ନୂଆଦିଲ୍ଲୀ : ଯୁଦ୍ଧ ବିରତି ଯୁଦ୍ଧ ମୁତାବିକ , ହମାସ ଶନିବାର ଆଉ ଦୁଇ ଇସ୍ରାଏଲୀୟ ବନ୍ଧକଙ୍କୁ ମୁକ୍ତ କରି ଦେଇଛି। ହମାସ ତଲ ଶୋହମ ଓ ଅବେରା ମେଙ୍ଗିସ୍ତୁଙ୍କୁ ରେଡ୍ କ୍ରସ୍କୁ ପ୍ରଦାନ କରିଛି। ଏବେ ରେଡ୍ କ୍ରସ୍ ଏହି ଦୁଇ ବନ୍ଧକଙ୍କୁ ଇସ୍ରାଏଲୀୟ ସେନାକୁ ପ୍ରଦାନ କରିବ। ସୂଚନା ମୁତାବିକ, ଖୁବ୍ ଶୀଘ୍ର ଆଉ ଦୁଇ ବନ୍ଧକଙ୍କୁ ମୁକ୍ତ କରାଯାଇ ପାରେ। ଶନିବାର ୬ଜଣ ବନ୍ଧକଙ୍କ ମୁକ୍ତ ହେବା କଥା କୁହାଯାଇ ଥିଲା। ଯୁଦ୍ଧବିରତିର ପ୍ରଥମ ପର୍ଯ୍ୟାୟରେ ହମାସ ୩୩ ଜଣ ବନ୍ଧକଙ୍କୁ ମୁକ୍ତ କରିବାର ପ୍ରତିଶ୍ରୁତି ଦେଇ ଥିଲା। ଏହି ୬ଜଣଙ୍କର ମୁକ୍ତ ପରେ ଏହି ସଂଖ୍ୟା ପୂରା ହୋଇଯିବ।
୭ ଅକ୍ଟୋବରରେ ହମଲା ବେଳେ ହମାସ ଇସ୍ରାଏଲରୁ ସୋହମ , ଏଲିଆ , ଉମର ଶେମ୍ ତୋଭ, ଉମର ଭେଙ୍କର୍ଟଙ୍କୁ ବନ୍ଧକ ରଖି ଥିଲା। ଶୋହମ୍ଙ୍କୁ କିବୁତଜ୍ରୁ ବନ୍ଧକ କରା ଯାଇ ଥିଲା। ତାଙ୍କ ପତ୍ନୀ ଓ ପିଲାଙ୍କୁ ନଭେମ୍ୱରରେ ହିଁ ଛାଡ଼ି ଦିଆ ଯାଇ ଥିଲା।
କହି ରଖୁଛୁ କି , ହମାସ ଯେବେ ବି ବନ୍ଧକଙ୍କୁ ଛାଡ଼ିଥାଏ ତ ତାଙ୍କୁ ହୋଷ୍ଟେଜେଜ୍ ସ୍କ୍ୱାୟରରେ ଇସ୍ରାଏଲୀୟ ସେନାକୁ ପ୍ରଦାନ କରାଯାଏ। ଏହି ସମୟରେ ବହୁ ସଂଖ୍ୟାରେ ଲୋକେ ଉପସ୍ଥିତ ରହିଥାନ୍ତି ଏବଂ ତାଙ୍କର ସ୍ୱାଗତ କରନ୍ତି।
ହମାସ ଶନିବାର ହିଁ ଇସ୍ରାଏଲୀୟ ବନ୍ଧକ ଶିରି ବିବାସଙ୍କର ମୃତଦେହ ଅନ୍ତରାଷ୍ଟ୍ରୀୟ ରେଡ୍ କ୍ରସ୍ ସମିତି (ଆଇସିଆରସି)କୁ ପ୍ରଦାନ କରିଛି। ଏହା ପୂର୍ବରୁ ଯେଉଁ ମହିଳାଙ୍କର ମୃତଦେହ ହମାସ ପଠାଇ ଥିଲା , ତାହା ବିବାସଙ୍କ ନୁହେଁ , ବରଂ ଗାଜାର କୌଣସି ମହିଳାଙ୍କର ଥିଲା।
ଏହାକୁ ନେଇ ଇସ୍ରାଏଲ କଡ଼ା ଚେତାବନୀ ଦେଇଥିଲା ଏବଂ ପ୍ରଧାନମନ୍ତ୍ରୀ ନେତନ୍ୟାହୁ ପରିଣାମ ଭୋଗିବାର ଧମକ ବି ଦେଇଥିଲେ। ହମାସ ଭୁଲ ମାନି କହିଛି କି, ଇସ୍ରାଏଲର ଏୟାର ଷ୍ଟ୍ରାଇକ୍ କାରଣରୁ ହୋଇଥିବା ଅରାଜକତା କାରଣରୁ ଶବକୁ ଚିହ୍ନଟ କରିବାରେ ଭୁଲ ହୋଇଛି।
ହମାସ କହିଛି , ଅଜାଣତରେ ଏହା ହୋଇଥିବା ଭୁଲ ଥିଲା, କାରଣ ଶିରୀଙ୍କ ଶବ ଏହି କ୍ଷେତ୍ରରେ ଇସ୍ରାଏଲୀୟ ହମଲା କାରଣରୁ ଅନ୍ୟ ଶବ ସହ ମିଳି ଥିଲା, ଯେଉଁଠି ତାହା ଥିଲା। ଅଲ୍-କସ୍ସାମ ଗୁରୁବାର ଅବଶିଷ୍ଟ ୪ଜଣ ଇସ୍ରାଏଲୀୟ ବନ୍ଧକଙ୍କୁ ସମ୍ଭବତଃ ଶିରୀ ବିବାସ, ତାଙ୍କର ଦୁଇ ପୁଅ ଏରିୟଲ ଓ କେଫିର , ଏହାସହ ଅବସରପ୍ରାପ୍ତ ସାମ୍ୱାଦିକ ଓଡେଡ୍ ଲିଫିସ୍ଟଜଙ୍କୁ ଆଇସିଆରସି ମାଧ୍ୟମରେ ଇସ୍ରାଏଲ ଫେରାଇ ଦେଇଥିଲା। ଫରେନ୍ସିକ୍ ଯାଞ୍ଚରେ ଜଣାପଡ଼ି ଥିଲା ଯେ ଶବ ଶିରୀ ବିବାସଙ୍କ ନଥିଲା।
