ଭୁବନେଶ୍ଵର, ୨୮/୦୨ : ଚାଲିଥିଲା ଗଣିତ ପରୀକ୍ଷା। ହଠାତ୍ ସ୍କୁଲ ଭିତରକୁ ପଶି ଆସିଲେ ଶହ ଶହ ଅଭିଭାବକ। ଯିଏ ଯେଉଁପଟେ ପାରିଲା ସ୍କୁଲ ଭିତରେ ପଶଲା। କାନ୍ଥ ବାଡ଼ ଚଢି ପିଲାଙ୍କୁ କପି ଯୋଗାଇଲେ। ଗୁରୁବାର କଟକ ବଡମ୍ବା ବ୍ଲକ୍ ଖୁଣ୍ଟକଟା ନୋଡାଲ ହାଇସ୍କୁଲରେ ଗଣିତ ପରୀକ୍ଷା ଚାଲିଥିବା ବେଳେ ଦେଖିବାକୁ ମିଳିଥିଲା ଏମିତି ଦୃଶ୍ୟ। ଯାହାର ଭିଡିଓ ଏବେ ସୋସିଆଲ୍ ମିଡିଆରେ ଭାଇରାଲ୍ ହେଉଛି। ଏହି ଘଟଣା ପରେ ଖୁଣ୍ଟକଟା ଅଞ୍ଚଳର ଅଭିଭାବକମାନେ ଅସନ୍ତୋଷ ପ୍ରକାଶ କରିଛନ୍ତି।
ସୂଚନାନୁଯାୟୀ, ଗତକାଲି ଖୁଣ୍ଟକଟା ହାଇସ୍କୁଲରେ ଗଣିତ ପରୀକ୍ଷା ଚାଲିଥିବା ବେଳେ ଶହ ଶହ ଅଭିଭାବକ ସ୍କୁଲ ହତା ଭିତରକୁ ପଶି ଆସିଥିଲେ। ଯିଏ ଯେଉଁପଟେ ପାରଥିଲେ ପିଲାଙ୍କୁ କପି ଯୋଗାଇଥିଲେ। କିଏ ପାଚେରୀ ଚଢି ସ୍କାଇଲାଇଟ୍ ପଟେ କପି ଦେଉଥିଲା ତ ଆଉ କିଏ ଝରକା ବାଟେ କାଗଜରେ ଲେଖି ପିଲାଙ୍କ ଉପରକୁ ଫିଙ୍ଗିଥିଲା। ପରୀକ୍ଷା ସେଣ୍ଟରରେ ନିୟୋଜିତ ଥିବା ସମସ୍ତ ଶିକ୍ଷକ ଶିକ୍ଷୟିତ୍ରୀ ବି ସେଣ୍ଟର ଛାଡ଼ି ଚାଲି ଯାଇଥିଲେ। ଯାହାର ଭିଡିଓ ଏବେ ସୋସିଆଲ୍ ମିଡିଆରେ ଭାଇରାଲ୍ ହେଉଛି। ଏନେଇ ଖୁଣ୍ଟକଟା ହାଇସ୍କୁଲ ସୁପରିଟେଡେଣ୍ଟ ଅରୁଣ ବଳଙ୍କୁ ଯୋଗାଯୋଗ କରିଥିଲେ ମଧ୍ୟ ସେ ଏ ବାବଦରେ କୌଣସି ପ୍ରତିକ୍ରିୟା ଦେଇନାହାଁନ୍ତି। ଯାହାକୁ ନେଇ ଖୁଣ୍ଟକଟା ଅଞ୍ଚଳର ଅଭିଭାବକମାନେ ଅସନ୍ତୋଷ ପ୍ରକାଶ କରିଛନ୍ତି। ନିରପେକ୍ଷ ପରୀକ୍ଷା ପରିଚାଳନା ସହ ଉକ୍ତ ସେଣ୍ଟରରେ ନିୟୋଜିତ ଶିକ୍ଷକ ଶିକ୍ଷୟିତ୍ରୀ ଏବଂ ସେଣ୍ଟର ସୁପରଟେଡେଣ୍ଟ ଉପରେ କାର୍ଯ୍ୟନୁଷ୍ଠାନ ଦାବି ହୋଇଛି।
ଏହି ଖବରଟିକୁ ପଢନ୍ତୁ-ବିରଳ ପ୍ରଜାତିର ପେଚା ଉଦ୍ଧାର, ନିକଟସ୍ଥ ଜଙ୍ଗଲରେ ଛାଡ଼ିବେ ଲୋକେ
