ନୂଆଦିଲ୍ଲୀ,୨୨/୦୨: ଭାରତରେ ନିର୍ବାଚନରେ ମତଦାନ ବୃଦ୍ଧି କରିବା ପାଇଁ ଆମେରିକାରୁ କଥିତଭାବେ ମିଳିଥିବା ୨୧ ମିଲିୟନ ଡଲାରକୁ ନେଇ ତୃତୀୟ ଥର ପାଇଁ ମୁହଁ ଖୋଲିଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ। ଟ୍ରମ୍ପ କହିଛନ୍ତି ଯେ, ୨୧ ମିଲିୟନ ଡଲାରର ଏହି ଅନୁଦାନ ଭାରତ ପାଇଁ ନୁହେଁ ବରଂ ବାଂଲାଦେଶ ପାଇଁ ଥିଲା। ଟ୍ରମ୍ପ କହିଛନ୍ତି ଯେ,'ଭାରତରେ ମତଦାନ ବଢ଼ାଇବାକୁ ନେଇ ଆମେ କାହିଁକି ଚିନ୍ତା କରିବୁ।' କହିରଖୁଛୁ ଯେ, ଡୋନାଲ୍ଟ ଟ୍ରମ୍ପ ପ୍ରଶାସନ ୟୁଏସ୍ଏଆଇଟିର ଏହି ଅର୍ଥରାଶିକୁ ରଦ୍ଦ କରିଦେଇଥିଲେ।
ଟ୍ରମ୍ପ କହିଛନ୍ତି ଯେ,'୨୧ ମିଲିୟନ ଡଲାର ଆମର ବନ୍ଧୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦେଶକୁ ମତଦାନ ବୃଦ୍ଧି ପାଇଁ ପଠାଯାଇଛି। କିନ୍ତୁ ଏଥିରେ ଆମର କ'ଣ ଅଛି, ଆମେ ମଧ୍ୟ ଆମର ମତଦାନ ତଥା ଭୋଟର ବଢ଼ାଇବାକୁ ଚାହୁଁଛୁ।' ସେ କହିଛନ୍ତି ୨୯ ମିଲିୟନ ଡଲାର ବାଂଲାଦେଶରେ ରାଜନୈତିକ ସଂସ୍କାର ପାଇଁ ଦିଆଯାଇଛି। ଯେଉଁ କମ୍ପାନୀକୁ ଏହି ଅର୍ଥରାଶୀ ଦିଆଯାଇଛି, ସେ କମ୍ପାନୀର ନାଁ ମଧ୍ୟ କେବେ ଶୁଣିନାହୁଁ। ସେଠାରେ କେବଳ ଦୁଇଜଣ ଲୋକ କାମ କରୁଥିଲେ।
ଅଧିକ ପଢ଼ନ୍ତୁ: ୟୁଏସ୍ଏଆଇଡିକୁ ନେଇ ପ୍ରତିକ୍ରିୟା ରଖିଲେ ଡୋନାଲ୍ଡ ଟ୍ରମ୍ପ
କହିରଖୁଛୁ ଯେ, ଏହି ପ୍ରସଙ୍ଗକୁ ନେଇ ଏବେ ଭାରତର ରାଜନୈତିକ ବାତାବରଣ ସରଗରମ ରହିଛି। ସେପଟେ ଡୋନାଲ୍ଡ ଟ୍ରମ୍ପ ସରକାରୀ ଖର୍ଚ୍ଚ କମ କରିବା ପାଇଁ ଏକ ନୂଆ ବିଭାଗ ଗଠନ କରିଛନ୍ତି। ଏହି ବିଭାଗର ଦାୟିତ୍ବ ଏଲନ ମସ୍କଙ୍କୁ ଦିଆଯାଇଛି। ସେପଟେ ୨୧ ମିଲିୟନ ଡଲାରକୁ ନେଇ ବିଦେଶ ମନ୍ତ୍ରାଳୟ ଆପତ୍ତି ଜାହିର କରିଛି। ବିଦେଶ ମନ୍ତ୍ରାଳୟ କହିଛି ଯେ,'ଏହିପରି ଆଭ୍ୟନ୍ତରିଣ ମାମଲାରେ ଆମେରିକାର ହସ୍ତକ୍ଷେପ ଚିନ୍ତାଜନକ ଅଟେ। ବିଦେଶ ମନ୍ତ୍ରାଳୟ ପକ୍ଷରୁ କୁହାଯାଇଛି ଯେ, ଭାରତର ଅନେକ ଏଜେନ୍ସି ୟୁଏସ୍ଏଆଇ ସହିତ କାମ କରୁଛନ୍ତି। ଏବେ ଏନେଇ ପୁଣି ଥରେ ବିଚାର କରାଯିବ।
ବିରୋଧୀଙ୍କ ସମାଲୋଚନା, ଶ୍ବେତପତ୍ର ଜାରି କରନ୍ତୁ ସରକାର...
କଂଗ୍ରେସ ଏହି ୟୁଏସ୍ଏଆଇଡି ମାମଲାରେ ସରକାରଙ୍କ ଠାରୁ 'ଶ୍ବେତପତ୍ର' ଦାଖଲ କରିବାକୁ ଶୁକ୍ରବାର ପୁଣିଥରେ ଦାବି କରିଥିଲା ଏବଂ କହିଥିଲା ଯେ, ଏହି ପ୍ରସଙ୍ଗ ଅତ୍ୟନ୍ତ ଗମ୍ଭୀର ଅଟେ। ଏଥିପାଇଁ ଏହି ପ୍ରସଙ୍ଗର ପୁ୍ଙ୍ଖାନୁପୁଙ୍ଖ ତଦନ୍ତ କରାଯାଇ ସତର ଖୁଲାସା କରାଯିବା ଆବଶ୍ୟକ। କଂଗ୍ରେସର ପଓ୍ବନ ଖେଡ଼ା କହିଛନ୍ତି ଯେ, ୟୁଏସ୍ଏଆଇକୁ ନେଇ ଯେଉଁ ଆଲୋଚନା ହେଉଚି, ତାହା ମୁଖ୍ୟ ପ୍ରସଙ୍ଗରୁ ଧ୍ୟାନ ହଟାଇବା ପାଇଁ କରାଯାଉଛି। ତେବେ ପ୍ରକୃତ ମାମଲା କ'ଣ ଏନେଇ ତଦନ୍ତ କରାଯିବା ସହିତ ସରକାର ଶ୍ବେତପତ୍ର ଜାରି କରିବା ଆବଶ୍ୟକ।.
You can also read: ଏଫ୍ବିଆଇ ମୁଖ୍ୟ ଭାବରେ ଭାରତୀୟ ବଂଶୋଦ୍ଭବଙ୍କୁ ଦିଆଗଲା ଦାୟିତ୍ବ; କାଶ ପଟେଲଙ୍କ ଉପରେ ଟ୍ରମ୍ପଙ୍କ ଭରସା ପଛର ରଣନୀତି କ'ଣ?
