ନୂଆଦିଲ୍ଲୀ: ଇସ୍ରାଏଲ ଏବଂ ଆମେରିକାର କଡ଼ା ଧମକ ପରେ, ହମାସର ସ୍ୱର କ୍ରମାଗତ ଭାବରେ ନରମ ହେବାରେ ଲାଗିଛି। ହମାସ ଏବେ ଘୋଷଣା କରିଛି ଯେ, ସେ ଶନିବାର ଦିନ ୬ ଜଣ ଇସ୍ରାଏଲୀ ବନ୍ଧକଙ୍କୁ ମୁକ୍ତ କରିବ। ଏହା ସହିତ, ଗୁରୁବାର ୪ ଜଣ ବନ୍ଧକଙ୍କ ମୃତଦେହ ମଧ୍ୟ ହସ୍ତାନ୍ତର କରିବ । ଏଥିରେ ବିବାସ ପରିବାରର ଅବଶେଷ ରହିଛି। ସୂଚନାଥାଉକି,ଶନିବାର ମୁକ୍ତ ହେବାକୁ ଥିବା ୬ ଜଣ ବନ୍ଧକ ହେଉଛନ୍ତି ଗାଜାରେ ପ୍ରଥମ ପର୍ଯ୍ୟାୟ ଅସ୍ତ୍ରବିରତି ଅଧୀନରେ ମୁକ୍ତ ହୋଇଥିବା ଶେଷ ଜୀବିତ ବନ୍ଧକ।
ଗତ ଶନିବାର ଦିନ ହମାସ ୩ ଜଣ ବନ୍ଧକଙ୍କୁ ମୁକ୍ତ କରିବ ବୋଲି ଆଶା କରାଯାଉଥିଲା। ତଥାପି, ହମାସ କାହିଁକି ଏହି ଯୋଜନା ପରିବର୍ତ୍ତନ କଲା ତାହା ସ୍ପଷ୍ଟ ହୋଇନାହିଁ। ଆପଣଙ୍କୁ କହି ରଖୁଛୁ ଯେ ହମାସ ଦ୍ୱାରା ଇସ୍ରାଏଲୀ ବନ୍ଧକଙ୍କୁ ମୁକ୍ତ କରିବା ବଦଳରେ ଇସ୍ରାଏଲ ଶହ ଶହ ପାଲେଷ୍ଟାଇନୀ ବନ୍ଦୀଙ୍କୁ ମଧ୍ୟ ମୁକ୍ତ କରୁଛି। ୧୫ ମାସର ଭୟଙ୍କର ଯୁଦ୍ଧ ପରେ ଇସ୍ରାଏଲ ଏବଂ ହମାସ ମଧ୍ୟରେ ଏକ ଯୁଦ୍ଧବିରତି ଚୁକ୍ତିନାମା ହୋଇଛି।
