହୋଇଥାଏ , ଯାହା ତାକୁ ଭଲ ବା ଖରାପ କରିଦିଏ। ମୋର ଏକ ବୟାନକୁ ସଂପାଦିତ କରାଯାଇଛି। ମୋତେ ଜଣା ନାହିଁ କି, ସେ କଣ ।
ଠାଣେରେ ଗୁରୁବାର ଏକ ସାର୍ବଜନିକ କାର୍ଯ୍ୟକ୍ରମରେ ପିଲାଙ୍କୁ ସମ୍ୱୋଧିତ କରିବା ବେଳେ ରୁତା ଆହ୍ୱାଡ କହିଥିଲେ , ଆପଣଙ୍କୁ ଓସାମା ବିନ ଲାଡେନର ଜୀବନୀ ପଢିବା ଉଚିତ୍। ଏପିଜେ ଅବଦୁଲ କଲାମ ଯେଉଁ ଭଳି ରାଷ୍ଟ୍ରପତି ହେଲେ , ସେହିପରି ଓସାମା ବିନ୍ ଲାଡେନ ଆତଙ୍କବାଦୀ ହୋଇଥିଲେ। କିନ୍ତୁ ସେ ଆତଙ୍କବାଦୀ କାହିଁକି ହେଲେ ? ଏହି ସମାଜ ହିଁ ଥିଲା ଯିଏକି ତାଙ୍କୁ ଏମିତି ଗଢିବାକୁ ବାଧ୍ୟ କଲା। ସେ ଜନ୍ମରୁ ଆତଙ୍କୀ ନଥିଲେ। ସେ ଫ୍ରଷ୍ଟେସନରେ ଆତଙ୍କବାଦୀ ହେଲେ। ଏହାପରେ ତାଙ୍କର ଭାଷଣା ସୋସିଆଲ ମିଡ଼ିଆରେ ଭାଇରାଲ ହେଉଛି ,ଯାହାକୁ ନେଇ ଖୁବ୍ ରିଆକ୍ସନ ଆସୁଛି।
ସୋସିଆଲ ମିଡ଼ିଆରେ ଭାଇରାଲ ଭିଡ଼ିଓରେ ଆହ୍ୱାଡଙ୍କୁ ଏହା କହୁଥିବାର ଶୁଣିବାକୁ ମିଳିଛି , ଓସାମା ବିନ ଲାଡେନଙ୍କର ଜୀବନ ପଢନ୍ତୁ। ଯେଉଁ ଭଳି ଏପିଜେ ଅବଦୁଲ କଲାମ ସାହେବ ହୋଇ ଗଲେ , ସେହପରି ଓସାମା ମଧ୍ୟ ଆତଙ୍କବାଦୀ ହୋଇଗଲେ। କିନ୍ତୁ ସେ ଆତଙ୍କବାଦୀ କାହିଁକି ହେଲେ ? ସମାଜ ତାଙ୍କୁ ଆତଙ୍କବାଦୀ କରି ଦେଲା। ସେ ହତାଶାରେ ଆତଙ୍କବାଦୀ ହୋଇଗଲେ।
