ଭୁବନେଶ୍ୱର, ୧୯/୦୪: ଗାଡ଼ି ସାଇଡ୍ ମରାକୁ ନେଇ ଦୁଇ ବରଯାତ୍ରୀ ଗୋଷ୍ଠୀ ମଧ୍ୟରେ ଗଣ୍ଡଗୋଳ । ମାରପିଟ ଭତରେ ଫାଙ୍କା ଗୁଳି ଚାଳନା କଲେ ଦୁର୍ବୃତ୍ତ । ଏଥିରେ କିଛି ଲୋକ ଗୁରୁତର ହୋଇଛନ୍ତି । ଘଟଣା ସ୍ଥଳରେ ବଡ଼ଚଣା ପୋଲିସ ପହଞ୍ଚି ତଦନ୍ତ ଚଳାଇଛି । ଯାଜପୁର ଜିଲ୍ଲା ବଡ଼ଚଣା ଥାନା ଅଧୀନ ମହାବିନାୟକ ପୀଠରେ ଏଭଳି ଘଟଣା ଘଟିଥିବାର ଖବର ସାମ୍ନାକୁ ଆସିଛି ।
ସୂଚନା ମୁତାବକ, ଶୁକ୍ରବାର ରାତିରେ ମହାବିନାୟକ ଶୈବ ପୀଠରେ ବାହାଘର ଚାଲୁଥିବା ବେଳେ ବାଜବାଟିରୁ ବରଯାତ୍ରୀ ଆସି ପହଞ୍ଚି ଥିଲେ । ସେହି ଅଞ୍ଚଳରେ ଆଉ ଏକ ବିବାହ ହେଉଥିଲା । ଆସିବା ବେଳେ ଗାଡ଼ି ସାଇଡ୍ ମରାକୁ ନେଇ ଉଭୟ ବରଯାତ୍ରୀ ଗୋଷ୍ଠୀ ମଧ୍ୟରେ ବଚସା ହୋଇଥିଲା । ଏବଂ ପରେ ଏହା ଉଗ୍ର ରୂପ ନେଇଥିଲା । ମାରପିଟ୍ ଭିତରେ କେହି ଦୁର୍ବୃତ୍ତ ଫାଙ୍କା ଗୁଳିଚାଳନା କରିଥିଲେ । ମାରପିଟ୍ରେ କିଛି ଲୋକେ ଗୁରୁତର ଆହତ ହୋଇଥିଲେ । ଏନେଇ ଖବର ପାଇବା ପରେ ଘଟଣା ସ୍ଥଳରେ ପହଞ୍ଚିଛି ପୋଲିସ । ଘଟଣା ସ୍ଥଳରେ ପହଞ୍ଚି ଖୋକା ଜବତ କରି ତଦନ୍ତ ଚଳାଇଛି ପୋଲିସ ।
